ساعات سَليـــمه
الكاتبة رَيِحانــة الشيخ
الثالث عشر
هَاي هيةَ وداعِتج لاتِستحين
دَوسي فوگ الرَوح الِعبي
واعِديني ولاتِجين
أنتِ مَو اول حَبيبه
تمَرعد بسچينها ثَياب السِنين
- سلمى
ندهتك..
من ثگل بيه وجع روحي
شح بيك الضماد وما فزع چفك
بعد لو اموت ما اندهك
اول ما دخلت لدنيا انصدمت من الجنطة وبقت صافنة
سلمت على الولد حسام وعلي چانوا ناجحين للثالث متوسط هنا...
حسام : شعجب زوجچ مانزل سلمى
سلمى : ها يعمري مشغول
دنيا : تعالي يمي بالمطبخ هسه يجي قيصر وجاي اطبخ
سلمى : اكو بشر يطبخ من هسه
دنيا : عدنه عمّال ببيتنا وجاي نطبخ علموده
ام رياحين : سلام عليكم
سلمت عليها من بعيد وهيچ احسها ماطايقتني
ام رياحين : ها شكو ملفيّه هنا
گالتها بشقى بس دنيا ماعبرتها الها
دنيا : جايه لبيت الخلفوچ جايه لبيت اهلها وزوج اختها
ام رياحين : هلا بيها بس سدي حلكج انتِ ماحاجيه وياج
دنيا : اختي ترى هاي
ام رياحين : عدها لسان وتجاوب انتِ شكوو
دنيا : بالهدوم هاي الغاسلتهن وضالات مبللات مية الف مرة اگلچ ملابس قيصر انه اغسلهن احسن هيج لعب لعب بالصياح قبل لا يروح؟؟
ام رياحين : والله يستاهل محد گله ياخذچ
دنيا : خايبة لا تخليني ارگع هذي براسج
وبتج اذا ما وخرت عن ريحان ادوس ببطنها وبطنچ
ام رياحين : يمه يمه يمه دشوف واحد متدني يم رياحين غير النجف اقربلج
ولا اگلج ؟؟ ليش النجف هاي هنا بالبستان مالتكم شلون ماسوه ابوچ بجدها اسوي بيچ
بقيت صافنة عليهن وهنه ما سكتن وحدة ترد على الثانية
دخلت يم الولد خايفة كاشه من هالبيت ولا چن تربينه بيه مختلف وصاير مو حلو موحش
سلمى : هذني دوم هيچ
حسام : دختي منهن ؟ گعدي هنا سلمى هذني مايستحن واختج اول وحدة
علي : سلمى ليش اجيتي زيارة لو لا ؟
شو چنها غراضج مو مالت زيارة
ابتسمت وجاوبته : مو زيارة حبيبي
حسام : خير ؟
سلمى : آنه راح اتطلگ
واحد صفن بالثاني
علي : ليش ؟؟
حسام : مستحيل سلمى لو شما عندج لا تتطلگين لا تشوفين حياتنا هنا عبالج حلوه شنو
والله عايشين بضيم وي هذا قيصر من غير هذاك الچلب الثاني
ماتدرين من اشتغل شيسوي بيه بالسوگ يفشل بيه گدام الوادم
لو يغلط على ابوي لو يسب امي وانه ما اگدر اضربه الناس شتگول عني ولا يموت ويبلوني
ابتسمت وانه اشوفه شلون يحچي يمه رجال رجال حچاياته شحلاتهن ولا عبالك عمره 15 سنة چنه شاب
حسام : سلمى ليش تريدين تتطلگين علمود الجهال شتسوين بالجهال والله بس دوخة
ضحك علي وگال : اخذي ريحان ام لسان تكرهچ بالجهال كلهم
حسام : اي والله سلمى رجلج ادمي ومحترم وشيخ وكلها تحمد بيه وين ماروح سابقه صيته ابو مصطفى
والله من اسمع عنه اتفاخر بيه وبمعرفته
دمعت عيوني وگتله : لا حسام عيوني انتَ
انه مالي مكان هناك والله تعبت ماتعرف هذني نسوانه شيحچن عني وشيصخمن من مصايب عليه مرة اتهمني بالسحر وهو صحيح يصدگني بس الرجال مشغول خو ما دوم يبقى وياي ويتحمل امراضي انتو اهلي اولى بيه
علي : غصباً ما عليه يتحمل غير هو خذاج ورضى بيچ بعد شنو هالحجي سلمى احنه لو ندري العيشة هنا حلوه بنفسنا نجيبج ونجيب جوهرة نطلگها من ايسر
بس والله صعبة صعبة كلش يعني البارحة هلگد ما تعاركوا گلت لحسام كون انه مره واتزوج واخلص منهم
أنت تقرأ
ساعات سليمه
Romance"أن تأتي الليلة التي أنامُ فيها بهدوء. لا غاضبةٌ على شيء، ولا غاضبةٌ من شيء، لستُ حزينة وليسَ شرطًا أن أكونَ سعيدةً حدّ القلق. فقط هادئة مُطمئنة، نائمة ويدي بجواري ليست على صدري" القصة هذهِ قصـة مُحترمة تطلع منها بفائدة ومُتعة اتمنالكم لحضات حلوه و...
