ساعات سَليـــمه
الكاتبة رَيِحانــة الشيخ
الرابع عشر
صغار چِنه
وكُل شي بعيون الصغار يصير جَنة
يا مراجيح الهَوى لوحن گمرنه"
سلمى
غَلطة وحدة كَلّفَت بابل حَضارة...
من راح ايهم بيومها ودخلت للبيت راد يضربني وصل هيچ مرحلة وياي قيصر
لدرجة انه واگفه مصدومة
سحبتني دنيا من عنده وعاطت كدامه وضلت تبچي گال لأن هيّ حامل انهارت گدامنه
ماعرفت شنو السبب!
حسام : حظري ملابسچ ما باقين هنا
علي : حسام فلوس!!
سلمى : فلوس ايش
بقى ساكت حسام
علي : انه وياك سهلة بس سلمى شلون
بقيت صافنة عليهم
حسام : مالك علاقة تدبّر المهم سلمى بدلي حبيبتي
بچيت ولزمت ايده
حسام : سكتي والله ما يأذيچ سلمى انعل والديه اذا فكر يوصلچ ما نبقى هنا والله
ياقوت بقت تبچي وياي ولدها خافوا وما متعودين هيج هوسة بيتهم وحدهم ودوم هدوء
منا احنه كلنه نبچي انه ودنيا وياقوت وجوهرة
والولد عصبوا كلش وچانوا يلّمون بغراضهم
دنيا : وين رايحين
حسام : مانبقى هنا سلمى ماسوت شي حتى الكلب هذا هيچ يحاچيها
قيصر بنبرة اعلى : ولك انه كلب
مو صوچك صوچي انه لميتكم من الشوارع ببيتي
دنيا : كافي حسام
انرسمت ابتسامة على طرف شفة حسام وگال
بيت ابونا ويگول بيتي ولك شنو انتَ اصلاً
سلمى : كافييي حسام كافي
قيصر : وين ماخذيها اختكم لو تريدون تستفادون منها مطلگه وماعدها شي
تهدد حسام يريد يضربه لزمه علي
ياقوت : والله حرام عليك كل هذا خطيتهم برگبتك
دنيا : كافي سكتن
جوهرة : اخذوني وياكم لبيتي
بقت صافنة علينه دنيا ودها تكول اخذوني وياكم وياقوت جهالها يبچون وصارلها 3 ساعات من اجت وما شافت شي من عدنه
ردنه نطلع كلنه وصل سامر
لياقوت لأن متفقين ساعتين ويجي ياخذها من عدنه
انصدم من شافنه طالعين
وگال هو يوصلنا بس يريد يعرف شبينه
حسام : ما بينه شي خويه بس احنه نريد نطلع راح يجوهم خطار بيت ابو رياحين
سامر : زين حبيبي وين اخذكم
دار وجهه باوع النه وگال : لا تاخذنه لمكان نزلنه واحنه نريد ندور شقة
سامر : تحچي صدگ شنو غير انتو عرضي
بعدين سليمه ليمتى تضلين هلگد زعلانه من ابو مصطفى ارجعج وياي مادام طلعتوا ؟
ياقوت : حبيبي مالنه علاقة
أنت تقرأ
ساعات سليمه
Romance"أن تأتي الليلة التي أنامُ فيها بهدوء. لا غاضبةٌ على شيء، ولا غاضبةٌ من شيء، لستُ حزينة وليسَ شرطًا أن أكونَ سعيدةً حدّ القلق. فقط هادئة مُطمئنة، نائمة ويدي بجواري ليست على صدري" القصة هذهِ قصـة مُحترمة تطلع منها بفائدة ومُتعة اتمنالكم لحضات حلوه و...
