ساعات سَليـــمه
الكاتبة رَيِحانــة الشيخ
البارت الخامس عشر
ليش من گتلك
بساتين البروحي تريد فيّك عاندتني
وليش من گتلك حچي الوادم چذب ماصدگتني
سلمى
وره اسبوع اجتني ياقوت علمود نسلم على الحجية قبل لا تروح
طلعتهم لازم بـ 3 الفجر حتى ماطالعة الشمس بهيچ وكت
الجو چان ثلج فترتها كلش باردة
جاي اعدل ملابسي وشالي وهيّ استعجلتني
طلعنه وجهالها عدهم باقين
چنت توني گاعدة من النوم
اصدقائه بالباب وناسه المقربة بس
وهو يمهم من نزلنه حاچاني واحد يمكن ابن عمه
هشام : النسوان منا...
باوعتله ودنگت وهو ما فك مني لحد ما دخلت عيونه وراي سألت ياقوت عنه
ياقوت : ياهو ؟
سلمى : مادري لابس مشمر نيلي فد واحد يعني لحد ماطبيت وصل لحد الباب يالله فك!
ياقوت : هاااا اخو صبا ابن عمهم هذا هشام متزوج هسه اراويچ مرته تلعب النفس لا يمه ولا گرباه هو العيون زرگ وشحلاته
بس بيني وبينچ هو كلش يغار من ايهم هو ابو الطلايب كلها يسوي گالات اكثر من النسوان
سلمى : مبين مكروه وعكره
ضحكت
عفتها ورحت لخالتي اگعد يمها
هي شبگتني وبوستني تگلي للعدل ما اعوفچ لازم ترجعين لبيتچ انه اريد وما اريد بحيث ما گتلها شي ساكته لا گلت لا ولا اي
يمه شفته 💔💔
ضليت صافنة هالمرة ما استحيت من اكبر واحد الدشداشه بيضة والضحكه سحلتني نستني كلشي
فات من يمي شاورني
ايهم "جايه خطار يـ سليمه بعد ما چنتي ام البيت"
ابتسمت وكتله : دير بالك على امي
ايهم : امچ ؟ امي ؟
ضحك وگال : خوش والله توصيني بأمي
سلمى : محروسين..
ايهم : انتم هم محروسين ...
فاتت حوراء مغثوثة من وگفتي قريبة منه
عفتهم بالصالة وطلعت برى
نسوان وخالاته يريدن يودعنهم
بس هذا هم شفته يحاچي صبا
وگفت يم ياقوت اجه يمي متت من وگفته هاي
هشام : انتِ منين ؟
سلمى : شعليك...
هشام : جاوبيني ؟
ياقوت : هذي سليمه خاف ماسامع بيها ، والحجية ودت عليها تريد تشوفها گبل لا تروح
هشام : سليمه نفسها ؟
ياقوت : اي
سكت ماجاوب وضل يباوعلي وانه كل شوي اغير مكاني واحس بعده لحد ما طبيت للمطبخ احسن الي
ايهم سلم على اطفاله والنايمين منهم صعد بوسهم وحدة ادري بيه....
وصفيه وحوراء بس هنه متأثرات احس صبا عبالك مفتكه بس تضحك وكل ما يحاچيها مامهتمه مو مثل حوراء وصفيه يبچن ويدعن اله
ياقوت : اگلچ هشام حتى ايهم انتبه اله طبي جوه لو تطلعين لسيارة سامر حتى ياخذنه
سلمى : رايحة
ياقوت : هاچ اخذيهم وياچ
سلمى : ابتيلت انه
ضحكت
بوسني مصطفى وبس يبچي اخذته على جهة اريده يسكت اگله ابوك قليل ويرجع ما يتأخر وهو ينشغ ولا همه ولا عبالك هسه صار بالخامس ابتدائي المفروض عبالك صغيرون
واگفين على جهة اشرتلي ياقوت عود اجه
سلمى : منو ؟؟
ايهم : هاااا هناااا انتَ
ابتسم وكمل بچي بحضني
ايهم : باوعلي... مو سكتنا مساع شو رجعت
يجي يوم وتروح وي امك وتحس بيه صحيح
مصطفى : اريدك ماتروح هي حبوبتي تندل وهي حجيه اصلا ليش تحج
ضحك واخذه مني باسه هيج حنانه غريب على ابنه گاعدله ركبة ونص وهو ظهره بس علمود يودعه
ايهم : تأخرنه حبيبي مايصير كافي انه مو گتلك انتَ الرجال ومن اروح انتَ بمكاني
وهاي سليمه يمك مو تحبها راح تضل تجيك تشوفك
صحيح سليمه
سلمى : اي صحيح واذا تريد گول لعمو سامر يجيبك يوميه يمي
ايهم : شوف هاي علما اجي روح يمها
شاوره مدري شنو تمنيت اعرف لأن مصطفى يضحك ويرجع يسمع
بحيث مصطفى ضحك وگال اله : اييييي
ايهم : هاي هيه كافي ؟
مصطفى : كافي
ابتسمت من عافه ووگف تركنا يريد يروح
أنت تقرأ
ساعات سليمه
Romance"أن تأتي الليلة التي أنامُ فيها بهدوء. لا غاضبةٌ على شيء، ولا غاضبةٌ من شيء، لستُ حزينة وليسَ شرطًا أن أكونَ سعيدةً حدّ القلق. فقط هادئة مُطمئنة، نائمة ويدي بجواري ليست على صدري" القصة هذهِ قصـة مُحترمة تطلع منها بفائدة ومُتعة اتمنالكم لحضات حلوه و...
