ساعات سليمه

مشهد ²

سَاعــات سَليـــمه

"‏وددت أن أعود طفلة
لأن الرُكب المخدوشة
تلتئم أسرع من القلوب
المنكسرة."

اجت ام ابوي جديتي من بيتنا انگلب
اسمع صياح خالي احمد وخالي صباح وي ابوي واسمع بچي جديتي ام امي
حاچيت دُنيا
"امي وين شو تبچي حبوبه؟ امي مو عدهم"
دُنيا
"سلمى سكتي عني والله راسي يوجعني اريد امي حالي من حالچ"
بقيت اباوعلها شلون شابگه ياقوت وجوهرة
جوهرة گالت
راح نروح وياها

فتحت باب الغرفة حبوبتنا ام ابونا وهمّه برى
" ولچن التفتح حلگها بحرف وتحچي عن شي صار البارحة تدرن شيصير بيها "
دُنيا
"شنو حبوبه"
امچن تحترگ ترضن امچن تحترگ وما ترجع اذا حچيتن ما ترجع ولا تريدچن فاهمات لو لا
اذا حجيتن لأحد شصار البارحة راح تحترگ وماترجع الچن فهمتن ؟
دنيا گالتلها وهيّ تبچي
" ابوي ضربها وراد يموتها امي وين حبوبه وين خل ترجع والله راح نگله يصير زين وياها "
تنهدت وسكتت

طبت يمنه ام امي
" هااااااااا عجوز البين الله لا يرضى عنچ جاي تعلميهن شيگولن للعالم
ماخفتوا الله ببنيتي الله لا ينطيكم العافية ولكم رجعوها رجعوا البنية "
چذابين بنتي ما تطلع منها العيبة ابنچ الساقط چذاب وما يعرف شحچي من چذبه
صاح بيها وهوَ برى
لا بنتچ ال**
بچت هيّ وگالتله چذاب ومشلوعة عينك الله لا يرضى عنك يا كفاح الله يبليك بحريشي مامنه گومه
ولك عافتنه علمودك

بقت تشهگ وتبچي جاوبتها امه
" بيش طالبته بنتچ ام المكسرات ياما وياما سكتلها وعدالها وهسه جايتنا لسانچ شطوله وتلعلعين بنتچ راحت شافت صويحبها وراحت وياه وابني شريف منها ومن افعالها نسيتي شلون اخذناها منكم
حبوبتي اخذها خالي من ايدها وطلعوا لأن ما تگدر تمشي

كفاح
" سمعن زين امچن بعد ما ترجع راحت بعد ماترجع راحت ماتريدكم وراحت وي صاحبها " انسنها
جوهرة وياقوت ما فهمن ولا آنه

بس بعد سنتين عرفنه قصده شنو صدگ امي ما رجعت

انتظرناها يومية چنا ننتظرها ندري كلامه چذب وراح يجي يوم وترجع وامي ما عدها صاحب امي تحب كفاح هيه چانت تگله هيچ
احنه ندري خلصها يشرب ويضربنا اذا حچينه بأمنا چان اذا سمع واحد يحچي بيها يتخبل دُنيا احترگت ايدها من چانت تخبز ودوم ضايجة وتعصب على اي شي

وآنه رحت للمدرسة نفس ما ردت
چانت حلوه بس كل البنات يجون وياهم امهاتهم بس آنه امي مو وياي دوم چنت افتر بين النسوان بلكي المحها بلكي امي عافتنا وراحت لغير عائلة ومن الگاها تشتاقلنا وترجعلنا چانت معلمتي تنقهر عليه تدري بحالتنا شنو وتكره ابوي وما اعرف ليش

من چنت ارجع من المدرسة چانت دُنيا تدرسني
كبروا سنتين الولد وصاروا يمشون واحتاجينه احد بين يوم وليلة

جابلنه وحدة اسمها وسن للبيت چانت صغيرة
عمرها 16 دُنيا چانت 12
چان عمرها قريب من دُنيا وتخاف منه مثلنا وتحبنه واخواتي الصغار يحبنها
اذا اجه ولگاها ويانه ما تنظف لو تطبخ يضربها نفس ماچان يضرب امي

هيّ چانت تتعب حيل وبأكثر من مرة ياخذونها اهلها وترجع علمودنا والمرة الاخيرة گالت راح يصير عدكم اخ انه ودنيا ما فرحنه .. نريد امنا لليوم ومنتظريها وراح ترجع وتحن علينا
بقت وسن ويانه وتخاف علينه
لحد هاليوم ...

مشهد ²
انكتب بيوم 2022/8/4
من فضلكم متابعة وتصويت وانشروها حتى ابدأ بكتابتها ❤️