ساعات سَــــليـمـه
رِيــحـانـه الشيــخ
بعد وفاته أيقنت أن الفواجع تبقى كما هي ولو مّر عليها دهر وأن الحُزن على الراحلين لا يموت ، تتجدد ذكرى رحيلك في كُل يوم معا كُل إشراقة شمس لقد مضت الدنيا وأنا أشعر كأنني فقدتك بالأمس 💔.
--------------------------------------
سلمى
طشن سنين المحبة ومن بگاياهن شلم ؟
مره تغفى جروحي بيَه ومره أحن وانلچم
صارت گدامنا علامة"كربلاء ترحب بكم"
حيدر: ياعلي..
سلمى: شبيك تدولبت
حيدر: ولج گلبي انه رجال شايب ماتحمل هيج لو اضل اقاتل ولا اجي يمج
سلمى: ششايف انتَ ، شايف من يطلع الدكتور ويگول " طلعت من مسؤوليتي ادعولها"
حيدر : سلمى !!!! تحجين صدك وكتهااااا
سم الهاري وحريشي
ضحكت على ردة فعله واگله: راح يطلع يگول منو مسؤول عنها
قاطعني مايريد يسمع..
حيدر: الطچ هسه هيج على حلگچ اكسر سنونج
سلمى: هم ميته وهم سنونها مكسورة 💔
ضحك وگال: بحق امير المؤمنين اشمرچ من السيارة اذا ما احترمتي نفسج وانچبيتي وسكتتي ماناقصني شبيج ماتصدگين ؟
ترى صدگ روحي طالعة عليج اريد بس اطمئن عليج وانتِ گاعدة تسربتين ترى ماكو بشر صاحي يأذي انسان يحبه هيچ
بس حقچ انتِ حتى ماتصدگين احبچ طبچ حريشي لا تصدگين بس حلگچ سدي خليني اتحمل الساعات هاي لا اموت قبلج بيهن ...
سلمى : حيدر
حيدر: سديييي حلگچ سدي
سلمى: احبك...
حيدر: حبچ برص وحية ام راسين
ضحكت بخجل: زين تعرف احبك مو
حيدر: مارايد اسمع شي سكتي
سلمى: جعت حبيبي
حيدر: شبيدي عليج وعلي گوه لازم روحي
سلمى: كلش جعت..
حيدر: اصبري يروحي اصبري شتسوين يعني
سلمى: فوگاها ماي تگلي شربي قليل
حيدر: هسه تطلعين اشربچ تنكر ماي بس صبريلي هالساعات..
خليت راسي عالكرسي اسنده وساكتـه
طريق و للمستشفى شلون راح يكون
حتى الورد والحدايق المريّنه عليهن اشوفهن اسود وابيض حيدر مايريدني احچي
حيدر: سكتتي ؟
سلمى : بيك انفصام منو گال سكتي ؟
ضحك وگال: ومنو گلچ سمعي كلامي
أنت تقرأ
ساعات سليمه
Romance"أن تأتي الليلة التي أنامُ فيها بهدوء. لا غاضبةٌ على شيء، ولا غاضبةٌ من شيء، لستُ حزينة وليسَ شرطًا أن أكونَ سعيدةً حدّ القلق. فقط هادئة مُطمئنة، نائمة ويدي بجواري ليست على صدري" القصة هذهِ قصـة مُحترمة تطلع منها بفائدة ومُتعة اتمنالكم لحضات حلوه و...
