سَــاعات سَليـــمه
الجُزء الثالث
"يكفيني من العالم يدٌ دافئة تتمسك
بيداي المرتعشتان وتطمئنها."
''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''
سلمى
صادف سابع ابوي وآنه روحي طالعة ما متحملة اي شي ومتأذيه
وبالگوه اشتغل ناس هواي والبنات يشتغلن ومامكفي چنت بوكتها منهارة بچي اشتغل وابچي
ياقوت : اجت عمه وسن
سلمى : صدگ اجت
ياقوت : اي والله اجت تعالي
رحت لگيتها حاضنه دنيا ويبچن
سلمى : عمه
باوعتلي وبچت اكثر : يا روحي سلمى بنيتي البقية بحياتچ يابعد روحي
انهاريت بحضنها ما احس بالدنيا گمت
وعيت على صوت دنيا
تبچي يمي
دنيا : ولج لا تموتين سلمى منو الي فدوة گعدي شبيچ
سلمى : اريد امي
بچت وصاحت بيّه : فدوة سلمى لا تخبليني مو بس انتِ تريدين امي والحسين انه هم
گعدي يابعد روحي گعدي راح تموتين سلمى راح تموتين منو يضل الي
نزلت دموعي ما اگدر احچي احس شي خانگني
جوهرة تبچي على جهة وياقوت مو يمنه
دنيا : تدرين صارلج يومين لا اكل ولا شرب
تدرين اذا صارلچ شي شيصير بينه
يبعد عيوني سلمى حاچيني حبيبتي
گعدي شبيچ
باوعتلها ورجعت راسي بحضنها
جوهرة : سلمى الكل سأل عنچ والله
ليش هيج يمتى تگومين كلنه تعبانين على ابوي انه مامصدگه ابوي راح وماسامحني
انه ودي اموت ولا يروح
ماتوقعتچ هلگد تحبينه
سلمى : ولچ اريد امي اريد امييييي
ويني وينه انه اريد امي جيبولي اميييييي
دنيا : ولچ بسس بس كافي تلطمين امي وين ماترجع امي
ولج وجهچ راح تموتين لطمتي لحد ماراح تموتين كافي ولج سلمى يابعد روحي كافي
بقيت اباوعلها سحبتني للمرايا
دنيا : شوفي روحچ يا عمري شوفي
ليش هيج شعرج راح من السحل وعيونج ووجهج يمه ياحبيبتي ليش هيچ
سلمى : راسي يوجعني..
بقتني ابچي يمها لحد مانمت
وره ايام عمامي اخذونا ببيت عمي الچبير ابو فيصل اول ما دخلنه زوجه عمي كارهتنا وماتريد نجيها مالها خلگ ضيم على گلبها بالله منو يريد 6 اربع بنات وولد ثنين يعني عائلة كاملة چنه
بس شنسوي وين نروح
اهل امي يحچون علينه بين العالم وسمعتنا بين اهل ابوي مو زينة شگلك امها شاردة وي صاحبها
ويم اهل امي نفس الشي بس شگلك ابوها كاتل امها وصاحبه لأن لاگيهم يخونونه
انه نفسيتي تدهورت كلش لا اكل ولا شرب ولا اسبح بببيت عمي چانن خواتي يگعدني من النوم ياخذني للحمام ما أتذكر يوم صرت زينة بيه
وجهي انصفط صفط جسمي عبارة عن هيكل عظمي راسي يوجعني كل ما اگعد بالفترة هاي وصلت للموت
عمي تورط بيه وجابلي طبيب لأن گالوله إذا ماتت يگولون بسببكم هوَ خاف وجابلي
الطبيب انطى هواي علاجات
الديرة كلها درت سلمى بت كفاح راح تموت وره ابوها
ماصحيت بيوم ابد
أنت تقرأ
ساعات سليمه
Romance"أن تأتي الليلة التي أنامُ فيها بهدوء. لا غاضبةٌ على شيء، ولا غاضبةٌ من شيء، لستُ حزينة وليسَ شرطًا أن أكونَ سعيدةً حدّ القلق. فقط هادئة مُطمئنة، نائمة ويدي بجواري ليست على صدري" القصة هذهِ قصـة مُحترمة تطلع منها بفائدة ومُتعة اتمنالكم لحضات حلوه و...
