ساعات سَليـــمه
الكاتبة رَيِحانــة الشيخ
الثامن عشر
و شلونك شگد تنسآل ؟
نفس الشلونكَ تنطرقَ
بس هيه من حلگ المحب
تختلف حيل شلونك!
سلمى
آخاف أشتآگلك والگاك ما عايز 💔
وأخاف من الـبَصدري البعده ما جايز
وأخاف گبال " عينكَ " نظرة منيّ تصير
تشبه نظرة الخسرآن للفايز
ايهم : ليش احس جيتچ بهالطاقة وراها شي
سلمى : شنو وراها ؟
ايهم : تريديني ؟
بقيت صافنة شجاوب
ايهم : المهم... ما اريد جوابج
بس انه.... ما احس اريدج
سلمى : براحتك انه ماطلبت منك تاخذني..
ايهم : انتِ ماطلبتي بس امي جاي تطلب ومو بس امي روحي جاي تطلب
بس المفروض لا...
جاوبته وانه مرتبكة : راح تسمع لمنو
ايهم : لعقلي...
سلمى : يعني؟!
ايهم : ماترجعين..
سلمى : احسن اسمع لعقلك وقرر
ايهم : شو هيج مستسلمة لقراري معقولة
سلمى : شتريد اگلك رجعني؟!
ضحك وگال : لو حچيچ صدگ چان گلتيها
بس انه گتلچ چذابة...
سلمى : مامچذبه بشي وهذا يكفيني گدام نفسي مو مهم تشوفني چذابة اهمشي انه مامچذبه
ايهم : لسانچ طولان..
ضحكت بخجل
ايهم : روحي يالله
سلمى : صعدني يالله اروح حباب فدوة
شوفه شلون لطيف ويباوعلي
ايهم : حاچيله عنچ وهسه هو مامقتنع بذوقي من شافج
ضحكت اكثر
سلمى : ياااهووو تغيرت حتى النبرة
الله يخليك حباب حجييييي حباب حجيي
ايهم : اششششش صوتچ صوتچ شبيچ
روحي لأهلج راح يروحون غير مرة تعالي ماله خلگچ يريد ينام
باوعتله شلون صافن علينه وعيونه تضحك😭😭
ضحكت من نظراته
سلمى : باوع ما يريد ينام صافن بكل حيله
ايهم : اذا طحتي شلون
سلمى : وحد اطيح؟
ايهم : الحصان مو للنسوان
ضحكت وگتله : منو گالك انه نسوان
انه مو نسوان صعدني يالله
ايهم : شيطان...
سلمى : جاي تتشاقه لو لا..
ايهم : ما اتشاقه
سلمى : انه رايحة معناها واعتذرلي
ايهم : روحي هذا ما ارجوه
سلمى : ما راح اروح
جوهرة : سلمى !!!
سلمى : شگد صوتها عالي وصل لهنا
ايهم : ابقي..
سلمى : ما اريد ابقى اريد احققلك ماترجوه مو تريد اروح
ايهم : عناد حتى بهاي يالله انه آسف راح اخليچ تصعدين بس اذا ماله خلگ وشمرچ مالي علاقة
سلمى : گول انه آسف لأن گتلچ شيطان
ايهم : انه آسف
سلمى : لأن گتلچ شيطان
ايهم : سليمه... تأخر الوكت
سلمى : توها تسعة وربع ما تأخر وليل الشتا بعده طويل يالله گول
ايهم : اعتبريني گلت
سلمى : ما اعتبرك گلي يالله لأن انه مامسويه شي وانتَ شمرت هيچ حچايه عليه
صفن بوجهي وانه همين
وضحكنا گال وهو يضحك
ايهم : مامسويه شي!!!
سلمى : اييي حبابه 🤣 ، يالله سامحتك مو من گلبك
ايهم : ايدچ
سلمى : واخيراً
ايهم : خلي هنااا
عاط بيه چنت دايره عنه
التفت كلي
سلمى : صوتك توك تگلي صوتچ
ايهم : ماتشوفين ؟
سلمى : اي ما اشوف ما اعرف تحملني يااا
ايهم : مامجبور
سلمى : مجبور توك گلت راح اخليج عادي معناها تتحملني ما اعرف
أنت تقرأ
ساعات سليمه
Romance"أن تأتي الليلة التي أنامُ فيها بهدوء. لا غاضبةٌ على شيء، ولا غاضبةٌ من شيء، لستُ حزينة وليسَ شرطًا أن أكونَ سعيدةً حدّ القلق. فقط هادئة مُطمئنة، نائمة ويدي بجواري ليست على صدري" القصة هذهِ قصـة مُحترمة تطلع منها بفائدة ومُتعة اتمنالكم لحضات حلوه و...
