نمر
كلمة وليد حرقت قلبي حسيتها موجهه لي انا الحالي مدري ليه حسيت للحظه انه يعرف كل شي بيني انا وصيته بس لامستحيل صيته تطلع كلام مثل ذا لاي احد
اكيد انه رمى الكلمه كذا والايمكن يقصد فهد الي طول عمره يتكلم عنها وكأن عقد زواجه منها في مخباه
وجت هي احذفته من السماء على صخر
الوكاد ان كلمته خنجر وانغرس في قلبي
لاني على كل حال كنت في عينها و اف بس
فهد
هزلت اخرت عمري وليدوه الدلوعه يتمسخر علي
لاوبعد متعشم انه ياخذ صيته اه يالقهر انا انفقعت
مرارتي من خطبت رعد هالمره يطلعلي وليد الاياخذها
رعد اهون واجد
فهد ونمر كانو واقفين يمين الباب ووليد موقف سيارته
قدام الباب مباشره يعني الي يطلع من الباب يشوف
وليد قدامه والايشوف فهد ونمر الا اذا التفت جهة اليمين
باقي الشباب في المجلس يتقهوون ويسولفون وقت العزيمه
كانو مشغولين بالضيافه والاتقهوو
طلعت هلا اول وحده ووقفت على الباب وجت بعدها صيته على طول ووقفت معها
صيته اما وليد بالثوب والشماغ شي ثاني صك على الشباب كلهم صحيح ان فهد اجمل منه وجه بس وليد طول
وجسم وتناسق وبعد انيق احسن شي ارمي عليه كم كلمه
تغثه مدري ليه هالادمي بذات اتونس على مغثته
في هالحظه اوصلن هيفاء وحلا واتجهن كلهن لسياره
صيته جت بترمي كلمه على وليد بس اصعقتها هلا
بلكلام الي قالته قبل لاتكلم هي
هلا بمكايد لصيته وهي تمشي على مهل وراها
: وليد حرام عليك عذبت صيته بهالطله
هيفاء تستلعن مع اختها يوه بس لو تسمع وش قالت عنك تقول وليد طول عمره يجنن بس اليوم بزياده
صيته وصل ظغطها مليون بعد يكذبن عيني عينك التفتت على هيفاء وهلا وهي ناويه تمسح فيهن البلاط على الكلام
الي قالنه على لفتتها شافت نمر وفهد واقفين يراقبون الموقف باهتمام اها ذولا هنا عاد هالاثنين ياما تمسخرو
على وليد اقول خلوني اصف مع وليد هالمره وفي السياره
نتفاهم افتعلت الاحراج وقالت وجع انتي وياها ماتعرفون
تسكرون احلوقكم الشرهه على الي يكلم بزران
وليد ادري انها قالت هالكلام على عين فهد ونمر
بنت عمي العزيزه تجيد التصويب حد القتل
بس مجرد انها اكدت كلام البنات قدامهم الي
انا مستعد احلف انها ماقالته هذا الحاله
انتصار وجهة نظراتي لتماثيل المذهوله قدامي
ورديت وانا اضحك بنشوه بعمري ماحسيت بمثلها
وش ذا الاحراج خفو على البنت وبعدين من قال اني ابيكم
تعلموني وش تقول عني خلوها لوقتها وانا اسمعها منها بنفسي
البنات التفتن في الاتجاه الي يناظر له وليد وشافن فهد ونمر وهنا عرفن ان السالفه فيها شي لانهن كانن متأكدات
ان صيته بتهجم عليهن بس الي صار لابد وراه سالفه
وبكذا اركبن السياره كلهن من غير والاحرف ازياده
