الحارث

البـارت التاسع عشر

• رواية: الحـارث
♡
____________________

منيّن مَر بيّك الضَباب و تَيهِتني؟
____________________
افراح:

كاعدة بمكاني وكلبي ينبض
بدل النبضة الف

واسمع حديث نرجس وسند

نرجس: سند فدوه احجي كلبي حيوكف

سند كال بنبرة مهزوزة: نرجس حارث
مدنلكا ماكو، نخطف البارحة

خفتت انفاسي بصدمة ونرجس وجهة شحب
لونة: شنو

- نرجس حتى اني عقلي حيوكف مداستوعب

- سند ترة مرات يضل ايام برة لان عندة شغل
لتحجي هيج مابي شي ترة بالليل طلع

- نرجس لكينة سيارتة فارغة عالطريق

نرجس حطت ايدهة على حلكهة
وكعدت بالكاع رجلهة متحملهة

همست: وهوة وين

سندددد لتخبلنييي حارررث وييين

- مادرييييي مادرييي مدنعرررف

حجت بشهكة: سـ سند هوة بالليل طلع
كلشي ماكو

اخذ نفس قوي وكال: نرجس مستعجل

قبضت على ايدهة وبجت بقوة: وحارررث شلوون

همس بصوت تعبان:والله بس اعرف شي اكلج

- سند انته دتجذببب مووو
مستحيللل مداستووعب

تنهد بقوة وطفة التلفون

نرجس ذبت التلفون بهدوء
وضلت ترمش بعدم استيعاب

حطيت ايدي على وجهي بصدمة
وبلعت ريكي وعيوني غوشت بدموع

نرجس همست: جذاب ديجذب

كمت وكفت وايدي على وجهي بصدمة

وبس سمعت نرجس الي بجت بقوة
وهمست: جذاب اني ابوية ميعوفني

قشعر جسمي من الي كالتة وشفتي رجفت
بقوة ودموعي نزلت بسرعة

وخرت ايدي من على وجهي وعيوني
مغوشة بدموع وجسمي كلة يرجف
بخوف

نرجس وجهة اصفر كلش وتشهك بقوة
تقربت عليهة وكعدت كدامهة

رفعتلي عيونهة حمر دم وهمست: سمعتي مو

هزيت راسي ولزمت ايدهة: بس هوة كال
بعد ميدرون شصاير

رجعت ضمت وجهة تبجي بقوة واسمع
همساتهة تدعيلة وتقرة قرآن

بقيت لازمة ايدهة وعاضة شفتي
والخنكة الي بصدري موتتني داحس
بذنب ينهش بية

هم تعاركنة وهم راح زعلان وهم من
بسببي طلع وصار كل هاذة رجفت
شفتي بقوة وغمضت عيني ابجي واشهك

رواد: نرجث

ندارينة عليه جان واكف يم الباب
يباوعلنة بأستغراب