ساعات سَليـــمه
الكاتبة رَيِحانــة الشيخ
الحادي عشر
"يُمكنّني أن أتكلّم عنِ الغُيومِ الخانقةِ ، واللُّغة الّتي ترقد جُثتها في قلبِكَ ، عنِ الطُرق الّتي لا تنتَمي إليها ، عنِ الشوارعِ الّتي تَقطعُك بكلِّ سُكرِها وأنتَ تَنتظرُ الحياة ، عنِ العُيونِ الّتي تَنظُر لكَ وليس فيكَ."
سلمى
عصفور انه
شارد من رصاص الناس
خليني بقفص صدرك
صوتي وجنحي متعوبات ماضرك
ايهم : قلبي
باوعتله
ايهم : مانمتي
سلمى : لا..
ايهم : زين تريدين شي راح اطلع
سلمى : ماريد
ايهم : بليل لا تنامين نطلع سوه اعوضج عن البارحة
سلمى : اي
ايهم : والاسبوع اليجي اخذج للزيارة
سلمى : ويمتى وره ما تفرحني وتونسني تحرگ گلبي
سكت ورجع كمل
ايهم : لو بيدي ما يمسچ سوء
سلمى : ما تگدر تكول لا ؟ يعني ليش شنو القوة الي تمنعك تكول لا تحميني تحميلي زواجي
ايهم الرابطني بيك احبك
ترى لا يلزمني طفل ولا تلزمني راحة
ليش تگص الرابط بيدك وتريد مني ابقى وياك
ايهم : يعني شنو قصدج
سلمى : قصدي تعرفه اذا سويتها واعتقد صعبة عليك تعرفه هسه بس يا ايهم اذا تجرأت عليه وعلى گلبي وكسرته واذيتني
راح تشوفه !
اسمعني انه جاي افكر چنت بالسالفة وبصراحة انه ما اتحمل زواجك ، خلي بالك اذا راح تسويها راح ادمر نفسي وتشوف...
ايهم : منو فتح السالفة هاي ؟
سلمى : آنه فتحتها
ايهم : انه رايح هسه ونتفاهم بعدين
نزلت وراه اجت حوراء وتعاركت وي ياقوت
حوراء : دحترمي نفسج وسكتي
ياقوت : ما حجيت اسكت شلون
انوار : عمي وادم عدنه وانتِ مو وداج المن اجيتي
حوراء : خايبات انتن مالت كتل مالت دفن
ما تستاهلن تعيشن لفيتي على الرجال وخذتيه نفس اختج ما تفرقين عنها شي
بس شوفي نهاية اختج هذا راح يتزوج عليها
سلمى : انه شكو دخلتيني بالسالفة
ضحكت وكالت : انتِ ام البلاوي كلها
الفكر مالت البيت
بس اجيتي مات عمي وتبهذلنه بس خطبج تطلگت انوار وتعاركوا عمامه
امشي ولي من گدامي لا هسه غير حجي
ياقوت : تروحين فدوة لسلمى وانه يا عيني غصباً ماعليج انه هسه مرته احجي منا لباجر
ما تحركين بيه شعره ولا تخوفيني
سلمى: مشكورة...
عفتها وگمت غمتني
انوار : الله لو يدري بيج يگلب يومج اسود والله
حوراء : انه اعلمهن علاجهن بيدي
والله لأخليها تعض اصابع الندم لأن لعبت وياي بسيطة يا بنت الفگور
انوار : سدي حلكچ احسن ترى ايهم ما يتغير عليها لو شسويتي احترمي نفسج
جنت كاعدة بالصالة طبت صفيه هيّ وابنها ونيار ركض بسرعة وانهطر بالماي
ما سمعنه بس صريخه
انشك راسه والدم من كل مكان يصب ركضتله قريب مني چان
حوراء : الله واكبر ما صارت مشى الولد
حطيتي عينج عليه
حسبي الله ونعم الوكيل بيج ليش هيج
سلمى : انه شعليه !!!!
ام ايهم : سدي حلكج حوراء
بچت تتمسكن وگالت
حوراء : عمه محسود محسود ابني
لا ينام لا يرتاح الليل كله من صار عدي لهسه متعلعل
بالله ماتشوفين شسالفته
ام حسين تكول الحاسدته من بيتكم
منو يعني غير هاي البومه
سلمى : انه احسد ابنج هالطفل شعليه بيج وبيه
صاحت بوجهي : اصلاً لو ما الله يدري بيج ما تستاهلين ريحة الطفل ماجان حرمج
دولي من وجهي ما مرتاحة من وراج
اجت ياقوت سحبتني من ايدي لغرفتي
أنت تقرأ
ساعات سليمه
Romance"أن تأتي الليلة التي أنامُ فيها بهدوء. لا غاضبةٌ على شيء، ولا غاضبةٌ من شيء، لستُ حزينة وليسَ شرطًا أن أكونَ سعيدةً حدّ القلق. فقط هادئة مُطمئنة، نائمة ويدي بجواري ليست على صدري" القصة هذهِ قصـة مُحترمة تطلع منها بفائدة ومُتعة اتمنالكم لحضات حلوه و...
