نرجع لوقت سابق بعد صلاة المغرب
وصل ابراهيم وراشد لمطار الرياض واستقبلهم
وليد بفرحه ماتوصف
وليد اول ماشاف ابراهيم ركض له وضمه
: ابشرك خالي علي رجع لبيت جدي ومافيه الاالعافيه
ابراهيم بعد عن وليد والتفت لراشد بصدمه
راشد سحب ابراهيم بيده وضمه سامحني ياخوي
ماقدرت اصب القهر في قلبك كله مره وحده
ابراهيم حس كأن شي ثقيل نزل على قلبه بقى جامد
مكانه راشد وخر عنه واهو التفت لوليد ناظر في وجهه بحزن رجع نزل راسه وبصوت واطي بطئ يشبه الموت
:من الي تزوجت
وليد /مناير
:من زوجها
/انس
ابراهيم انتفض بغضب وشو انس الشايب الي اكبر
منها بيجي اربع طعش سنه
وليد : انس رجال كفو وينشد الظهر فيه ومن حسن حظها
انه اكبر منها بكثير والاكان عذبها معه انس عاقل
ويعرف وشلون يسايسها اصلا توي مكلم امي
تقول جتنا مناير تعزي مرت ابوها مبسوطه ومابها الاالعافيه
ابراهيم انفجع : مفلح وش صاير له
وليد انتبه انه تكلم عن ترفه وابراهيم مايدري عنها
: مفلح بخير ابوك تزوج حرمه ثالثه والعزاء لوفاة ابوها
ابراهيم زفر بضيق واهو يخلل شعره بيديه الثنتين ويرفع
راسه لسماء يحس الاكسجين انتهى وبدى يتنفس قهر نزل اديه من شعره بعصبيه وبصرخه
:وش بقى ماصار قلي
راشد : تعوذ من ابليس كل مشكله ولها حل
وليد : ابشرك كلها انحلت مناير تقبلت رجالها وماعليها
اخلاف
ومرت ابوك الجديده خالتي ام ابراهيم ماطقت لها خبر
لاوابشرك مضيفتها في بيتها
ابراهيم : من مضيفه من
وليد : امك مضيفه مرة ابوك الجديده في بيتكم الي في
الجنوب
نعم ومرة ابوي وش جابها في بيتنا
وليد : يارجال خلنا نمشي الحين صرنا فرجه لناس
وبعدين اقولك كل شي
اطلعو راشد وابراهيم مع وليد في سيارته
راشد : وصلوني بيت اهلي بسلم عليهم
انتم متى بتمشون للجنوب علشان اجيكم
ابراهيم : ابشوف امي كيف نفسيتها الي صار موب
اشويه وبعدها نقرر متى نمشي
راشد : اول ماتتفقون على الوقت كلموني بانتظر جنب
التلفون
وليد : خلونا نمشي على عشر وننام في الطريق
ونجيهم في الصباح
راشد : احسن بعد موب حلوه نطب عليهم تالي اليل
وليد وابراهيم نزلو راشد عند بيته واتجهو للحرس الوطني
وفي الطريق وليد قص لابراهيم قصة اهله كامله
ابراهيم : لاحول والاقوة الابالله ابوي الله يهداه دايم
متسرع والي يطق في راسه يسويه بدون تردد
وليد : وش ناوي تسوي الحين
ابراهيم تنهت بهم ورد بحزن عميق : ابوي ماخلى فيها
سواه اهم شي الحين مناير لازم اروح لها واتاكد اذا
كانت تقبلت انس او لا وخلها تشكيه بكلمه ان ماقلبت
الدنيا على راسه
