"أن تأتي الليلة التي أنامُ فيها بهدوء. لا غاضبةٌ على شيء، ولا غاضبةٌ من شيء، لستُ حزينة وليسَ شرطًا أن أكونَ سعيدةً حدّ القلق. فقط هادئة مُطمئنة، نائمة ويدي بجواري ليست على صدري"
القصة هذهِ قصـة مُحترمة تطلع منها بفائدة
ومُتعة اتمنالكم لحضات حلوه و...
"هذه الحياة الطويلة الكالحة المرهقة مادياً ومعنوياً قهرتني "
"أن تأتي الليلة التي أنامُ فيها بهدوء. لا غاضبةٌ على شيء، ولا غاضبةٌ من شيء، لستُ حزينة وليسَ شرطًا أن أكونَ سعيدةً حدّ القلق. فقط هادئة مُطمئنة، نائمة ويدي بجواري، ليست على صدري"
لطالما كُنتُ طفلةً تعاني من الم الوحدة بين اخوان ومن الم اليتم بين ابي وامي رأيتُ ابي وهوَ يضربها قتلها قتلها لقد قتلها ... ! رأيتُ ما لمْ ترَ طفلة واليوم انا عاجزة امام همومي حتى امام عينيك الآمنة اشعرُ بالخوف
"احاول أن أمضي العُمر .. كُل الُعمر مُقابل لحظةٍ أشعر فيها بالآمان برفقتك، أريح أنا رأسي المُتعب على كتفك لتقعد حشود الأفكار الواقفةً بهِ، وانت تربت بخِفّةٍ عليّ (كأنك تعتذر لي عمّا كنت حتى لست موجودًا فيه) ويتوقف الزمن في لحظةٍ أبديةٍ نبقى فيها هكذا إلى الأبد رأسٌ مُتعب وكتفٌ ثابت يتسع برفقٍ لخرابه ونتبادل الأدوار حسب حاجة الآخر للآمان مُعادلة صغيرة نُرتّب بها شتات الأيام وسبيلًا حنونًا نقو بهِ على هذه الحياة المُكدّرة "
خلت ايديها على راسي تمنعني اسمع عطت بيها "جاي اسمع دُنيا جاي اسمع" بچت وهيّ تحاول تسكتني تركتها اريد امي ما استحمل ابقى هنا كافي أذيه ركضت وراي سحبتني عن يدة الباب سلمى راح يضربچ ليش تروحين جاي يضرب امي بچت وهيّ تگلي "شتردين تسوين توخرينه عنها حتى يوديچ لبيت اهله فدوة لا تروحين سلمى والله يضربچ والله بچيت اكثر وحاولت ابعدها جاي اسمع صوت امي تبچي ليش دنيا ماتحس امي راح تموت منو النه غيرها امي گالتلي راح توديني للمدرسة السنة وراح اصير احسن وحدة وراح نخلص من ضيم ابوي اذا انه صرت اداوم امي گالتلي راح يجي يوم وابوي يصير زين ويانه وما راح يضربنا وما راح يأذينا وما راح يضطرنا نبات ببيت جيرانه من جديد سلمى " دُنيا امي راح تموت " دنيا " لا يگعدون اخواني ويسمعونه فدوة سكتي" بقيت ابچي وحدي فجأة اندفر الباب "بناتچ احرگهن حرگ والخلقچ وراچ وراچ اكتلهن واكتلچ واخلص منچ ومن شوفتج بنت الـ" سحبتنا من گدامه وهيّ تصرخ بأعلى صوتها والله يا كفاح اذا مديت ايدك على وحدة من بناتي لأخليك فرجة للناس كافيييي متحملتك كافي ولك والله حرام عليك حتى اهلي طردوني من وراك ملّو منك ملّو شسويتلك هسه انه بيش طالبهن شنو مسوياتلك صغاررر يا حيوان صغار بعدهن مايعرفن بيك وبسوالفك دنيا چانت تصرخ بهستيرية لدرجة سحب امي من عدنا واخذها .. بقت ساعات وساعات اسمع صوتها تبچي وتشهگ وانه ودنيا نخاف لا يگعدون اخوانا الصغار دنيا اختي الكبيرة وآنه واصغر مني جوهرة وياقوت حبيبات ماما وعلي وحسام تؤام اصغر منهن بالگماط
سمعت بطل اليشرب منه بابا انكسر دنيا عظت اصبعها وهيّ تردد يارب انتَ وياي يارب يارب يارب باوعتلها وخفت وانه امسح بدموعي گتلها " ليش خفتي" دُنيا "انه احس ماراح اشوف امي بعد'' فتحت الباب وطلعت وره هواي من سمعت الهدوء ماچان موجود احد محد موجود ابوي ماموجود علي وحسام يبچون توقعت امي يمهم رحت وانه اردد يمه وينچ صدگ امي اسمها احلى اسم بالدنيا اسمها ازهار امي احلى من كل الازهار رحت افتر ببيتنا بيتنا اظلم ابوي ما يصلح الگلوبات دوم اظلم صحيح قديم ومتهالك بس امي دوم ايدها بيه وتحاول تنظفه وترتبه سلمى "باب المطبخ مقفوله" دنيا " يجوز اخذها لأهلها بچيت آنه " يعني ما اخذتنا وياها مو كل مرة تاخذنا" دنيا " خليها تروح بدونا حبيبتي انه موجودة هيه ماتتحمل فراگنا راح ترجع اكيد بس تريده يعوفها گتلها" انه اكره ابوي وما راح اسامحه " امي دوم تگول سامحيني سلمى اذا اذيتچ انه ما راح اسامح ابوي يارب يموت مثل ما مات جدو ونخلص منه وترتاح امي ودوم امي راح تونسنا اذا مات صدگيني ليش تبچين راح تطلعنا وتاخذنا وين مانريد ونروح لبيت خالي احمد ونروح لبيت عاطت بيه كافيي سكتي سلمى سكتي سدي حلگچ بچت هي وگعدت بالگاع تركتها مستغربة امي راح ترجع هيه ليش تبجي رحت للصالة وانصدمت رجعتلها من جديد سحبتها من ايدها للصالة للقنفة بقيت اردد وانه ابچي واصيح دم هذا؟ دنيا دم؟ دم حاچيني آمي تعورت انجرحت دنيا ما اخذها لأهلها اخذها للطبيب راح يأذيها الطبيب دنيا جاوبي ليش تبچين!
"وحدها امي التي لها القدرة علي إصلاح كل شئ مكسور، حتي قلبي"
تذكروا هاي المشاعر المؤذية عاشتها بطلتنا بتفاصيلها كل ما اكتب اگول الله يعينچ ببالي الله يعينچ يا سلمى .. اكيد الاسماء مو حقيقية حفاظاً عليها وعلى خصوصيتها بداية خير ان شاء الله هذا اول مشهد للقصة انكتب بتاريخ 2022/8/4 الخميس
