The Chase Escape (Algea Series #1) ✔

35

TW: Anxiety

R18

"Posesan niyo 'to!"

Valentine's Day at ang daming booths sa labas. Meron rin kaming dapat atendahan na mga seminars pero wala pa namang sinasabi sa aming umalis na kami kaya hindi pa kami kumikilos. Na-late rin ng pasok si Jason at sinabi niyang na-traffic siya pero hindi ako naniniwala. Ang imposibleng ma-traffic siya sa pagpasok sa school dahil malapit lang ang bahay nila. Ilang minuto lang ng byahe at pwede na siyang makapasok.

Gusto kong isipin na may binili siya para sa akin pero ayoko ring mag-isip dahil ayokong umasa. Hindi na ako umaasa dahil pare-parehas lang silang wala pang pambili ng pambonggahang bigayan sa akin sa Valentine's.

Pinusesan nila sina Mai at ang isang taga-ibang section sa SHS habang kami ay nakaupo lang ng matiwasay nang pati kami ay idamay na sa kalokohan ng booth.

"Itong sina Ellaine at Jason oh!" sigaw ni Lourine at inaya sina Ate Satine papunta sa amin. Napairap na lang ako nang mapagtanto kong booth na naman nila ang natapatan ko.

Noong MU ko si Dylan, sa booth rin nila ako napahita 'tas ngayong taon naman posesan ng compatible ang ginagawa nila.

"Masakit sa wrist 'yan eh!" reklamo ko.

"Arte mo, Ella! Ayaw mo bang maposas sa jowa mo kahit for one hour lang?" pagtataray ni Lourine.

Eh kung ibalik ko kaya 'to sa punso ng mga kauri niya? O kaya ibato ko na lang siya sa bermuda?

"Putek, eh masakit nga 'yan!" sigaw ko.

"'Te Satine, magka'no?" tanong ni Jason.

"40 para makawala. 80 kayo kasi dalawa kayo. Discount ko na lang, 40."

"Oh, bakit sa kanila discounted?!" reklamo ni Lourine.

"Aba'y syempre! Kasalanan niyo ni Dylan 'yan kaya wala kayong discount! Love ko kasi si Ellaine kaysa sayo!"

"Aray."

"'Te Satine, lumabas ka na," rinig kong sabi ni Dylan. Walang kaekspre-ekspresyon ang mukha niya at akala mong sinalo niya ang lahat ng sama ng loob ng mundo.

"KJ mo ngayon, Dylle. Broken kasi."

"Crush ka kasi," bulong ni Lourine sa akin.

"Woi, shh!" Pagbabawal ko.

"Hindi naman," singit ni Jason.

Inabot niya kay Ate Satine ang 40 pesos at lumabas kaagad si Ate Satine dahil ang sama ng tingin sa kanya ni Dylan. Binelatan niya si Dylan bago tuluyang lumabas ng room namin.

Nasa Grade 11 STEM A Room kasi kami ngayon dahil gagamitin ang room namin at iuusog ang mga divider. Events nga naman, estudyante ang maga-adjust.

"Ayiee~"

Dinig sa buong room ang hiyawan nila at hindi ko alam kung bakit kaya tumingin ako sa paligid habang kinakabahan. Hindi ko rin alam kung bakit ako kinakabahan pero parang may nangyayaring hindi ko inaasahan. Kinalabit ako ni Jason at tumingin ako sa kanya. May hawak na siyang fake rose, isang lalagyan ng Stick-O, at isang lalagyan ng parang Ferrero na chocolate na nakalagay sa heart container.

"Hoy...Ano 'yan?!" tanong ko.

"Happy Valentine's Day," bati niya.

Hinampas ko ang braso niya at tumitig sa mga nakalagay sa arm chair niya. Tangina!

"Woi, sabi ko kahit huwag na!" bulyaw ko.

"A very special girl deserves a very special gift," aniya.