ساعات سَــــليـمـه
رِيحانـــــه الشـــيخ
حين قبّلت جبينه لأخر مرة ، شعرتُ وكأنَنِيَّ حَمَلتُ الأرضَ على كتفِي ، رحمّك الله يا أول هزائمي وأعظّم خسائِري...
البارت بدأ ريحاناتي...
___________________________
سلمى
ثگلان حتى النفس
مو جدمي بس ثگلان
وتعبان مو من الحمل
من الوكت تعبان
بعيوني لمعة دمع
ومنين ما التفت
الگى العمر ذبلان
والحيره ماتنوصف!
لاجرحي طاب وتفض!
ولاميت وخلصان
صادف هاليوم الما ينسّي بالـ 2014
موبايلي ما وگف اتصالات
سحبته اجاوب بكل الم وتعب...
گال بنبرة واضح عليها مشاعر الخوف والارتباك والتردد
حيدر : سلام عليكم ، ام سند مو ؟
سلمى: وعليكم السلام تفضل
حيدر: اخذي كلشي تحتاجينه من البيت انه جاي اخذچ منه
صدگيني خايف عليج راح يصير شي اليوم من اشوفج اگلچ بيه يمي وادم هسه
ارجوچ سمعي مني وطلعي غراضج التحتاجيهن جاي احچي صدگ
وانه هسه بوضع حرج راح انزل من الدوام بس علمود اخذج وارجع...
سديته من حيدر ما ادري شبيه دايخة
گال راح ينزل من الدوام يعني مطّول يالله يجيني
زين ليش يريد ياخذني وين نروح
بقيت افتر واتذكر تفاصيل البيت
اتذكر اول ما دخلني البيت وايدي بأيده ومايحاچيني زعلان بسبب الطلاگ الچان بيناتنه
شمالني وعفتك يا بعد روحي اربع سنين ؟!!
درست شفايدة دراستي وهسه انحرمت منك وماشبعانه منك شوف ليش كلشي بحياتي مرتبط بيك!!!
ليش اريد ما اتنفس لان انتَ النفس فگدته!
___________________________
سبحت وما لميت ملابسي افتر...
وانه جاي امشط شعري والدنيا بدت تصّير حارة
تذكرت الظهر وانه اكلت شفت يمي المگص بالمطبخ ونزلت اله
شعري نازل شوي عن ركبتي كلش طويل..
چانت بيه حنة على لون احمر من الكجرات وهو اصلا بني غامق والوانه عبالك مخصر بسبب الحنة
سحبت المگص وگصيته بحيث ماكصيته عدل واشوف خصل جاي تطيح من وحدها ما نزلتها بس مشيّت المگص عليها وهي تطيح گدامي...
نفشته وطاح الشعر الباقي...
چان اذا يريد يدلعني لو يريد مني شييي
اول حركة يحبها شعري يفتحه بأيده وهو ينثرة من يبوسني يبعده ومن يبتعد يقّربه ما اريده وانتَ ماموجود
أنت تقرأ
ساعات سليمه
Romance"أن تأتي الليلة التي أنامُ فيها بهدوء. لا غاضبةٌ على شيء، ولا غاضبةٌ من شيء، لستُ حزينة وليسَ شرطًا أن أكونَ سعيدةً حدّ القلق. فقط هادئة مُطمئنة، نائمة ويدي بجواري ليست على صدري" القصة هذهِ قصـة مُحترمة تطلع منها بفائدة ومُتعة اتمنالكم لحضات حلوه و...
