ساعات سَليـــمه
الجُزء السابع
دورتكم ..
بالمكاتيب القديمة
وهلبّت الگاكم حرف
دوّريت بكل ظرف بس ما شفتكم!
كون ادري الروح بيكم ، ما عفتكم
دنيا
مرت الليالي عليه صعبة من راح
وامه چانت تروح وي ايسر وراه استغربت تروح ليش والمشاكل بينها وبين اهل ابوه
جوهرة دوم احسها مقهورة عليه وماتحجي عن قيصر كدامي كل ما اكلها سأليلي ايسر عنه ما تحجي ولا تسأل وايسر من اسأله يضل يضحك يكلي مابيه شي مرتاح شتريدين منه
زين هو مرتاح انه ما مرتاحه لا عندي فلوس لا مرتاحة هنا انه بقيت علمود جوهرة وهسه حتى جوهرة جاي تسافر وتعوفني وي بيت خوالهم
وانه حيل تعبت من الحمل اول اشهر زينة بس هسه مو زينة اچذب اذا گلت زينة ما اعرف شريد واوجاع عندي وماعندي احد اسأله عن الوجع هذا
جوهرة راحت وي ايسر لأن ماجاي ترضى تگعد بمكانها تگول اريد اجيب هناك وهيه امه هنا يعني عافتني وحدي وانه ضليت مارحت وي قيصر علمودها
چانت هنا بالشهر التاسع وانه بالشهر الخامس
وانه جاي اتوجع ومقهورة بالمطبخ من الشغل الي على راسي
تعاركن بنات خالته ثنيناتهن وانه ساكته
زينب: خاب دروحي لو بيج خير جان هسه مو هنا انت
فرح : لا أنت البيج خير يا كلبه امداج وامدا لحظج
ضلن يتناقشن ويتعاركن بيناتهن بس حچيت وياهن ذبت سمها زينب
زينب : ولج انتِ شكو المشوهه
شحال ما امج ***ه وابوج مجرم سفاح
دنيا : انه ما كتلج شي گتلج نصي صوتچ انه تعبانه وجاي تأذيني بصوتج وحامل شبيج ماتشوفيني
ضحكت وگالت : خايبة ام الوصخ وحامل
ولج التهي برجلج انتِ خاف مكيفة عبالج طلگوها ترى اخذها وياه هناك گاعدة هيه ببيتج القديم
وانتِ هنا ضلي غسلي وصخ الزعاطيط والتهي بأيدچ
دنيا : منيه الما طلگها
غمتني وگالت : مرته ام رياحين بعدها هناك ومتونسة ماتشوفينه ما يلفيلج فالحه بس علينه تطولين لسانج
دنيا : قيصر طلگها
ضحكت : ورجعها وره ما راح رجعها واخذها وياه
بقيت مصدومة صافنة عليها
تركتني وراحت
وانه بقيت بالمطبخ ما اگدر حتى امشي من الوجع ، 😭
ليلتها ما نمت من الوجع راسي وجسمي كله يوجعني وادعي يارب تجذب عليه انه احبه قيصر ليش هيج يسوي مامجبور يجذب عليه انه شمسويتله زين ليش جذب عليه
خليه يگلي الصدك ليش يتركني هنا وانه احتاجه وماعندي احد غيره هسه 💔
بقيت فترة طويلة نفس الحالة وحتى جوهرة تأخرت هناك عرفتها جابت وجابت وانه مو يمها
زين لا اعرف اخبارها ولا سلمى ولا اخواني
طبيت الشهر السادس وما بين قيصر
ما كدرت اروح لمحافظتنا القديمة لا يسويلي سالفة منتظرته يجي ويگلي شنو هالصخام المصخمة انه شنو ذنبي
يجوز بعضكم ما مستوعبين الحياة قبل شلون بس كلش ممله فما بالك لو بالي مشغول والبيت العالم البيه تكرهني ومحد يتحمل احچي وياه
وزوجي شريك حياتي عايفني اتجرع المر عد ناس ما اعرفهم ورايح يمه نسوانه وامه
أنت تقرأ
ساعات سليمه
Roman d'amour"أن تأتي الليلة التي أنامُ فيها بهدوء. لا غاضبةٌ على شيء، ولا غاضبةٌ من شيء، لستُ حزينة وليسَ شرطًا أن أكونَ سعيدةً حدّ القلق. فقط هادئة مُطمئنة، نائمة ويدي بجواري ليست على صدري" القصة هذهِ قصـة مُحترمة تطلع منها بفائدة ومُتعة اتمنالكم لحضات حلوه و...
