The Chase Escape (Algea Series #1) ✔

15

"Ayiee! Si Dylan nakabunot sa kanya!"

Inirapan ko si Abi nang sinimulan niya na ang asar sa akin. Martes na ngayon at nagkaroon kami ng bunutan kinaumagahan para sa exchange gift para sa magaganap na Year End Party sa Biyernes. Nabunot ko si Carlo at nabunot naman ako ni Dylan. Nanggigil ako sa kanya, dahil walong arnis sticks daw ang bibilhin niya. 

Ang nakalagay lang naman sa wishlist ko ay dalawang arnis sticks na ang ibig sabihin ay isang set lang at hindi walong arnis sticks na apat na set, at isang libro. Simple lang ang gusto ko pero iniiba niya pa. Alam kong madali lang niya 'yun mahahanap at hamak na mababa lang 'yun kaysa sa given amount na napagkasunduan naming lahat para sa exchange gift, pero 'yun ang mga gusto kong makuha dahil wala pa ako ng mga 'yun.

Nasa gawi ako ng grupo ko sa TLE para sa ginagawa naming activity. Kailangan kasi naming makagawa ng extension. Bubuuin namin 'yun bilang isang grupo at ako ang leader ng grupo namin. Hindi na talaga natapus ang pagiging leader ko. 

Pinapanood ko sina Daniel, Jason at Mariel maggawa sa sample na extension na meron kami. Hinahayaan ko silang ikabit ang wire sa male plug at sa female socket. Natatawa na lang ako dahil maturingang lalaki ang iba sa mga kagrupo namin ay hindi pa rin nila magawa ng maayos ang activity. Halatang hindi sila naturuan ng mga ama nila. Baka dahil na din sa hindi sila malapit dito. Naiintindihan ko 'yun pero ang hiling ko lang ay sana makinig rin sila sa sinasabi ko, lalo na si Mariel na nagmamarunong na naman sa gawain namin pero hindi naman magawa ng maayus ang pinapagawa ko. Napapahampas na lang ako sa noo ko sa inaasta niya.

"Ellaine! Ellaine!" rinig kong tawag sa akin ni Dylan na ikinabibingi ko.

Minsan talaga ay nasosobrahan na siya sa pang-aasar at hindi siya tumitigil hanggang sa maasar niya ako. At kahit pa maasar niya ako ay hindi niya pa rin ititigil ang pang-aasar niya, dahil 'yun ang ugali niya. Makulit, mapilit at mapang-asar. Nakakatuwa, 'di ba?

"Ano?!" pasigaw kong tanong.

Paglingon ko ay umakyat na lahat ng inis ko mula sa dibdib ko hanggang  sa ulo. Nakangisi siyang nakatingin sa akin. Nang-aasar na naman. Nabunot niya ako at alam niya ang nasa wishlist ko. Alam kong gusto niya na naman ako pagtripan dahil 'dun pero hindi na ako makakapayag pa.

Hinilot ko ang sentido ko at tinitigan ko siya ng sobrang sama tsaka siya sumagot sa katanungan ko nang tila hindi natatakot sa titig ko. Minsan talaga ay hindi ko rin maintindihan kug saan niya nakukuha ang tapang niya makipag-usap sa akin pero madalas, wala siyang tapang. He's really a weirdo. Parehas sila ni Jason.

"Anong klaseng libro ang bibilhin ko sayo? Tungkol sa love o horror?" tanong niyang may halong pang-aasar habang tumatawa at hinahampas kung sino man ang katabi niya.

Lalong nag-init ang ulo ko sa ginagawa niya. Ginawa niya ng biro lahat ng sinasabi ko at hindi na ako natutuwa doon. Halata namang hindi na ako natutuwa doon pero hindi niya pa rin ako tigilan.

"Alam mo kung ano ang gusto ko, Dylan. Tanungin mo ako kung hindi mo alam ang gusto ko, hindi 'yung tatanungin mo ako nang alam mo kung ano naman talaga ang gusto ko," pabalang kong sagot sa kanya.

Umiwas kaagad ako ng tingin pagkatapus kong magsalita at baka pabalang na naman akong sumagot. Masyado siyang mapang-asar kaya binabalik ko sa kanya ang asar niyang laging nati-trigger ang galit ko.

"Oh!" sigaw ng lahat na.

Ramdam ko ang pagkadismaya niya dahil sa sagot ko pero wala na akong pakialam sa kung ano mang nararamdaman niya, dahil siya ang nauna. Hindi naman masamang palasahin ko siya ng sarili niyang gamot, 'di ba? I just gave his medicine back. He played the chess and I just played my side. The difference was his pun is captured again by my pun.