تحت عند المعازيم القاعه منسقه تنسيق من اروع مايكون
والحضور اكتملو وبدا الرقص اول من رقص ام فهد
وفي هالأثناء راحت حلا لصالة الطعام بتقابل وليد
اهناك جايب سلة ضيافه ظخمه كانو ناسينها في سيارته
وليد وزياد وعناد ادخلو من نفس الباب وليد وقف عند حلا وزياد وعناد اتجهو لداخل القاعه قبل يدخلون وقفهم صوت وليد
: خير انت وياه وين رايحين
زياد : بنروح نرقص مع صيته
عناد دق زياد بكوعه يبغاه يسكت وبتصريف
:ماعليك منه بندخل نجيب عود من عند امي
زياد بحلق في عناد باستغراب
ووليد تاكد انهم داخلين يرقصون مع صيته بس ماحب
يحرج عناد وهو يشوفه منحرج اساسا
: طيب بسرعه اطلعو
واخطرت على باله فكره طلع من مخباه الف اريال عطاها
حلا ووصاها بشي واول ماستدار علشان يطلع
التفت مره ثانيه بسرعه اتجاه حلا وش هالصوت
الي يشق القلب يا الله صوت ذا والاسحر
حلا مستغربه من حالته ونفس الوقت توقعت انه عرف الصوت
وليد بانفعال حقيقي يحس صوت الطقاقه تيار كهرباء
تسلل لجسمه وانفضه من الاعماق
:وش ذا الصوت من وين جايبين ذا الطقاقه وكم دافعين
لها علشان تجيكم
حلا انفرطت من الظحك : يرحم امك ماتعرف صوت خطيبتك
هنا انصعق وليد وقام يتلفت حوله مثل المجنون من خوف
ان احد يمر ويسمع صوتها مع ان باب صالة الطعام
من جهة الرجال قافله بنفسه بعد مادخلو زياد واعناد
تاكد ان مافيه احد والتفت على حلا وعفاريت الدنيا
تنطط في وجهه : وصيته الزفت من متى صارت طقاقه
حلا اندمت انها قالت له انها صيته ماتوقعت انه بيعصب
والاكان ماقالت
: اصلا اول مره تسويها وماهي مغنيه لاحد غير امها
هي شافت امها وش كثر فرحانه بعرس فهد قالت
بتهديها هالاغنيه وتخليها ترقص على صوتها
وليد مازال ينتفظ من الغضب اسمعيني زين هالحين
تروحين لصيته وتقولين وليد حالف عليتس انتس
ان غنيتي مره ثانيه عند الناس انه مايسدني فيها
اني اوطيها كفر السياره هذا اذا ماذكيتها وشربت
من دمها قبل اوصل السياره
حلا خافت من عصبية وليد شالت السله في يدها وطلعت
من الصاله وقفلت الباب وراها
ورغم ان صيته قيدها خلصت وهذا هو يسمع صوت الطقاقه يلعلع ومافيه وجه مقارنه بين صوتها وصوت صيته
ولاواحد بالميه لا انه مازال تحت تاثير صوتها المخملي
الساحر اه يالقهر يعني لازم اسوي فيها ثقيل وماني
مهتم بموافقتها على الخطبه اخ بس اخ انا الغبي
لو رايح لعمي بعد ماخطبها ابوي بيوم وقايله يملكلي
كان ملكلي زي السلام عليكم وكان قدرت اسريبها
اليله عروس واخلي العرس عرسين او اقل شي
كان مليت عيني من شياكة العرس الحين اكيد
شاده حيلها في الزينه والبس كان اقلها
خليتها تغنيلي لصبح اه بس اه
فتح الباب وطلع منه وقفله ومازال يهوجس بصيته
ومانتبه الا على راكان يهزه
:هيه يابو الشباب وليد
وليد انتفض : هاه ايه لا وشو وش تبي انت
راكان ياخي صحصح فضحتنا الك ربع ساعه مفهي
الناس انتبهت وانت نايم في العسل
وليد انحرج بس ماحب يرادد راكان اتركه وراح يلهي
عمره في الضيافه
