...
في بيت حمود الصاله الداخليه وكل العائله مجتمعه
بعد صلاة الظهر يتقهوون ويسولفون
غزيل : رعد وش صار على خطبته نشدتو عنه والا
حمود : ماخليت احد ماسئلته عنه التجار الي عنده في السوق ورياجيل اعرفهم ثقات ويعرفون ال سويلم وحتى حراس قصرهم سئلتهم وكل من سئلته يمدحه ويثني عليه
صيته مركزه مع ابوها وتفكر احسن شي اوافق عليه وبكذا
مايكون للوصيه اي قيمه لانها راح تطلع بعد ماتزوج
بس لوعرف ابوي اني ادري بالوصيه وش راح يكون موقفي بس ابوي من وين بيعرف جدي قالي وانا الحالي
وانا ماعلمت احد معناته لمى تطلع الوصيه راح اكون زيي زيهم توي اعرف عنها
غزيل : اجل بتوافق عليه
حمود : والله اني متردد مع ان الكل يمدح ويشكر فيه بس قلبي فيه شي من ناحيته عجزت اتقبله مدري ليه
محمد : بصراحه يبه انا اثق في نظرتك لرجال دايما
لاقلت هالشخص مارتحتله يطلع وراه شي
انا اقول ان الرجال الي انت سئلتهم عنه مايشوفونه
الافي اماكن العمل والافي المجالس وفي هذي الرجال
كفو وماعليه كلام انا وانت لو يسئلنا عنه احد قلنا مثل ماقالو ويمكن اكثر
سالم : اجل وين تبيه ينشد
محمد : هالمره انا وياك الي بننشد انا اشوف ان الشباب الي في مثل سننا هم الي يعرفون خفاياه بندور شباب
عائلة ال سويلم ونسئلهم عنه
حمود : هذا الراي الزين اي بالله اسئلو عنه والله ان قلبي
فيه صده عنه
في حديقة بيت ابو وليد
راكان ورائد واقفين يسولفون وجاهم وليد
وليد خير وش عندكم في هالظهريه
راكان : محمد توه كلمني يبينا نطلع العصر معه نسئل عن رعد
وليد : هذا الي ناقصني بعد اسعى في عرسه
رائد : بلعكس هذي فرصتنا علشان نطيره بننبش وراه لين
انطلع اعيوبه كلها وبكذا يرفضه عمك
وليد : وافرض مالقينا عيوب تستاهل الرفض
رائد : ولايهمك نشتريله عيوب وغمز لوليد
وليد ههههههههههههه طيب اجل قدام
البنات في جناحهم يشوفون وش اشترو ووش باقي
هيفاء : بنات احس الجزم والشنط كافي الي اخذناه
خاصه ان الي اخذناهم من محل فهد مره راقيين
حلا : حتى انا اشوف كذا بس باقي جزمة فستان الفرح
هلا : هذي اهون شي مدري ليه العرايس دايم يسوون ازمه على جزمت الفستان واخرتها محد يشوفها والاحتى العريس نفسه
