في مجلس ابومطلق بعد مانتهت العزيمه ومشو الناس
ومابقى الا ال مطلق
ابومطلق لعلي : متى تبونا نملك لمصعب وانوار
ابراهيم فز بقهر : نعم
اي ملكه ذي ومن قال اصلا انا بنزوجها
ابراهيم كان يضن ابوه متفق معهم رفع انظره اله
بقهر وتفاجاء ان ابوه نفسه فز من مكانه بغضب
وش ذا حتى ابوي مايدري
علي : ومتى خطبتو انوار ومن قال اني موافق
ابومطلق ماتوقع هالهجوم من اولده وحفيده
رد على علي بقوه وثبات
: من بعد سواتك بمناير مالك يد على انوار
هالمره انس الي تنرفز وبقوه فز هو الثاني واقف
: زوجتي لاتدخلونها في مشاكلكم وترا علي مهوب
اول واحد يزوج صاحبه ويعطيه بنته وهذا مايقلل
من قيمتها وزوجتي راضي فيها وعاجبتني
وماسمح لاحد يجيب طاريها على غير سنع
وطلع من المجلس وتركهم
راشد حس وجوده غلط قام بهدو وطلع ورى انس
علي زهق من هالسيره رد بانفعال : كل من تحرك قال
مناير ومناير يكون في علمكم انس انا ناون ازوجه
من قبل سنه كامله وفي كل الحالات مزوجه مزوجه
ولاني مشاورن احد
اما انوار ماعندي نيه ازوجها الحين
ابو مصعب : اذا على الخطبه عطنا الموعد الي يناسبك
وابشر نجيك في بيتك الي في الرياض ونخطب
ابراهيم : انوار صغيره ومانا مزوجينها
مصعب تنرفز : ليه ماعندكم نيه تزوجونها لايكون ماني
بعاجبكم
ابومطلق : انا قررت وانتهى الموضوع
ابراهيم بقهر : لا منتهى والي يقرب من اختي
لايلوم الانفسه والله ان زوجوتهوها من وراي
ماسلم على زوجها الابرشاش الي ياخذ نفسه من ماكان
يكون
قاله وطلع من المجلس وكله قهر
وليد ماعاد فيه صبر : جدي حرام الي تسويه
في ابراهيم يكفيه القهر الي حس فيه يوم عرف
بزواج مناير مالكم حق تزوجون اخته من غير ارضاه
مصعب الي يكره وليد عصب من تدخله : اخته بنت
عمي وانا اولابها من الغريب وانت لاتحشر نفسك
في شي مايخصك
وليد : يخصني ونص والي يفكر بس انه يعترض طريق
ابراهيم بيلاقني رمح في انحره
كمل كلامه ولحق ابراهيم
علي : اذا وليد ماله خص انا الي وبنتي ماني امزوجها
مصعب يعني ترفضني
علي بتحدي : اي نعم ارفضك والاعندي بنات لزواج
ابو مطلق : والسبب
علي : بنتي توها صغيره وبتكمل دراستها ومن هنا
لين تخلص دراسه ماعندي استعداد اربطها باحد
اذا يبيها صدق ينتظر لين تخلص ادراستها وبذاك
الوقت يجي يخطب ووقتها انشد البنت اذا هي موافقه
عليه والا لا
