ساعات سَــــليـمـه
رِيحانــه الشيــخ
والشوارع طافية وحزنانه حيل
وانه ذاك المنتظر ريحة هله
بدينا ريحاناتي 🌱✨
___________________________
سلمى
هو التنشف دموعهَ اعله خده
وگاعد مگابل صوركم ينترك؟
اول ماصبّح نهار ثاني يوم..
لظهر وعصره احاول ما نلتقي وما نعاتب بعض الصار صار بعد وماكو وكت للندم
واليندم هسه منو بينه ؟
انه انسانة مريضة بيّه وبلياه ماراح اصيرله صحيح بالبداية الرفض مني بدون ما اعرف انه مريضة وهذا المرض مو عذر
وتوه صارلي وبيّنت اعراضه ماچان بيّه شي
وهو صبر هواي وهاي نهاية صبره انتهت
واخير محطة بقطار صبره وصلت
صارت الدنيا عصر والنفس ضاگ بيه
الهوى ياصاحب الهوى..💔
بقيت بالمطبخ احاول الزم اعصابي وتلفونه مابطّل مكالمات
تقريب الساعة بالستـة بدّل لبس القاط
حاولت ابقى بالمطبخ علما يروح
متوترة عبالك انه العروسة افتر وگلبي اول مرة احس نفسي احبك صدگ
اول مرة احس اريدك ماتروح
كل ما تروح لدوامك چنت اگول يمتى يطلع
وهسه اريد سبب بسيط ابقيك يمي
وين السكر يفقدني الوعي؟
وين الضغط واطيّح ؟
اريد شي واحد يخليّ يكول باقي يمچ..
صافنة وصحيّت عليّه وهو يگول
حيدر: سلمى
سلمى: ها ياعيني
صفنت على ترتيب ملابسه... البزمات الفضي بنهايات قميصه ، حلقته الي مانزعها من ليلة
حيدر: انا رايح..
بأبتسامة مصطنعة : الف سلامة عليك
حيدر: خلي ببالچ اذا طلعت من هالباب تنسين هذيج الشخصية بعد ، گتلج راح اتبدل وفعلاً تشوفين
سلمى: براحتك ياعيني اليريحك سويّه اتمنالك زواج سعيد ومبارك الك..
درت وجهي بحجة اضم الشكر بالكاونتر
سحبني اگابله
حيدر: لهالدرجة ماتريديني ؟
سلمى: شتريدني اسوي ؟
حيدر: حسسيني مهتمة
سلمى: مهتمة وموجوعة وگلبي عليك شسوي مثلاً كافي هم حقك صبرت ومليت انه ماعندي عقل ولا مقتنعة وراضيه بوفاة زوجي
وانتَ تعبت ومليت مني كافيك الم
روح بلكي تطلع انسانة محترمة وتقدرك وتنطيك حقك وتسعدك انه شنو بس فهمني؟
أنت تقرأ
ساعات سليمه
Romance"أن تأتي الليلة التي أنامُ فيها بهدوء. لا غاضبةٌ على شيء، ولا غاضبةٌ من شيء، لستُ حزينة وليسَ شرطًا أن أكونَ سعيدةً حدّ القلق. فقط هادئة مُطمئنة، نائمة ويدي بجواري ليست على صدري" القصة هذهِ قصـة مُحترمة تطلع منها بفائدة ومُتعة اتمنالكم لحضات حلوه و...
