ساعات سَليـــمه
الكاتبة رَيِحانــة الشيخ
الثاني عشر
صحيح أنني لن أستطيع أن أحطم هذا الجدار
بجبيني ولكنني أرفض أن أُذل أمام هذا الجدار
لمجرد أنه جدار من صخر وأن قواي غير كافية
سلمى
انا فرصة
وجاي احبك
استغلني
من اديرن
ظهري عنك
لو هوى الله
يصير يمك
مايردني
اول ما گالت انه حامل وتعبانه
عفت حوراء ومشكلتي والبچي واللطم على امي وركزت بيها
هوَ گالها روحي لأبنچ يبچي
حوراء : اذا هاي ماتسويلها حل اليوم
اعوفهم الك واروح
ايهم : روحي للولد ويصير خير
صفيه دخلت تنّوم بنتها وبشير همين گعد يبچي
صبا : اروح
ايهم : روحي...
ياقوت : انه نازله لا يجيني سامر..
ديري بالج على نفسچ
تعمّدت تگول هيچ خاف راح يأذيني
مد ايده الي خفت وما لزمته
ايهم : گومي يالله
سلمى : شنو
ايهم : جاي اگول گومي
دخلت للغرفة قفل الباب
ايهم : يمتى تجوزين من طلايبچ
سلمى : من حوراء تحترم نفسها وماتجيب طاري امي
ايهم : حچايه وحچتها انگلبت الدنيا لو گوه تريدين الطلايب ؟
سلمى : اذا تجيب طاري امي اموتها اكلها اكل اذا تجيب سيرتها وخاف عبالك اكتفيت ترى علمود ياقوت عفتها
ايهم : هااا هيچ الحچي
سلمى : اي هيج
ايهم : روحي اعتذريلها
ضحكت بأستهزاء : شنو يمه ؟؟
انه اعتذر لهاي ؟؟
انه اكتلها گول انه اموتها انه اندمها على السالفة الحچتها على امي
يعني هيه هاي گدرتك عليه؟؟
امي هاي امي تفهم شنو امي الراحت وما شبعت منها امي العافتنا بيد وحدة عمرها عشر سنين
امي الماتت مدري عايشة وما اندل الها ديرة
تگلي اروح اعتذر ؟
عمي لو تموتون الف موته ما اعتذر ولو بيدي هسه اضربها اكثر
ايهم : يعني ما تصيرلچ چاره هاويه الطلايب
سلمى : هاي لو امك هيچ تحچي ؟
ليش تحلل على روحك تحرّم عليه
سالفة وي عمامك مامسدوده صارلها سنين هاي مو طلايب
ليش امي طلايب ليش
ايهم : سليمه راح تعوف جهالها وتروح
سلمى : ليش ايهم انه باقيه ؟
ابتسمت بوجع وگتله
انه ما باقيه ايهم وهاي الايام تسويلي حل هاي هيه بعد انتهيت وماجاي اطيق واتحمل
ايهم : كافي... هاي هيّ روحي اعتذري وآنه راح اخليها تعتذرلچ
سلمى : ما راح اعتذر من حوراء وهيّ تعتذرلي اول هيّ الغلطت
ايهم : شايفة روحج شمسويه بيها
سلمى : ما راح اعتذر
اندگ الباب
راح فتح القفل
ايهم : ها حوراء
حوراء : انه بدلت يالله اخذني
باوعلي يطلب مني اعتذر حتى ماتروح
لخاطره رحتلها تقدمت ودست على گلبي
سلمى : انه اسفة لا تروحين
حوراء : انتِ گاعدة تهينيني گدام العالم ؟
اذتيني وضربتيني شنو اسفة
ايهم : وين رايحة؟؟؟
حوراء : ابو مصطفى اخذني لأهلي ما ابقى وي هاي ببيت واحد هاي وحدة مجرمة ابوها مجرم ما أأمن على روحي ببيت وياها
انتَ ماتعرف شسوت بيّه ما شفتها ماشفت شلون ضربتني
ايهم : تسبين امها شنو تريدين يعني؟
حوراء : يالله لا يگعد نوار اخذني
ايهم : روحي لغرفتج انه جاي ويصير خير باجر
أنت تقرأ
ساعات سليمه
Romance"أن تأتي الليلة التي أنامُ فيها بهدوء. لا غاضبةٌ على شيء، ولا غاضبةٌ من شيء، لستُ حزينة وليسَ شرطًا أن أكونَ سعيدةً حدّ القلق. فقط هادئة مُطمئنة، نائمة ويدي بجواري ليست على صدري" القصة هذهِ قصـة مُحترمة تطلع منها بفائدة ومُتعة اتمنالكم لحضات حلوه و...
