في الجنوب
في بيت مفلح
علي والنايفه متغدين عند مفلح وجوزاء وبعد صلاة العصر
راح مفلح يشوف اشغاله في مزرعته وعلي والنايفه جلسو عند جوزاء
علي ماسك يد النايفه وهو وياها وجوزاء طالعين من بيت مفلح يتمشون قدامه
: تعالي نشوف اشجرتنا
جوزاء : ياجعل هاك الشجره للقطع وشكثر بكت تحتها النايفه
النايفه : فال الله والافالك بسم الله على شجرتي جعلها تعمر ويطول عمرها
علي : افا وانتي دامك تشوفينها تبكي ورا ماعلمتيني
جوزاء : وش تبيني اقول وانت رحت تزوجت وماكن شي صار
علي ندم انها قال الها هالكلام افتحت عليه باب
: انا يوم عمي قال بنتي ماتطلع من الجنوب كنت اضن
انه متفق مع النايفه على هالكلام وهذا هو الي زعلني
وخلاني اسوي الي سويته
النايفه : افا وانت تصدق في بهالسهوله انا ماسمعت
ولادريت بالخطبه الى بعد مامشيتو من عند ابوي
علي : عاد امر الله ونفذ والشكوى لله
النايفه وجوزاء : ونعم بالله
اوصلو لشجره وجلسو تحتها
جوزاء : انت وش سويت مع ام ابراهيم بعد هوشة الاستراحه
النايفه تكدرة من الطاري وصدت بوجهها عنهم
علي : والاشي من بعد الي صار ليومك ماشفتها
رحنا انا والنايفه نعتمر وبعدها جينا هنا طوالي
جوزاء : ومتى بترجع لرياض
علي : باقي من اجازتي اسبوع في اخر يوم من الاجازه برجع
جوزاء : ووش بتسوي معها لارجعت
علي : قيد السالفه اندفنت هالحين وماني برايحن انبش
عنها سالفه وانتهت في وقتها وخلصنا
جوزاء لاحضت متأخر ان سالفتها اقلبت مزاج الثنين
الي قدامها حبت تغير جوهم الا وش رايكم تكتبون
اساميكم على هالشيره ذكرايات على قولتهم
النايفه وعلي ناظرو في بعض وابتسمو
والتفتو على جوزاء سوا وبصوت واحد نكتب ليه
مانكتب لاحظو انهم انطقوها مع بعض وناظرو في
بعض وهم يضحكون
جوزاء تناضر فيهم مستعجبه ياربي هالأثنين اكئب
خلق الله مايدلون الضحك هالحين على ادنات الدون
يضحكون ياربي هم استخفو والا الحب يخلي العاقل
بزر
علي بعد ماخلص ضحك يالله جوزا قومي جيبي سكين
حاده وقصيره علشان اقدر اتحكم فيها
جوزاء قامت تجيب السكين
النايفه ماصدقت ان جوزاء راحت قامت واقفه واخذت
يد علي ووقف معها اسحبته معها خطوتين للمكان الي
تعودت تاقف فيه تنتظره ارفعت راسها تناظر وجهه
وهو نزل اعيونه لها ابتسمت النايفه : هنا كنت اقف
انتظرك تمر راجع من مزرعة عمي ولامرني ابوي
والا مفلح وقال وش تسوين هنيا قلت انتظر غروب
الشمس وانا انتظر قدوم القمر
علي ابتسم لها وباسها على خدها :ياشمس حياتي
انتي وقمرها وانا كنت اترك الطريق المختصر لبيتنا
والي يرجعون منه ابوي واخواني وارجع من هالطريق
علشان اشوفك حتى اني صاحبت ولد راعي البقاله
الي في اخر الشارع وانا مالي فيه حاجه بس
علشان لاقالو ليه ماترجع معنا اقول بامر عبد السلام
في طريقي وانا ماتعنيت الا لنايفه
جوزاء جابت السكين وجت وشافت كيف واقفين يتأملون
بعض الله يالدنيا هالشياب طاقينها غزل وعشق وانا اذكر
يوم قالي مفلح احبك بعد سنتين زواج مشيت من قدامه
ماشوف الدرب من الحياء وتعثرت وطحت والمصيبه يوم
قمت باكمل طريقي عادي صدمت الباب الله لايعيدها
من كلمه بغت تذبحني
رفعت صوتي بخرب عليهم تراني جيت ياطيور الحب
