في الشرقيه في بيت ابونمر في المطبخ تحديدا
شيخه ومضاوي طاقتهن الفظاوه قامن لبسن قمصان روز طقم لونها احمر وربطن شعورهن قرنين مثل الاطفال وحطن فيها شرايط على ابو انه بنات اولى ابتدائي والحين هن فالمطبخ يجهزن الشبسات والبسكويتات لانهم ناوين يعيشون الدور للآخر وبيقعدن يتفرجن على توم وجيري
شيخه حاطه على طاولة المطبخ صحن قزاز عميق وفاكه فيه مجموعة انواع من الشبسات وصحن ثاني متروس بسكويت وتشوكلت
شيخه :اخيرا خلصنا بنعيش اجمل يوم طفوله في التاريخ هل انتي مستعده ياصغيره
مضاوي : تنقز مثل البزران مستعده ياحمقاء
شيخه :حمقاء في عينتس في بزران يقولون حمقاء قالته وهي تلوي فمها وتهز راسها باستهزاء الشرهه علي الي العب مع عجز
مضاوي مدت شفايفها قدام وعفست وجهها ونزلت راسها تحت نفس حركة البزران الزعلانين
شيخه شافتها وفتحت فمها يمه طلعتي بزر من جد ياحظتس بالسنفره الي انتي فيها (سنفره من سنافر يعني حجمها صغير )
مضاوي ههههههههههههههاااااا شفتي الحين من العجوز ياعجوز
شيخه اقول جيبي الببسي من الثلاجه بسرعه لايفوتنا توم وجيري وتراني جيري هذاني قلتلس من هالحين
مضاوي راحت لثلاجه اصلا جيري مايلبق الالي انتي حدك توم الغبي وهي تتكلم قامت تفتش الثلاجه تدور الببسي مالقت الاعلبه وحده
اخذتها ومشت باسكات لحد ماوصلت لباب المطبخ
شيخه مخلصه شغلها وواقفه عند المغسله تغسل يديها علشان يروحون عند التلفزيون
مضاوي اول ماوصلت عند الباب ارفعت الببسي فوق توري شيخه
شيخه شوفي مافيه الاواحد ياحلتيبه
شيخه صرخت لاغش غش في ثلاجتنا يعني لي انا
انطلقت مضاوي تركض منحاشه بعلبت الببسي
وشيخه تركض وراها وعجزت تلحقها مضاوي طلعت للحوش تبي تهرب مع الباب الي في الحوش ويوصل حوشهم بحوش خالها
شيخه زادت من سرعتها ومدت يدها تخطف قميص مضاوي الروز وقدرت تتشبث فيه اخيرا
مضاوي تعثرت من شدة شيخه لها وطاحت على وجهها في الحوش والببسي طار من يدها وتدحرج بعيد عنها شيخه مع طيحت مضاوي طاحت فوقها
مضاوي تحاول تقوم بتلحق تاخذ الببسي قبل شيخه ارفعت راسها وتفاجأت برجول ضخمه قريبه من راسها شهقت وفزت بسرعه شافت نمر واقف ماسك ضحكته بلقوه واول ماشافها شهقت وفزت ماعاد فيه يستحمل قام يضحك بصوته كله شيخه استوعبت الموقف وجلست متربعه وفقعت ضحك
هي الثانيه اما مضاوي الي كانت جالسه ومنزله راسها في الارض من الفشيله ماقدرت تستحمل ضحكهم قامت تبكي بصوت ووقفت من بينهم وهي حاطه اذراعها على عيونها وتبكي
نمر استغرب بكاها واجبر نفسه انه ينهي موجة الضحك الي افتكت فيه فجأه
لاكن محاولته فشلت لمى شاف مضاوي تركض اتجاه الباب الي يروح لبيتهم وهي مسكره عيونها بيدها وبدل ماتدخل مع الباب ارقعت في الجدار
هنا شيخه ونمر انفرطو ضحك
وهي وخرت يدها عن عيونها ودخلت وهي تبكي وتسب نفسها ومن بعد هالموقف قعدة شهر كامل مادخلت بيت خالها من الفشيله
نمر من يوم ارجعو من الرياض ماضحك مثل هالضحك الي ضحكه اليوم
اصلا من افترق هووصيته ماعاد يحس بطعم الحياه صارله شهر الحين وهو حزين ومهموم ولاياكل مثل الناس امه وابوه حاولو يعرفون وش صاير معه لاكنه رفض يتكلم في الموضوع نهائي
وهذا هو مازال واقف في الحوش يتأمل المكان الي دخلت منه مضاوي ويفكر خلاص ياصيته دامك انتي الي اخترتي البعد ابشري بأبعد بس ترى قلبي مازال عندتس ترفقيبه ياصيته ترفقيبه
