ليلة عرس هيفاء بعد الانصراف من العرس
وليد نزل من السياره وحده معصب كان المطعم
يستقبل الطلبات من خلال شباك في واجهة المطعم
يعني الي يطلبون يكونون واقفين في الشارع
وسيارة وليد موقفه بعد شباك المطعم بمسافه في المواقف
والبنات من داخل السياره يقدرون يشوفون طابور الزباين
لوناظرو من جهة وليد وحلا
المهم كان في الطابور قبل وليد اثنين ووليد الثالث
الاول اخذ طلبه ومشى وتقدم الي قبل وليد مباشره يطلب
هنا وقفت سيارة شباب فيها ثلاثه اشخاص قدام الشباك مباشره ونزل واحد منهم ودحش عمره بين وليد والرجال الي ينتظر طلبه يجهز
الشاب : لو سمحت يابو الشباب مستعجلين حنا وحتى لو
ماسمحت عادي في كل الحالات انا قبلك قاله وهو يعدل
وقفته في الطابور بضحكة سخريه
ومادرى ان وليد يدور الي يفش خلقه فيه ادوره
وليد خمه بياقة ثوبه وانا ماسمحت وماراح اسمح وبشوف
كيف بتكون قبلي والكمه على وجهه هذاك ماكان اقليل
شر ورد لوليد الضربه ووليد استلمه انزلو اخويا الشاب
فزعه له واشتبكو مع وليد بس هم وين ووليد وين كل
ضربات وليد صابتهم وهم نادر مايصيبونه واذا اصابوه
فبسبب كثرتهم الرجال الي يطلب اخذ عشاه وراح وذولا
باقي يتضاربون وماحولهم احد لان الوقت متاخر
وليد مسك واحد من الشباب ودفه على سيارتهم بقوه
وخبط ظهر الشاب في السياره وون بالم في لحضه شاف
اخوياه مصفوفين جنبه وليد وقف قدامهم يعدل ملابسه
وبسخريه : مشكورين ياشباب
اول واحد اشتبك معه وهو واقف ساند نفسه على سيارته
واخوايه مثله وحدهم تعبانين من الهوشه وماعاد يبون الى
السلامه
: على وشو شكرا
وليد وهو يطلع محفظته ويسحب منها مئتين اريال
ويحطها على كبوت سيارتهم :مشكورين على الهوشه
كنت محتاج افرغ طاقتي السلبيه وبلمناسبه عشاكم على
حسابي واستدار للمطعم يطلب عشا خواته
اقرب شاب يم الفلوس اخذها وهو يلوح لوليد : حاضرين
لطيبين متى مابغيت تهاوش تعال
البنات في السياره ويتفرجن على الهوشه
وحدهن خايفات على وليد
حلا : ياويلي اخوي بيذبحونه شوفو اخوياه انزلو معه
هلا: يارب سترك اخاف معهم سكاكين والا شي
صيته وهي تدور تحت المرتبه الي تحتها
: بس انتي وياها النواح ماهو بفايده بشي دورن
تحت المراتب يمكن نلقى عجرى والاسكين والا مسدس والا
اي شي عشان كان شفناهم اغلبوه نفزعله
حلا : من جدك انتي وليد محترف قتال وتبينا نفزع اذا
هو عجز عنهم بلعقل بيعجز عنهم وليد ونقدر عليهم
حنا
صيته : هذا انتي قلتيها محترف والكثره تغلب الشجاعه
يعني وليد مايحتاج اكثر من واحد يربكهم ويشتت تركيزهم
عليه وبكذا يمردغهم كلهم تحت رجليه
هلا : ومن ان شاء الله الي بتفزع
صيته : انا افزعله ووالله ان فزعتي فزعة ارجال مير خلي
عنك الهنوصه ودوري تحت مرتبت وليد
هلا بدت تدور تحت مرتبة وليد ولقت عجرى عطتها صيته
وارجعن يراقبن وش يصير بين الشباب والي حد الان
وليد متفوق عليهم وهذا الشي خلا توتر البنات يخف اشوي
حلا : هلا بالله مالاحظتي صيته وش قالت من شوي
هههه تقولك خلي الهنوصه طلعت البدويه الي داخلها
هلا : وجع انتي وسماجتك وليد ينضرب وهي فاضيه تتريق
حلا : والله انا اشوف وليد يضرب ماينضرب وشكلي بافزع
لضعوف الي جلدهم
صيته وهي تشوفه صفهم على السياره : هههههههه
شكلي انا الي ابفزع لهم
هلا : ههههههه عاد انتي موب صافك معهم الابيرميك
تحت كفرات السياره ويفحط على خشتك
صيته وهي تشوفه راح يطلب والشباب اركبو سيارتهم ومشو : ياطول بال هالرجال طولاه صارله نص ساعه
ضارب ومضروب وللحين اله مزاج يطلب
هلا : احمدي ربك على الاقل تضمنين لو تهاوشتو وانتم
رايحين للمطعم مايكنسل الطلعه بسبت الهوشه
صيته وهي تحط العجرا تحت مرتبتها : اقول سكري
هالسالفه قبل تجيك ضربه على راسك من ذالعجراء
تقسمه نصين
هلا وهي تضحك وترخي راسها تحت : بس خلاص توبه
الاراسي ابيه
