The Chase Escape (Algea Series #1) ✔

27

"Lourine, are you stupid?!"

Hanggang sa pwesto nang pinagpapraktisan namin ay abot ang sigaw ni Mai. Wala na kaming ibang ginagawa kung hindi magpraktis nang magpraktis. Nahati kami sa dalawang grupo. Ang isa ay kaming tatlo nina Ash at Elle at ang isa naman ay sina Sheedise, Jason at Elle. Sila Mai naman ay pumupunta lang dito para manood o magbayad ng kulang pa nila sa tuiton.

"Woi, woi, nagpapraktis kami dito tapus may nasasabihang tanga diyan," ani ni Ashton nang matapus namin ang isang dance routine.

"Pagsabihan mo nga 'tong si Lourine! Nagpapakatanga na naman. Huwag na lang kayang um-attend ng recog 'to?" pagmamaldita ni Mai.

"Ano na naman ba kasi 'yan? Matiwasay akong sumasayaw dito ng Dura Dura," pagrereklamo rin ni Sheedise.

Tinampal ko ang noo ko sa gulong nagaganap sa paligid ko. Laging ganito ang naririnig ko kay Mai. Araw-araw niyang nasisigawan si Lourine. Alam kong gusto ni Lourine na palabasin ang totoong nararamdaman ni Dylan pero halos araw-araw siyang tanga dahil sa pakikipag-away kay Dylan.

"Nakikipag-away na naman sa shota niya. Kay Ellaine ulit," sagot ni Lynarne.

"Ako na naman. Nananahimik ako dito," reklamo ko.

"Wala namang ibang pwedeng ma-involve. Tsaka, gago 'tong si Dylan. Gusto ka pa pala?" Napakamot siya sa batok niya.

"Huh? Hayaan niyo siya."

Winagayway ko ang kamay ko sa kanila. Patapus na ang school year at malapit nang makompleto ang pagmu-move on ko kay Dylan. It's painful and hard but I get over it. Sana siya rin. Sana kalimutan niya na rin ang nararamdaman niya sa akin dahil simula nang traydorin niya ako ay awtomatikong wala na siyang babalikan. Hindi niya na ko mababalikan.

"Hayaan?" Nakita ko ang pagtaas ng kilay niya. Alam kong nagtataka sila kung bakit gusto kong hayaan na lang si Dylan. Wala na naman akong pakialam kung may nararamdaman siya sa akin o hindi. Simula nang sabihin niyang hindi niya na ako crush o gusto, tapus na kami. "Gagi...Hoy, Lourine, tanga mo kasi! Iwanan mo na 'yan kaysa awayin mo nang awayin. Labas na labas na ang katotohanan, sis. Huwag mo nang palalain pa. Wala nang ginagawa sina Jason at Ellaine sa plano niyo dahil tapus na, nailabas niyo na!" aniya pa ni Lynarne.

"Tapusin ko na ba?" Nilingon ako ni Lourine at kumibit-balikat ako. "Iwanan mo kung gusto mo. Hindi ako ang magdedesisyon para sayo. Hindi ako si Lourine, hindi ako ikaw kaya ikaw ang magdesisyon," ani ko at pinatugtog ulit ang music ng sasayawan namin para sa recognition.

"See, Lourine? Stop being so stupid!" bulyaw rin ni Mai sa kanya.

Lumipas ang mga araw at puro praktis na lang amg inaatendahan namin sa BHC. Nagsuot lang ako ng blouse at pantalon para sa praktis ngayon. Nag-chat na rin ako kay Jason na huwag male-late dahil maaga kaming pinapapunta ni Ash para sa praktis. Bago mag-9 o 10 am ay dapat nasa school na kami, kung hindi ay makakaltukan kami ni dance leader.

"Alis na kami, 'my." Humalik ako sa pisngi niya nang isukbit ko ang bag ko sa balikat ko.

"Ingat. Hoy, ate, si bunso ah," bilin niya.

Napairap na lang ako dahil 'dun. Alam kong ibibilin niya na naman si Elle sa akin pagkasakay namin ng MASDA mamaya. Lagi namang ganun ang eksena. Ako ang ate kaya ako dapat ang may alam sa pag-aasikaso sa kapatid ko.

"Oo na. Nasa akin na naman ang pamasahe. Elle, bilisan mo. Mapapagalitan tayo ni Ash kapag late tayo!" sigaw ko.

"Oo na, ito na! 8:15 pa lang, ang OA mo!"

Lumabas na ako at naghintay. Nag-chat na muna ako kay Jason kung gising na siya at kung hindi pa ay bumangon na siya dahil may praktis kami ngayon. Paulit-ulit ako sa kanya pero ang tapang ng gago at hindi nakikinig sa 'kin. Gusto niya bang sa nanay pa niya makarating ang pamimilit ko?