مرزوق طلع ظرفين مسكره اخذ واحد منهم وافتحه
وبدى يقرى الوصيه بعد بسم الله والصلاة
على رسوله صلى الله عليه واسلم وبعد
التوصيه بتقوى الله واتباع سنة نبيه
(اوصي اعيالي محمد وحمود بتزويج صيته بنت حمود
لوليد ابن محمد بشرط ان يقدم لها مهر مئة الف ريال
كلها من تعب يده مافيها لادين والاعطيه
في مدة سته اشهر تعد بالايام تبدا من يوم فتح
الوصيه واذا لم يتمكن وليد من جمع المهر
في الوقت المحدد يسقط حقه في الزواج من صيته
ويتم عقد قران راكان ولد محمد على صيته بنت حمود فورا عند هالنقطه فز ثلاثه اشخاص اشتعلت انفسهم بغضب عارم وهم راكان ووليد وصيته
راكان صرخ : صيته مثل اختي مستحيل اتزوجها في يوم من الايام
وليد ايضاً صرخ : صيته لي ومحد ماخذها غيري حتى لواذبحها واذبح نفسي معها
صيته انحبست صرختها حد الاختناق ليه ياجدي ليه ترخصني كذا انا وش سويت صارلي عشر اسنين اتعذب بوصيتك كرهت وليد وقربه بسببها ويوم تحاملت على نفسي ورضيت تقوم تهدر كرامتي كذا وتحطني كوره يترامونها اعيال ولدك بينهم
شخص رابع لم يتوقع احد ان يسمع له صوت
صرخ : اختي ماهي لعبه عند اعيالكم ودام السالفه اوصلت لهنا محد ماخذ صيته لاوليد والاراكان وكانت هذي
صرخة سالم
صراخ الشباب الثلاثه تداخل في بعض وااوقف الجميع صرخه اعلى من ابو وليد : اص والاكلمه مالاحد فيكم راي من بعد وصية ابوي وبصوت اعلى صه اقطعو خلونا نسمع باقي الوصيه
الشباب اسكتو وهم يحسون بقهر لايوصف من هالوصيه الملتويه بيوصي ليش ماقال صيته لوليد او لراكان اوحتى لواحد من اعيال عمها من غير مايحدد من اما يحط شروط ملتويه ومهينه ليه وش لازمت الفه ذي كلها
حمود واولده محمد حسو بحسره وقهر على بنتهم صيته واهم متأكدين ان هالوصيه اذبحتها لاكن برهم الاسطوري اجبرهم على ابتلاع الغصه بصمت
صيته مازالت تنزف بوجع حقيقي وبصمت قاتل
مرزوق شاف الشباب سكتو بعد صرخة ابو وليد فكمل قرايه
مع العلم انه يوجد مع هذه الوصيه
وصيه ثانيه تسلم باليد لصيته بنت حمود
وهي امانه معها حتى اخر يوم من ايام
السته أشهر وفي اليوم الاخير تقوم بفتحها
وبعد اطلاعها على محتواها هي مخيره
اما ان تسلم الوصيه لحمود ومحمد
وفي هذه الحاله هم ملزمين بتنفيذها
مثل ماهم ملزمين بتنفيذ وصيتي هذي
واما ان تحرقها وان احرقتها لايحق
لاي احد ان يسئلها عن محتواها
تمت الوصيه ووجب التنفيذ )
ابو مرزوق يلتفت على صيته : تعالي ياصيته
صيته راحت يمه ومد لها الظرف الثاني
وهو يقول : هذي وصيتك من جدك وتراها امانه عندك
لاخر يوم في السته اشهر وفي ذاك اليوم افتحيها
وانتي حره بعدها ان بغيتي عطيها ابوك وعمك ينفذون
الي فيها وان بغيتي احرقيها
صيته اخذة الوصيه بصمت واطلعت فورا وهي تموت
من داخل قهر مابعده قهر
ومرزوق قام استأذن وطلع
وهنا لج المجلس كلن له راي وكلن له وجهت نظر
راكان اعطاهم نظرة غظب وطلع يركض لسيارته
ركب وحرك
وليد حس بأهانه مابعدها واضح انه طايح من عين
جده مره وحده والقهر بدى يتصاعد في روحه
حتى عجز يسيطر عليه وبغضب اسود متفجر
من اعمق اعماقه صرخ : دامني طايح من عين
جدي لدرجة انه يحسب بنته علي مكسب
هين ان ماخليتكم تحسبوني خساره
ماكون وليد وهذا انا اقول لكم من هالحين
باروح اكبر المخده وخل اشوف وين بتلقون لبنتكم
مثلي
وطلع يركض لسيارته هو الثاني شغل وشخط
محمد وسالم ناظرو في بعض واقعدو على الكنب
واهم يدسون روسهم بين ايديهم ويحسون بقهر
على حال اختهم الي اعتبرو الوصيه اهانه لها
