ساعات سَليـــمه
الجُزء السادس
"عندما يكون الشخص على حافة الإنهيار النفسي، يحتاج للأحتواء أكثر من حاجته للنصح والعتاب."
دنيا
جاي احضر اكل لجوهرة لأن تعبانه ما بيها تكوم واجه من ديرة اهله
هنا وره يوم الدعيت بخمس ايام
دخل سلّم على امه جانت يمي
وانه ماكو ماجاوبته حتى من كال سلام عليكم جاوبته بگلبي علمود الحسنات
قيصر : ام رياحين وين
ام قيصر : راحت لاهلها اخوها اجه وتريد تشوفه
قيصر : دنيا صبيلي چاي
ام قيصر : انه اصبلك ملتهية خل تسوي اكل لأختها
قيصر : هسه من ترجع
باوعتله هوَ دار وجهه عني
صعدت الاكل لجوهرة وانه الدمعة بطرف عيني
جوهرة : ما اجه ايسر
دنيا : ما اجه
جوهرة : مشتاقه لسلمى اريد اشوفها 💔
ابتسمت وگتلها : بس سلمى لو تريدين تشوفين نهله
جوهرة : چا وحد اريد اشوفها شنو البيها مبديه عليه دنيا منو احلى انه لو هيه
دنيا : على الحلاه هيه ؟
شكد بطرانه زين منو احلى انه لو ام رياحين خانوم ؟ مو انه احلى ليش مايذكر غيرها ؟
حبيبتي هاي ناس مو نفس طينتنا
اكلي وسكتي ولا تنتظرين شي من واحد
جوهرة : جاي اموت من ايسر مو يمي
ضحكت : امداچ كون وامدا حظه چي اخذ هيج وحدة حبيبتي چوينه خاتون اكلي احسن الج
ولأبنج
جوهرة : صار
تركتها ونزلت
صبيت چاي لحضرة السلطان
قيصر : ما احب بگلاص صبيه بأستكان
اخذته من يمه امه گامت لبيت اختها تروح
انطيته الگلاص
قيصر : ارتاحيتي من حاچيتي امي
دنيا : ما گتلها وهيه گالتلك انه ماكتلها
بس انتَ ماتريد تصدك
قيصر : اي ماريد
دنيا : بكيفك
قيصر : بعدج حامل
دنيا : اي
سكت
دنيا : شتريد تضربني ؟ لا تخاف ما راح اخليه يتعبك اذا الله كتب سلامته انطيه للوادم احسن تربيه وانتَ التهي بنسوانك اهم شي
ابتسم وگال: تنطين ابني للغربة
دنيا : چنك ناسي شسويت بينه
قيصر : ما ناسي تريدين اخذج بيت جدي
دنيا : ماريد اريد ابقى يم اختي
قيصر : زين تريدين مني شي
دنيا : ما اريد شي
قيصر : انه منتظر اطلگ خوله واخذچ لبيت اهلج القديم هناك نگعد
دنيا : وانه ادري بيك ما راح تطلگها
ضحك
قيصر : اخذج ببيت ابوج الكتل بيه ابوي اريدج تتعلمين تصيرين مجرمة مثله
عشر سنين محد كاشف سالفته من انكتل انعرفت اريدج هيج
دمعت عيوني وردت ادخل للبيت سحب ايدي
قيصر : شدعوة شگلنه
دنيا : خليني اروح
قيصر : ابقي مشتاقلچ
ردت اجر ايدي
دنيا : گالتلك امك ماموجودة روح جيبها مو انتَ مصلحجي تعرف يمتى تدور دنيا
قيصر : دنيا ...
دخلت امه ماعاف ايدي
ام قيصر : روح لحبوبتك تريدك
قيصر : شتريد مالي خلگ
ام قيصر : ما ادري
قيصر : بليل اروحلها
اخذ ايدي وفات من يم امه وانه اجيت اموت من الخجل
قيصر : شكو
دنيا : وين ماخذني عيب امك واكفه شنو قيصر شنو
قيصر : تعالي
دنيا : استغفر الله
قفل الباب وانه صافنة بالله شحجي وياه هذا إذا هسه حچيت شي يضوجه مالي خلگ انكتل
سايرته كلش منا لمن انه الطحت بيها
طحت بيها مو بيدي عمري ماسمعت حچي حلو هو يعرف يمتى يسمعني هالحچي
نمت بحضنه
قيصر : تدرين مشتاقلج
دنيا : ما ادري
قيصر : زين وهسه
دنيا : شنو
قيصر : شبيج دنيا
دنيا : مو تكول مجرمه ومن هالحجي مو تأذيني شلون تشتاقلي ؟
انت تسوي هيج بام رياحين ؟
ضحك وباسني : دنيا بس الله يعلم بگلبي شنو على ابوج وانت بس تضوجيني يرجعلي الحقد كله لا تذكرينها كدامي انه يمج اريد انسى الدنيا كلها انت حبابه وذني اعرف منج بعمايلهن
دنيا : يعني شسوي وياك بالله
قيصر : لا تزعليني منچ
دنيا : ازعلك مني منو اليزعل قيصر تتذكر شسويت بيه لو ماتتذكر ناسي شنو
والله لليوم انوجع من ضربك منو اليزعل
قيصر : مادام ماتزعليني ما ازعلچ
دنيا : شسوي بالله وماتزعل
قيصر : ماتحجين وي ام رياحين ولا تتعاندين وي امي
وما تعاتبيني ولا تزيدين الحمل عليه انه مشغول وملتهي وماناقص طلايبچن
دنيا : انه مامسويتلها شي هيه
قيصر : هذا الحجي اليزعل هسه انه گتلج مسويه ؟
دنيا : ايي ما راح ازعلك
قيصر : هاي هيه ؟
دنيا : اي
قيصر : زين ليش ماتبتسمين
دنيا : ماكو شي يخليني ابتسم
نومني من جديد على ايده وسكتت
أنت تقرأ
ساعات سليمه
Romance"أن تأتي الليلة التي أنامُ فيها بهدوء. لا غاضبةٌ على شيء، ولا غاضبةٌ من شيء، لستُ حزينة وليسَ شرطًا أن أكونَ سعيدةً حدّ القلق. فقط هادئة مُطمئنة، نائمة ويدي بجواري ليست على صدري" القصة هذهِ قصـة مُحترمة تطلع منها بفائدة ومُتعة اتمنالكم لحضات حلوه و...
