ساعات سَــــليـمـه
رِيـــحـانـه الشـِيخ
أرسلتُ إليك رسالة أخبرك فيها أنني أفتقدك كثيرًا ،
ثم بعد قليل قُمت بحذفها ،
وبعد قليل آخر حذفت المحادثة بأكملها لكي يهدأ عقلي ويكف عن ضربي
وأثناء نومي أصابني القلق مرتان
مرة عندما أفتقدتك
والمرة الأخرى عندما تذكرتُ أنك لم تفتقدني...
البارت راح يبدي...
التعليق عالفقرات والتوقعات نهاية البارت يشجعني استمر لا تقصرون
- نغوص بالاحداث ؟
- نغوص
سلمى
العصر گعد بيوم من الايام من سنة 2013 بأيام هوسة ولد عمه
ماله خلگ واظاهر حلمان لان متنرفز...
ايهم اكلج تعالي شبيج شو مگلوبه ؟
مابيه شي حبيبي
زين سمعيني أريد اكلج بشي سمعيني وركزي
اييي ؟
شوفي حبيبتي البيت ذاك بيتج انه مسجلة بأسمچ وكل اوراقه بعدين ادليّج عليهن
شنو يعني ؟
سمعي جاي اكول
ايي ؟
وواحد من محلاتنا بأسمچ ايجاره الج وصيت صاحبي حيدر
كلشي يصير بالدنيا لا تدري نفسٌ بأي ارضٍ تموت ولا بأي ساعةٍ ترحل
اذا صار عليه شي يجيبلج الفلوس وانه أأمن بيه هذا اخوي...
شجاي تحچي ؟
وراح اكلچ بشي شكد ماراح تسمعينه صعب عليج
عليه اصعب تمنيت لو ربي ماخذ عمري گبل لا اگوله بس إذا ماسويتي معناها ماطعتي وصيتي
بأرتباك گتله شكوو ايهم ؟
شنو وصيتي شنو وصيتك وكت وصايا هسه ؟
تشوفنا بيا حال انه وياك حتى توصي وشنو قصدك بالوصية ؟؟
شبيج حبيبتي
شنو ماطعتي وصيتي؟
كل واحد لازم يوصّي !
انه لازم اوصيّج انتِ اكثر وحدة محتاجه وصيتي
عود شجاي تحچي ايهم الوصية گبل الواحد لا يصير بيه شي اسم الله عليك شبيك
اردف ونظراته تبتعد عني وترجعلي...
لازم تعرفين خلص خلص ماراح احچي
بس اذا متت وما عرفتيها انه ماراضي
دمعت وجاوبته گول اسمعك
اذا صار بيّه شي منو الچ ؟
يوميه جاي افكر بالموضوع..
اگول وين تروحين عند منو تگعدين
منو يضل وياج من بعدي منو ياخذج للدكتور اخوانج وين خواتج وين
نفسيتي ماتسمحلي اخليچ بين ازواج خواتج
نفسيتي وروحي ماتسمحلي تگعدين ببيت عم لو بيت خال..
اموت وياك اخذني اموت وياك لا تعوفني وحدي وتروح هذا الحل وين ماتطلع اخذني وياك خلينه سوه
أنت تقرأ
ساعات سليمه
Romance"أن تأتي الليلة التي أنامُ فيها بهدوء. لا غاضبةٌ على شيء، ولا غاضبةٌ من شيء، لستُ حزينة وليسَ شرطًا أن أكونَ سعيدةً حدّ القلق. فقط هادئة مُطمئنة، نائمة ويدي بجواري ليست على صدري" القصة هذهِ قصـة مُحترمة تطلع منها بفائدة ومُتعة اتمنالكم لحضات حلوه و...
