ساعات سَليـــمه
الكاتبة رَيِحانــة الشيخ
الجُزء العاشر
چنت اصدگك واني اعرفك
چان مو لعيوني بچيّك
ليش گتلي يجوز احبك
وبمراجيح الدغش لاعبت حچيك
ياقوت
لمّت شعرها وطشِرتلي إحساسي
رحت يمهن اريد اعرف شبيها
سلمى : دريت دريت طحت وتعورت ظهري وابني راح
زين ليش هيج مسوين بيه ؟؟! ماتحاچيني بطني ليش هيج شصاير شمسوين
دنيا : ماكو شي
جوهرة : دنيا !!
دنيا : اي ماتشوفينها
ياقوت : گليلها يرضى
بچت وگالت : شكو شنو ايهم شعليه شنو مسوين بيّه ليش هيج مخيطيني ؟
جاي يوجعني ما تحسن انتن ليش شنو صاير
دنيا : سمعيني بس هدي بالچ هذا الكاتبة الله وما يصير تعترضين
شالوا الج الرحم لأن بقيتي تنزفين ولو ضاله هيج تموتين وتروحين من عدنه
صفنت بوجه دنيا وگالت وهيّ مدمعة
سلمى : يعني شنو انه بعد هاي هيّ خربت
جوهرة : شنو خربتي حبيبتي ، الحياة گدامج وعادي ماوگفت على طفل
گعدت تبچي و يحچن ما تسمع ولا وحدة
شبگتها دفعتني
سلمى : روحن ما اريد وحدة كلجن روحن حتى ياقوت ما اريييييددد وحدة يميييييي طلعننن روحن لبيوتچن
ياقوت : اشوف ايهم ؟
دنيا : لاا لا تگليله
بقت يمها دنيا تسحبها تريد تشبگها وهيه رافضه بس تبچي
سلمى : شنو يعني ما اسمع كلمة يمه... ولا اگولها ؟؟
وينج يمه عني يمه وينج
اريد اميييي اريد ازهار ولجن اريد اگلها اريد اگلها وين انه بدونها
اريدها تشوفني تشوف حالتي ، شطلبت منك ربي هو طفل
مرة وحدة تحرمني💔
انه و جوهرة ما حجينه بس دموع
سلمى : دنيا ، ليش امي مو يمي والله تعبانه اريد اشكيلها من الدنيا اريد اكلها بكلشي
والله تعبوني كلهم تعبوني
يعني هسه انه موجوعة هيه الام تعوف بتها لو موجوعة ومثل حالتي هسه
ياقوت : اصيحلج ايهم ؟
صاحت بصوت عالي : ما اريييييييييده ما اريد اشوفه كافييي كل كلمة والثانية گلتن ايهم ما اريده خلني بضيمي وانگلعن من يمي
اريد امي ما تفهمن اريد اميييي امي وين اريدها اخذني لخالاتي اخذني لوحدة تشبه امي
ما اريد اضل بهاي الغرفة كرهتها جاي اگلجن كرهتها
بقت تشهگ بحضن دنيا
سلمى : انه جنت فرحانه... فرحانه دنيا...
ما يصير ؟
زين ليش مادامت ليش شمسويه
دنيا : كافي ولج وجعتي گلبي
سلمى : زين بس گلبچ
ماكو شي مايوجعني ماكو ماكو وهيج تاليها
ليش رضيتوا
عوفوني اموت
شفرقي عن الميت بالله اذا انه ماراح اصير مثلهن شفرقي عن الميت شنو عيشتي هسه حيوان حتى الحيوان بيه فايدة
جوهرة : دنيا سبحيها خل ترتاح وتنام
سلمى : ما اريد انام ماكافي كل شوي منوميني
صار الظهر... وهيّ سابحة ونايمه بدموعها
وهيّ تبچي بحضن دنيا
سأل عنها گناله عرفت
جوهرة ودنيا راحن جهالهن تعبوهن كالن غير وكت يرجعن
وهيّ غافية انه يمها
أنت تقرأ
ساعات سليمه
Romance"أن تأتي الليلة التي أنامُ فيها بهدوء. لا غاضبةٌ على شيء، ولا غاضبةٌ من شيء، لستُ حزينة وليسَ شرطًا أن أكونَ سعيدةً حدّ القلق. فقط هادئة مُطمئنة، نائمة ويدي بجواري ليست على صدري" القصة هذهِ قصـة مُحترمة تطلع منها بفائدة ومُتعة اتمنالكم لحضات حلوه و...
