Unicode
ဒိုင်နိုဆောအရုပ်လေးတစ်ရုပ်။
ရိပေါ်လေးစားတဲ့ မုန့်ထုပ်ထဲက အစိမ်းရောင်ဒိုင်နိုဆောရုပ်လေးပါလာသည်။
ထိုအရုပ်ကလေးကိုထုပ်ထားသည့် ပလပ်စတစ်အိတ်မှာ ကပ်နေတဲ့ မုန့်အမှုန်တွေကို လက်ညှိုးလေးနဲ့ သပ်သပ်ပြီး ပြောင်စင်သွားတဲ့အထိ လျှာနှင့်လျက်ပစ်သည်။
ကိုကိုသာရှိရင် ရိပေါ်ကို ညစ်ပတ်ကောင်လို့ အော်ဦးမှာပင်။
"ရိပေါ်... သား စားတာ များပြီနော်... ထမင်းမစားနိုင်ဘဲနေမယ်"
"သားစားနိုင်တယ်... ဗိုက်ထဲမှာနေရာတွေချိပါသေးဒဲ"
မအေဖြစ်သူရဲ့ လှမ်းသတိပေးသံကို ခြေထောက်လေးတွေဆင်းလို့ မုန့်ထုပ်ကိုပေါင်ကြားထဲထည့်ကာ နှုတ်ခမ်းထော်ထော်နှင့် ပြန်လည်ဖြေကြားသည့် ကလေးငယ်ပေါက်စ။
"သားက ကိုကို့အတွက်လေ... အစိမ်းရောင် ပေးချင်လို့လေ... "
တစ်ဦးတည်း ရေရွတ်ရင်းနှင့် ပလပ်စတစ်ထဲက အစိမ်းရောင်ဒိုင်နိုဆောရုပ်လေးကို ထုတ်သည်။
"မင်းကိုကိုက ဆော့ပါ့မလားသားရဲ့... ကိိုကိုက လူကြီးဖြစ်နေပြီ"
"ကိုကိုက လူကြီးဖြစ်သွားယို့လေ... ချိတ်မချယို့ စောင့်ရှောက်ဖို့ ဒါက အိပေါ်ရဲ့ ကိုယ်ပွား"
"ကိုယ်ပွား???"
စကားသင်သည့်အရွယ်မို့ ထူးထူးဆန်းဆန်းစာလုံးလေးတွေ သုံးတတ်သည့် ရိပေါ်လေးက မာမားဖြစ်သူအတွက်တော့ ဆည်းလည်းလေးပင်။
ထို့အပြင် ယခုနေထိုင်ရာ ရှောင်းအိမ်တော်ရဲ့ ဆည်းလည်းလေးလည်းဖြစ်ပေသည်။
•
•
•
ရှောင်းကျန့် ကျောင်းက ပြန်ရောက်သည်နှင့် ခြံထဲ၌ ဆူဆူညံညံ အသံတစ်ချို့ကိုကြားသည်။
ရှောင်းကျန့်ရဲ့ ဝမ်းကွဲမောင်နှမတွေ အလည်လာကြသည်ဖြစ်မည်။
တခြားနယ်က လာရောက်သည့် အဖေ့ဖက်က မောင်နှမတွေထဲ၌ ရှောင်းကျန့်နှင့် မတိမ်းမယိမ်းအရွယ် ကောင်မလေးနှင့် ရိပေါ်ထက် တစ်နှစ်နီးပါးလောက်ငယ်သည့် ကလေးမလေးလည်းပါသည်။
YOU ARE READING
ကိုကိုဘာလို့မချစ်တာလဲ|| Begging a little love ||
Fanfictionကိုကို ဘာလို့ မချစ်တာလဲ...
