ساعات سليمه

الجُزء الثاني

سَاعــات سَليـــمه

الجُزء الثاني

"‏في الليل يجلس الحنين
على الأريكة المقابلة و يسردُ الأسماء."

___________________________

وسن : سلمى گعدي سلمى شبيچ حبيبتي
سلمى : ما بيه شي
بقيت ابچي وطبيت لغرفة وحدي
اول مرة يصير وياي هالشي خايفة وما اعرف شسوي
دگت الباب دنيا ما فتحته

وسن : طلعيلي ياعيني
جاوبتها انه وابچي : ما اگدر
وسن : زين شبيچ شجاچ
سلمى : ما ادري
دخلت يمي غصب
شافت ايدي على بطني سألت وهيّ مستغربة
وسن : سلمى بطنچ بيها شي

اي ما اعرف شبيه صارلي يومين تأذيني وهسه...
گالت : لا تكملين عرفت
ابتسمت وكملت كلامها : مبروك بلغتي
بقيت صافنة بوجهها : شنو يعني
وسن : يعني صرتي كبيرة وحالچ من حال البنات الچبيرات وتگدرين تتزوجين
عطت بيها بصوت عالي : ما ارييييييييد لاااااا فدوة لااااا ارجوچ

خلت ايدها على حلگي وگالت : سكتي سكتي ادري والله ما راح اسوي بيچ نفس ما سوت امي بيه والله لا تبچين
والله ما راح اگله
سلمى : فدوة لا فدوة
وسن : سلمى ما راح اگله كافي بچي حبيبتي گومي وياي اساعدچ
اخذتني وياها وشرحت لدنيا
انه بلغت قبل دنيا چان هنا عمري 12 سنة
ودنيا 17 سنة وبعدها

وسن : دنيا سويلها گلاص چاي ووديه الها والله تعبت ما اگدر امشي منا لهنا
دنيا : اي هسه
وسن : يوم الالچ
ابتسمت وراحت
بچيت وگتلها : وسن شنو الحلو بالزواج
ليش فرحانة
وسن : اتمنى الگه شي حلو علمود اجاوبچ
صدگيني ماكو شي حلو بس هاي لازم الواحد يفرح بيها
يعني انتِ راح تگدرين يصير عندچ جهال وماتتعايرين من الناس علبو ما اجتها العادة
سلمى : شمدريهم يعني ، وبعدين أمي مو صار عدها جهال شستفادت
يعني الوجع عليه
والحمل عليه والتعب عليه
وبالاخير يصير بيه شي ويضلون وي ابوهم
وسن : مو كل الزلم مثل ابوچ
دنيا: الدنيا كلها يصير بيها خير بس ابوي ما يصير بيه خير
وسن : كافي عيب بنات لا تحچون على ابوكم

توها نطقت الحچايه سمعناه صاح بصوت هز البيت هز
كفاح : وسن وين
وسن : هااا ابو حسام موجودة هنا
دخل للغرفة مالتنا ونظراته كلهن حقد عليها
سحبها من ايدها بخطوتين اخذها الغرفة كلها وهيه ناعمة مو ضخمة عمرها من هيّه حامل چان 21

كفاح : شگايله لأمچ
وسن : اخخخخخخ يمه بطني
كفاح : شگايله لأمچ بطلي كلاوات واحچيييييي
بچت وهيّه متأذيه گالت : جاي انزف كفاح والله اخذني لأمي تجيبلي المولدة ماراح اطول فدوة
كفاح : اذا الليلة ما جبتي يا وسن
فلا ترجعين للبيت ما ابقيچ عايشة والله
جاوبته وهيّ تشهگ : كفاح وديني وشتريد تسوي سوي

سلمى بعيون مدمعة : دنيا دوم تگليلي ابوي ما يسويها وما يكتل احد تسمعين شيگلها
دنگت دنيا