ساعات سَليـــمه
الجُزء الخامس
"خذيني إليكِ حيث لا حزن، لا تعب، لا ألم، لا كذب
خذيني إلى هذيان أرواحنا العاشقة، إلى حديث قلوبنا الهائمة بحبنا وتعلّقنا بِبعضنا
خذيني إلى نعومة اليدين
لأقرأ حبنا الأبدي في كفيكِ
إلى راحة العينين حتى أغرق فيهما وَلَعًا"
''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''
سلمى
ما طولوا وره ما دزوا ناس عليه
ثالث يوم من روحة البنات اندگ الباب فتحته ام سلام زوجة عمي وحبوبتي عدنه
اجتنا امه وخالته يعني زوجة الشيخ الي خطبني لابنه ابنه متزوج ثنين
ام ايهم : وين العروسة
ام كفاح بخجل : ها هسه تجي
ام ايهم : اريد احاچيها وحدنه
ام كفاح : موجودة هسه تجي
اجتني عمتي تتوسل
ام سلام : فدوة لعمرچ سلمى والله عيب تعوفين المره روحي سمعي منها شتريد منج
بس سمعي منها ونرفض هسه شبيج خل بس تشوفج لا تروح تحجي للناس عنج ما طلعتلي وما طلعتلي بعدين هاي مره شيخ العشيرة مو اي وحدة دروحي شوفيها شوفي شكلها
مره بت خير قابل فگريه مثل حبوبتج
بس شوفيها
والله لو ماننكشف ولو ماطالبتج بالاسم چان خليتها تشوف بنتي
ياقوت : سلمى گومي شوفيها وتعالي لا تطولين
تركت الخياطة البيدي وگمت
رتبت شعري وطلعت يمهن
اول ما شافتني صلت على محمد وبوستني گعدت قريب منها
ام ايهم : تعالي يمي حبيبتي كبرانه شفتج من صغيرونه هسه وين صايرة عروس
حبوبتي تخزرني لأن ما ابتسمت
ام ايهم : تعالي تدني اريد احاچيچ
سلمى : اي
ام ايهم : منيلج هالحسن نزعيه شالج اريد اشوف شعرج
يمه فدوة للبنيات
سلمى بنبرة غير : شتريدين خاله
ام ايهم بصوت انصى : جايه اخطبچ لشيخ ايهم
سلمى : انه ما اريد اتزوج خطبيله غيري
گرصتني حبوبتي اجيت ابچي من الگرصه كلش قوية
ام ايهم : لا ليش حبيبتي
سلمى : مو متزوج ثنين
ضحكت : انه همين رجلي ماخذ تلاثة چان
انگلبت نظراتي وماعاجبني
ام ايهم : حبيبتي والله هو علمودج من عرف بيج مريضة وببيت عمج وسالفة ابوج احنه حليناها هو يدري بكلشي
سلمى : انه مو مريضة انه صرت زينة
ام ايهم بأبتسامة : حبيبتي انت عندج واحد مخطوبة اله
سلمى : ما اريد اتزوج خاله
ام ايهم : ليش ؟ انه الشيخ گال الي ما ترجعين إلا وموافقة البنية عندج شي گليلي اعتبريني امج وگولي ؟
اول ما گالت اعتبريني امج احس عيوني احترگت من دموعي وما اكدر ابجي
سلمى : خاله خليني اروح
حاچتني بيناتنه
ام ايهم : صدگيني انه ادير بالي عليج وهو مايقصر ابني واعرفه وبيت عمج اذا ما وافقتي عليه هسه يزوجوج لواحد من ولدهم
هاي الدنيا محد يتحمل مسؤولية احد انه اگلج مالج احسن من ايهم
ابني واعرفه يمه ؟
بس ابتسمت باستني
أنت تقرأ
ساعات سليمه
Romance"أن تأتي الليلة التي أنامُ فيها بهدوء. لا غاضبةٌ على شيء، ولا غاضبةٌ من شيء، لستُ حزينة وليسَ شرطًا أن أكونَ سعيدةً حدّ القلق. فقط هادئة مُطمئنة، نائمة ويدي بجواري ليست على صدري" القصة هذهِ قصـة مُحترمة تطلع منها بفائدة ومُتعة اتمنالكم لحضات حلوه و...
