ساعات سليمه

الواحد والعشرون

ساعات سَــــليـمـه

رِيَــحانة الشيخ

‏"‏هناك حقيقة واحدة
‏بدأت أدركها ‏هي أن حبي لك
لا يسعهُ هذا الكون الصغير "

بارت العودة اريد هواي تعليقات علمود اتشجع اكمل.. 🥹🥹🥹✨

سلمى

انتَ يا أخر محطة بليل عمري

بعد ما طلع ايهم مصدوم من يمي ومتفاجئ ويكول لا حول ولا قوة إلا بالله
خلاني بحيرة وسؤال منو صاحب المكالمة
منو البعثر احوالك

ضليت ساعات اتقلب بفكري ولا انه الاعرف ولا عندي الجرأة اتصل
اجاني الظهر والتعب مالي عيونه

الصدمني من فتحتله الباب
جهال دنيا وياه ويبجون وخايفين والبنات بالكوه يسكتن اخوانهن
ما ادري شحجي ضليت صافنة عليه منتظرة جواب وهو فحطان ومبين التعب بوجه ومبين على نفس الوكفة من طلع الصبح لهسه

كال خليهم يمج ومسحي دموعهم وغديهم صارت بالاربعة ومامتغدين
جاوبته
صاير شي عليهم ؟ اهلهم وين

ضل ساكت علما رحت وراه للمطبخ
سليمه ، قيصر وامه مسوين حادث والجهال ماجانوا وياهم انه جبتهم
وحالته كلش خطرة هسه توني رحت لعمامه اكلهم والجهال جانوا عد عمامه وجاي ياخذهم يريدون يسافرون

رديت بقلق عليه وشلونهم هسه؟

تنهد وكال امه انطتكم عمرها الله يرحمها..
وهو قيصر حالته خطرة ما اتوقع يبقى على المنظر الشفته بيه
الله يحفظه الهم بعد الله مالهم غيره

ما عرفت شجاوب ادعيلك ؟
وانتَ كاتل ابوي ؟
اكول الله يحفظك لجهالك وبيدك يتمتنا ؟
اكول عسى مايصيبك شر وانتَ الشر كله ؟
اذيت ابوي وكتلته بدون ماتدري مو هو الكاتل ابوك مامتأكد جنت وخليتنا نذوق المر يم غيره
واذيت خواتي وذليتوهن...
وصعبة ذلة اليتيمة

ما رديت عليه بجلمة
بنات دُنيا يمي والولد راح گعد يمهم يسحب توترهم يحاجيهم يمن عمري على عمرك انه وفدوة اروحلك ولحروف اسمك حرف حرف بيش اجازيك يالمحيرني بطيبك

وره شوي وانه جاي اطبخ اجه حاجاني
انه رايح ديري بالچ عليهم ومو تحاجين اختج انطي صبر خل نشوف شنسوي
وكليهم وگليلهم ماكو شي وشغلي تلفزيون خوش سوالف تطلع بيه خل يتلهون

ابتسمت على كلمة يتلهون
شيخليني اتلهى عنك فهمّني
باوعتله وانه مدمعة وگتله اي
من طرف المطبخ حس بيّه وگال انه راجع هنا الليلة مو تخافين ومو تفتحين الباب لواحد
جاوبته أي
راح وعافني.. وياهم
اواجه مصيري وي جهال جتال ابوي

اتذكر هذاك اليوم بتفاصيله كل ما اسمع صوت واحد منهم ريحان ندى محمد وباقر
واتذكر ابوي...
وشسوه بينه
يعني انه ما الي ابو شگد صعبة شگد
ما الي ام ؟