The Chase Escape (Algea Series #1) ✔

40

"Tangina, bakit hindi nagre-reply ang gagang 'to?"

Nandito na ako sa tabing daan na sinasabi ni Abegail kung saan kami kakain pero hindi ko pa kasi alam kung anong resto ang sinasabi niya kaya nag-chat ulit ako sa kanya. Tumingin ako sa paligid, nagbabakasakaling mahagip siya ng paningin ko at nahagip nga. She's on her phone chatting with someone kaya napakunot ang noo ko nang makita siyang tumawa.

"Abi!" tawag ko at parang hindi pa ako narinig ng gaga dahil hindi niya ako kaagad nilingon pero lumingon siya pagkatapus niyang magtipa sa cellphone niya.

"Ella! Hi!" 

Niyakap niya ako nang makalapit siya. She smelled like cherry blossoms. Kagagaling rin yata niya sa isang shoot pero iba na ang damit niya. She's wearing jeans, a long-sleeve V-neck blouse, glasses, and a cap. Her hair was in a low ponytail and was slipped through perfectly on the hole of her cap.

"Kamusta?" tanong ko nang makabitaw na kami sa yakap. 

Tumabi kami nang mapansin naming may dadaan sa likuran niya. Medyo bago pa kasi ang lugar na 'to kaya ang dami pang mga taong pumupunta dito. Nakatingin lang siya sa akin nang nakangiti at parang nag-uusap ang mga mata namin bago ako nagsalita ng tuluyan para naamn hindi kami nagchi-chismisan gamit ang mga mata namin.

"Do you have any boyfriend right now? Balita ko may nai-issue raw sayo ngayon na boylet!" pang-aasar ko.

Umirap siya dahil sa sinabi ko. "Wala, fling lang ang meron ako. At 'yung isyu? Hayaan mo na. Mawawala rin 'yun!" sagot niya.

"After kay ano, bigla kang naging mature ha. Fling fling nga lang." 

She was reading the menu when I talked. Tumawag siya ng waiter at sinabi ang mga orders namin bago niya ibinalik ang paningin sa akin.

"Oh, bakit? Ikaw nga dry season! Ilang years na? Ah, muntik na mag-dekada. Jason pa nga." 

Hinampas ko siya sa braso dahil sa inis pero huli ko nang naalala na model nga pala siya. Napansin kong maraming tao ang tumingin sa amin nang dumaing si Abegail sa ginawa ko at tumikhim na lang ako para makaiwas sa atensyon. Baka mamaya i-report pa ako ng papparazzi diyan na abuser niya ako. 

"Tigilan mo 'ko. Hindi naman ako dry season," deny ko.

"Really?" 

Tinaasan niya ako ng kilay at pinanlakihan niya ako ng mga mata nang nanatili akong tahimik sa harapan niya. Napairap ako nang takpan niya ang bibig niya. Alam ko na kaagad ang iniisip niya.

"Huwag mong sabihing nagpapadilig ka sa iba?!"

"Gaga!" sigaw ko. Siya ba hindi dry season? Mas matagal pa yata silang break ng naging jowa niya kaysa sa amin ni Jason. 

She had a boyfriend when she turned college. Nauna kami dahil huminto siya ng isang taon noong nag-pandemic. Ang hirap kasi ng signal sa kanila 'nun at ang daming pinapagawa sa kanya bilang trabaho pero nag-aral naman siya noong nag-start na ang face-to-face classes. One year late lang naman siya at ang naging boyfriend pa niya ay anak ng former CEO sa isa sa mga sikat na modelling company sa bansa and was also internationally famous for their models, actresses and actors.

Hindi ko alam kung alam ni Abegail 'yun pero pinili naming isikreto sa kanya dahil ayaw naming isipin niyang mayaman ang naging boyfriend niya. His ex is nice and respectful at siya lang lalaking nakapagpahinto sa laro ni Abi, ang pagiging boys charmer. Lahat ng lalaki kasi ay nakukuha niya dahil sa ganda niya and now, she's back to it again when they broke up. 

Marami ring articles ang lumalabas about sa kanya na nakipaglampugan raw siya sa isang aktor o kaya naman ay may affair raw sila ng isang model na may asawa na But despite all of that, I cannot see her went down because of the issues. She keeps shining. Alam rin naming puro kasinungalingan lang lahat ng 'yun dahil hindi naman 'to makikipaglampugan sa kung sinong sinong tao lang. The only person she told me that she have sex with countless times was with her ex and that was years ago.