انس راح يصلي الظهر ومر سوق قريب اخذ منه مفرش
وبطانيه ومخده وبعدها مر المطعم اخذ غدا ورجع
للبيت
مناير تعبت من البكى ونشفت ادموعها من كثر مابكت من امس لليوم ارفعت راسها عن ارجولها وشافت انها مازالت في نفس الممر تذكرت انها اسمعت الاذان قبل فتره قامت توضت وصلت الظهر ونزلت عباتها وكانت قرفانه
من نفسها واهي مازالت بملابس الجامعه
تنوره سودا ضيقه وبلوزه رسميه راقيه كان مظهرها انيق
ومرتب
تتمنى انها تدخل الحمام تاخذ لها شور يهدي اعصابها
بس مامعها لبس والاحتى منشفه
كانت الصاله الي صلت فيها مفروشه بفرشه ومخاد
اجلست على المركى وبدت تفكر في وضعها
جدي اكيد ماراح يتركني اذا عرف الي سواه ابوي
بيجي ياخذني وافتك من الحقير ذا الحيوان مقفل
ابواب الشارع علشان ماروح لجدي
رجع انس للبيت ولقاها فاصخه عباتها وجالسه على
المركى في الصاله واهي سرحانه وماهي حاسه فيه
لاحظ ان وجهها منتفخ من كثر البكى
وقف يتأملها واضح عليها الترف والدلع صحيح
ان علي ماهو محسوب من الاغنياء لاكنه ميسور
وراتبه ممتاز واهو يعرف ان علي مدلع اعياله ومايخلي
عليهم قاصر رغم انه طول واقف الا ان مناير باقي
سرحانه وماهي معه ابد احم احم تنحنح انس علشان
ينبها
انقزت مناير بخرعه ويوم شافت انه انس ارجعت تجلس
على المركى وطنشته
انس مشى لحد ماوقف قدامها ومد لها كيس الغداء
وابأمر قومي اغرفي الغداء
مناير ارفعت حاجب واهي تناظره : ايدينك معك وماني
خدامه عندك احطلك غدا
انس ابتسم : صحيح مانك خدامه بس الأصح انك زوجتي
وملزومه تخدميني وقومي حطي الغدا قبل اقومك بلعقال
مناير الدلوعه ماهي متعوده تسوي شي في بيت
اهلها والايمكن احد يمد يده عليها او ينافخ في وجهها كذا
كانت بترد لولا انه جاء في بالها فكره احط الغداء ليش
ماحطه بس قبل احطه اغرقه ملح واشوف وشلون بيتغداء
سي السيد اعجبتها الفكره وقامت اخذت الكيس
الي حطه انس قدامها وراحت للمطبخ
انس استغرب انها استسلمت بسرعه هز راسه بحيره
ورجع لسيارته ينزل المفرش والبطانيه والمخده الي
جابهن لمناير شال الاغراض ودخل غرفة الجلوس
الي مفروشه بفرشه ومخاد حط الفراش في الزاويه
القريبه من الباب وطلع
مناير لمى دخلت للمطبخ التفتت يم الباب بتشوف
اذا انس يشوفها او لا واتسعت ابتسامتها واهي
تشوف المزلاج المركب على باب المطبخ وعلى طول
غيرت خطتها سكرت باب المطبخ وزلجته وبدل ماتحط
في الغداء ملح اجلست على كرسي طاولت المطبخ
وشقت كيس الغداء وقعدة تتغدى
انس لمى طلع من غرفة الجلوس دخل الحمام وانتم بكرامه
وبعدها طلع ووقف عند المغسله يغسل ايديه بالماء والصابون وبعدها راح لصاله وماشاف شي اهناك
مع انه تاخر استغرب وين راحت ذي راح للمطبخ
لقى الباب مسكر حاول يفتحه مافتح عرف انها مزلجته
من داخل صار يطق عليها الباب
