The Chase Escape (Algea Series #1) ✔

22

"Okay? Eh, 'di...ayus?"

Umiwas ako ng tingin sa kanya at natulala dahil sa isinagot niya. Eh, 'di sana lahat ganun? Bakit ko pa kasi tinanong 'yun?

Nakarating kami sa plaza ng maayus at hindi ko na pinansin si Jason. Nailang ako bigla sa Q&A na ginawa namin. Wala lang talaga akong magawa kanina dahil nagising ako sa isang panaginip na parang bangungot.

Bago pa ako makatayo ay may humawak sa pulsuhan ko. Napatingin ako sa kamay ng humawak sa akin at nang itaas ko ang paningin ko, nakita ko si Dylan na nanlilisik ang matang nakatingin sa akin.

"Bakit?" tanong kong nakakaramdam na rin ng pagod.

"Usap tayo."

"Teka, paalam lang ako." At tumango siya. Sinabihan ko muna si mommy na mayroon muna akong kakausapin at saglit lang 'yun kaya nauna na silang bumaba bago kami bumaba ni Dylan papuntang bench sa plaza, malayo sa service.

Lumayo siya ng kaunti at nagpamewang. Halata sa kilos niya ang rinding tinitiis niya kanina pa. Pagod na rin ako dahil sa field trip kaya paniguradong wala na rin ako sa tamang wisyong makipag-usap pero pipilitin kong sumagot ng maayus sa kanya kung sakali mang magtanong siya.

"Bakit ba?" pambabasag ko ng katahimikan.

Kanina pa siya ikot nang ikot sa harapan ko pero wala naman siyang sinasabi sa akin. Pwede na bang umalis? Ang dami niyang sinasabi sa chat pero ayaw isigaw sa harapan ko. Ayus lang naman eh.

"Nagseselos ako sa inyo," aniya agad nang dumapo ang nanlilisik niyang mata sa akin. He's a little bit taller than me kaya hindi ko na kailangan pang tumingala para lang makita ang mga mata niya. "Nagseselos ako sa inyo ni Jason."

"Saan?" tanong ko.

Hinilamos niya ang mukha niya at hinawakan ang pulsuhan ko. Ang higpit 'nun. Hinatak niya ako papalapit sa kanya at muntikan pa akong bumunggo sa kanya. Pwede kaming matumba dahil sa ginagawa niya! At sana lang hindi ako nakikita nina mommy na ginaganto ako ni Dylan. They will be furious for sure.

Nagulat ako sa iniasta niya ngayon. This is the first time he touched me with force and this will be the last, I swear.

"Ano ba?!"

Sinubukan kong bawiin ang pulsuhan ko pero nanghihina na ako dahil sa pagod sa field trip. Fuck, ang sakit ng hawak niya! Lalong humihigpit 'yun bawat segundong pumapalag ako.

"Sinungaling ka! Sabi mong lalayuan mo si Jason! Humiga-higa ka pa sa balikat niya! Pinapahiga mo rin pala sa balikat mo? Ang kapal niyo! Tsaka panigurado nilalandi mo na siya 'no? Kaya ka nagpapapansin sa kanya sa school kasi siya ang crush mo? Ano? Ako pa ba, Ellaine?"

Pumalag pa ako pero hindi ko matanggal ang kamay niya sa pulsuhan ko. Tangina, nababaliw na ba 'to? Siya nga ang pumayag na humiga ako sa balikat ni Jason at hindi ako 'yung humiga 'no! Inihiga ni Jason ang ulo ko sa balikat niya dahil pumayag nga siya! Tsaka, ako? Nagpapapansin sa mokong na 'yun? Ano bang nakikita nito? Puro mali lahat?

"Huwag ka ngang gumawa ng skandalo! Tsaka, pinaalam sa akin ni Jason na pumayag kang ihiga niya ako sa balikat niya para maging komportable ako! Sinabi pa niyang gusto mong komportable ako kaya ka pumayag. Ano bang pinagsasasabi mo ngayon? Saan 'yan galing? Anong pinuputok ng bituka mo ha?! Hindi ako nagmumura pero baka mamura kita sa kagaguhan na inaanunsyo mo sa akin dito! Aray! Bitawan mo 'ko! Ang higpit!"

Pinalagan ko pa siya nang pinalagan pero wala na talaga akong lakas. Sana lang ay may tumulong sa akin dito pero alam kong wala akong aasahan dahil nagsiuwian na sila at wala na rin ang mga bus. Walang makakakita sa amin dahil madilim na rin ang paligid. Tangina naman oh!