يوم جديد وصباح رايق
انس قام من النوم على الساعه تسعه الصباح
تذكر كيف كانت نفسية مناير مرتاحه لمى صحاها
لصلاة الفجر اليوم فكر يقوم يسوي لهم فطور
لولا انه تذكر كلامها لمى قالت انه خادم عندها
دخل الحمام غسل وراح يشوف مناير
لقاها نايمه ومغطيه جسمها كله بلبطانيه
قرب منها وكان راح يناديها من بعيد
بس مايدري شلون ارجوله اخذته لفراشها
جلس جنبها وجسمه لاصق في ظهرها سحب
البطانيه عن وجهها وشاف كيف كشرت لمى حست
فيه : بتقومين معي والا انا انسدح معك
مناير الي صحت من اول مافتح انس الباب
وكانت متضايقه من جلسته جنبها والي
كانت مقرره انها تستمر في تمثيل النوم لعل وعسى
يطلع من عندها بمجرد ماسمعت الكلمتين
الي قالها انس فزت جالسه بفجعه
انس ماقدر يستحمل منظرها وضحك ههههههههههههه
: افا كل ذا علشان مانسدح جنبك حسستيني
اني وحش
مناير لاول مره تنتبه ان انس الكريه جذاب وجع ضحكته
تجيب البرد
وبعصبيه : خلاص قمت بعد
اختفت ابتسامت انس وقام واقف : قومي خلصيني
امشي قدامي للمطبخ نصلح لنا فطور
مناير : ومين ان شاء الله الي راح يسوي الفطور انا ماعرف والاعمري دخلت مطبخ
انس حب يغيظها : بلاه من قل السنع الظاهر لا امك والا ابوك يدلون درب التربيه
مناير انقهرت من كلام انس كل شي ممكن تتغاضى عنه
الا انه يتكلم في ابوها وامها فزت واقفه
: ما اسمحلك تكلم عن امي وابوي واذا تربيتهم ماهي
عاجبتك ودني بيت جدي الحين وصدقني راح
اكون اسعد وحده في العالم اذا تخلصت منك
انس حس انه خرب الدنيا بزلة السانه الغبيه
حب يقطع املها في جدها علشان يضمن انها
ماتشكيله لانه يعرف ابو مطلق زين دام حفيدته
ادخلت بيته غصب ماراح يتردد ابدا انه يسحبها
من عنده من اول شكوى
وبسخريه : ومن قال ان جدك راح يستقبلك بعد
مارماك ابوك رمية كلب والله اعلم وش امسويه
لاتظنين الكلمتين الي قالها ابوك علشان يغطي
فضايحك ادخلت راس احد واستدار من عندها
علشان يطلع
مناير انقهرت واشتعل في جوفها حريقه من القهر
والكره لانس اصرخت بقهر : ياكلب ياحقير
ماهو انا الي يكون عندها فضايح وابوي
لو يسمع الكلام الزباله الي انت قلته تاكد انه
اول واحد ياخذني من عندك اما ابومطلق
تعرفه زين اسد مايتطاولون على عرضه الكلاب
الي مثلك واذا فيك خير قل هالكلام قدامه وشف
جدي وش يسوي علشاني
انس يدري ان كل الكلام الي قالته صحيح
باستثنى كلامها عن شرفها لانه مازال شاك فيها
انقهر من سبها واستحقارها له استدار لها
ووصل عندها في لحضه وحده مسكها من
حلق القميص وصار ينفضها الا ياقليلة
الادب يالي ماتستحين انا تكلمين معي
كذا انا ينقالي كلب ياكلبه ياحيوانه
توقع انها بتنهار وتقعد تبكي
لاكنه تفاجى ان مناير حطت عينها في عينه
بثقه وعدم اهتمام بنفضه لها
: ومن انت علشان ماينقالك هالكلام
وبقوه وثبات كملت :قدامك خيار من
اثنين مافيه غيرهم ياتحترم نفسك وتعتذر عن الكلام
الي قذفتني فيه ياتاخذني الحين لجدي وتقول
الكلام الي قلته لي قدامه واهو يعرف وشلون ياخذ
حقي منك
انس استغرب البنت الي قدامه غير عن البنت الي
قبل امس جابها له علي هاذيك بنت علي الخايفه
الضايعه المنهاره بس هذي غير النبره هذي يعرفها
زين نبرة ال مطلق الشيوخ الي يهزون المجالس هز ..........................
سلمى مافيه غيرها الجبل الشامخ الي كان طول
عمره ينظر لها كحلم مستحيل تحقيقه لدرجة انه
مافي يوم تجرى وتخيل مجرد تخيل انه يخطبها
هذي هي نبرتها هذي روحها ازرعتها في بنت اخوها
وراحت
مناير استغربت كيف انس تجمد قدامها وسرح
بعيد وكانها ماهي موجوده قدامه
