ساعات سَليـــمه
الكاتبة رَيِحانــة الشيخ
البارت التاسع عشر
چنت احس روحي سفينه وأنتَ ماي
وهسه شح الماي واه يا شِحة الماي إعله الُسفن
سلمى
من حومرت وجنتي
مو من تعب لو هم ّ
بس صادفتلي شخص
رجع بوجهي الدم ..!
الاربعاء تفلش الباب علينه...
خالتي ام رائد طلعت عبالها واحد من ولدها صار بيه شي وانه النفس گمت بالگوه اجرّه
وماسمعت بس صوت سامعته يتناقش وي واحد برى
ام رائد : منو خاله
جاوبها : خاله انه ابن عم قيصر
قيصر سوه حادث وهسه بالمستشفى
وجبت جهاله يم امهم
ام رائد : خاله امهم تزوجت وهسه مو هنا هي
رد : وهسه شلون خاله وين اوديهم ما تگليلي همه يريدون امهم يبچون عليها
استغفرت خالتي وگالتله طببهم لخالتهم
يمه انه رجليه بالگوه من طبو عليه يالله تنفست
ريحان بدموع : خاله وين امي
سلمى : ها يا حبيبتي هلا بيكم
شلونكم مامشتاقين لخالتكم ؟؟
ندى : دونيا وين
محمد : هي بعد ماتجي لهنا ؟
بقوا يبچون على امهم وانه اسكت بيهم
خطيه ريحان ومحمد عيونهم من مكان فراشها ويبچون ردت افهم السالفة بس منين افهمها
مايعرفون جابوهم اهل ابوهم النه ومحد يدري شصاير
للـ الليل اتصلت بميسم لأن ايهم اتصل عليه مايجاوب عاد شلونه گلبي انه يتحمل ؟
ميسم ردت عليه
ميسم : هلا خالتي
سلمى : هلا بيج خالج وين
ميسم : ياااا صبري خل نسولف
سلمى : مالي خلگ مستعجلة اسأل عنه وينه ماكو ليش مايجاوبني؟؟
ميسم : ناس يمه اجو من كركوك
سلمى : استغفر الله ، زين هسه ماراحوا بالوحدة ؟
ميسم : اي راحوا جاي يتوضى يريد يصلي
سلمى : نسوانه هنا ؟؟!!!
ميسم : لا اجينه انه وامي وخالاتي وبنات خالاتي نجلاء وصفاء وزينب
سلمى : زين شوفيه من ماعنده شي رمشيلي اريد ادگ عليه
خلي الموبايل قريب منه
واذا ما انتبه گليله انه اتصلت وسألت عنه ولا تگليله راح تتصل فهمتي؟
گالت اي
شوي وتوني غفيت هيج صارلي نص ساعة وذول ناموا بالگوه يتعاركون ويبچون على ابوهم وخايفين بالچذب والتوسل والتبوس بالايدين يالله ناموا
وهو اتصل عرفتها لاصت السالفة لوص
تحركت ريحان وانه عضيت اصبعي
نومتها بالكوه وطفرت لا يسده
ايهم : سلام عليكم ؟
سلمى : هلا وعليكم السلام
ايهم : شتريدين
ضحكت وگتله: ما اريد شي انتَ متصل
ايهم : والله حارگتني حرگ لگيتچ من وحدي متصل ؟
ابتسمت وگلت: وين چنت
ايهم : مو شغلك يا حلو
سلمى : زين ليش ؟
ايهم : هسه شنو تريد ؟
سلمى : ما اريد شي والله اسأل عنك لأن خفت عليك مساع ما ادري هيج هوسة
ايهم : اي يمكن انه همين حسيت هوسة برى شكو صاير شي
سلمى: لا والله بس جابوا جهال دنيا يمي خلوهم وقيصر يگولون مدعوم مدري شبيه ما فهمت وخفت عليك لأن ماتجاوب
أنت تقرأ
ساعات سليمه
Storie d'amore"أن تأتي الليلة التي أنامُ فيها بهدوء. لا غاضبةٌ على شيء، ولا غاضبةٌ من شيء، لستُ حزينة وليسَ شرطًا أن أكونَ سعيدةً حدّ القلق. فقط هادئة مُطمئنة، نائمة ويدي بجواري ليست على صدري" القصة هذهِ قصـة مُحترمة تطلع منها بفائدة ومُتعة اتمنالكم لحضات حلوه و...
