ساعات سليمه

الثاني والعشرون

ساعات سَــــليـمـه

رِيحانـــــه الشـــيخ

"و لكن ما الذي يمكنني أن أفعله لو ظلَّ ذلك الخوف ينبض في جسدي بدلًا من القلب "

ها صديقتي
تريد تشجعني اكمل انشر واكتب بارتات تشجع انشر واكتبلي تعليقات وناقشني بكلشي بأي حچايات راح افرح لو علقتوا على اي نص
وصدگ روح جيب ناس تتابع وياك البارتات لا تجي وحدك🥹🥹😂🤍
نغوص بالاحداث؟
-نغوص

سلمى

ردت اگُلك انهّ تعبان
وگمت فوگ التعَب هّم تعَبتني

من حسيت الحركة يمي واليذبحني مايلگه بيه قطرة دم صرخت بصوت عالي اجيت اتهستر ساعتها

وره شوي اجه ايهم للغرفة زاد الخوف بالزايد يعني منو اذا مو انتَ
بأيده شمعة ويسألني شبيّه

اطلع... مابيه شي اطلع
ضل صافن بعيوني
بچيت ورجعت عدتها عليه اطلع الله يخليك لا تسوي بيه هيج حباب خليني خليني وحدي ما اريد منك شي

ايهم سليمه لا تخبليني وياچ شجاچ ماتگليلي وليش تصرخين ليش

گتله بصوت هامس بداعة مصطفى اطلع...

شعري خانگني ونازل على وجهي عرگانه والعيون حمر والدموع اكو تنزل واكو جافه على خدي

گال آنه برى وشوي واروح بس خل تطلع الشمس اصلي واروح شيطمني عليج وانتِ هيچ حالتج

هو يحچي وانه افكر يجوز راح يحرگني
هو هذا البيت محد يندله بس خواته واكيد ما يندلنه عدل
راح يحرگني ويروح عني وهو جاي يحاچيني ماصحيّت هبط السكر وفقدت الوعي

صحيّت وره ساعات الشمس طالعة اول ما شافني فتحت عيوني گام من يمي ابتعد

ايهم اجيب يمچ ياقوت علما ترتاحين هاليومين
وماراح تشوفيني بس لا تخافين بس سكتي وهدي روحچ

باوعتله وغمضت عيوني على كيف
طلع من الغرفة...
وعيوني على الباب

وره ساعات اجت ياقوت وجهالها ماجايبتهم
تعبانه احسها ومالها خلگ احس جايبها صخرة

مالها خلگي... ماتحجي وياي وبس تتحسر
ضليت انه بس اباوع حتى ما اگدر احچي
كل شوي وسألت شبيه ابو مصطفى ليش جابني شبيج انتِ
ما جنت احسها گلبها على اختها
انه جاي اموت وهي بقمة البرود

كل شوي وتتصل على سامر ومشغولة
عافتني وگعدت جوه اسمعها تحچي بالتلفون بس ما افهم شتگول...

اخذت يمي ساعات حتى مو يوم

اليوم الثاني جاب يمي دُنيا هي وجهالها من الصبح لليل هذا الحچي ما يشوفني يجيبهن ويروح

امشي شوي بالبيت اكل شوي وارجع للغرفة خواتي مشغولات مامضطرات عليّه
هاي اصعب شي انو ماعندي واحد يساعدني اگوم ولازم اگوّم نفسي وانه ارجع بشر