ساعات سليمه

الجُزء الثامن

ساعات سَليـــمه

الجُزء الثامن

الكاتبة رَيِحانــة الشيخ

رِحت بس انه ما راضيلك تروح!
ضعف موقف وكفتك ردت احسمه
حرت من وآدعتني اتشاهد اشتاگ
بـحروف الموادع جانت ازمه

دنيا

لا چن گعدنا سوه ولا چن حچيت وياك !
عليتني للسما وهديتني من هناك

من قنعته على جيه اخواني صادف رابع يوم من جابني انه حامل وماطايقه نفسي
واجاني مبتسم وهيج
قيصر : ديونه...
دنيا : هاا
قيصر : شبيج ضايجة
دنيا : مابيه شي
قيصر : هاا زين شو كاشه
ابتسمت وكتله : موجوعة وبردانه
قيصر : الله يساعدج ويعينج
دنيا : مشكور ابو رياحين
قيصر : تريدين شي ؟
دنيا : لا
قيصر : باجر اجيب اخوانج
انصدمت: منو منو
قيصر : اخوانج باچر اجيبهم
هيه ابتسامة وهيه شبگته ضل صافن
دنيا : يا بعد روحيييي ماتقصر والله شلت شكد من حملي وتفكيري
ابتسم : كفارة عن الصار هاي
دنيا : يا والله فرحتني الله يفرحك بجاه الحبيب المصطفى
قيصر : بس عندي شروط
دنيا : تأمرني امر
قيصر : اخوانج الولد قبل لا يصيرون 16 يطلعون من البيت
دنيا : ماشي
سكتت افكر هسه همه عمرهم 12 سنة يعني مسموح الهم يبقون بس 3 سنوات
بس يالله خليهم يمي عسى ولعل يضلون عندي وحسام بفلوسه يشتريله شي
واحنه كلنه نساعده سلمى من تزوجت كالت اي فلوس تريدون گلولي انطيكم انه ما اصرف فلوسي
وافقت وانه طايرة من الفرح وافكر بأختي
فكرت انومهم بالهول مالتنا فترة وبعدين الله كريم
المشكلة ايسر من يتعارك وي نهله وجوهرة يروح للهول وانه اخاف على ياقوته منه ياقوته حلوه تشبه امي ما اريد واحد يأذيها
نمت مرتاحة يمه وهو يسولف بالي مو يمه بوسني انه وين طايرة بغير عالم مو يمه ابد لدرجة گال صوچي منطيج مجال وسكت

ثاني يوم گعدت من وكت ميته من الفرح
سويت ريوك وبخرت البيت نظيف مابيه شي
امه چانت عد اخوانها رجعت تشوفهم وتجي بعدين
گعد ايسر تريگ وخوله
نهله نزلت تبتسمله وهو ولا يمها
اما قيصر شرب جاي وطلع گال يتريك هناك
رحت اكعد جوهرة تاكل
للظهر جاي اسوي چاي ودخل قيصر وياه اخواني

يا يمه بالبچي البچوه بحضني
ما گدروا يسكتون ابد وياقوته عبالك طفل مضيع امه اسكتها ما تقبل تسكت زادت فرحتهم من عرفوا صاروا خوال
ياقوت : وحشه على سلمى
جوهرة : مشتاقتلها لحد الموت
البارحة حلمت بيها حلم غريب
دنيا : حلو لو مو حلو اذا مو حلو لا تحچينه
جوهرة : ما ادري مو حلو لو لا
يختي چن انه لازمه ابني بيدي وهيه عبرة شارع عني
واكلها تجي تاخذه ما تكدر توصلني
بس هيه لابسه ملابس حلوه كلش بيض ولابسه طوگ ورد احمر
والله غريب احسها هيه حلوه بس ليش ما توصل الي
دنيا : الله كريم يارب خير ماعليها شر ان شاء الله
ياقوت : تدرن اتمنى بس اشوفها وتجي تبات ويانه لو ندري مامزوجيها
ضحكت انه وگتلها : ترى ماصارلها بس خمس اشهر من تزوجت
بعدين انه صارلي خمس اشهر ماشايفتكم ماسويتوا هيج عليه
جوهرة ضحكت وگالت: سلمى حنينه مو مثلج انتِ تضربين وتصيحين هيه حتى ما تسوي هيج
سلمى تسمعنه
ياقوت : زوجها حباب ؟
ضحكت وگتلها : ترى انه توني اجيت شمدريني
جوهرة: حتى انه ما ادري
سكتنا كلنه