ساعات سليمه

الثالث والعشرون

ساعات سَــــليـمـه

رِيــــحَانــه الشــيـــخ

"يَعود القلب طِفلاً ريَّان المشاعر، إذا تابَ أو أَحبَّ"

ها صديقتي جيبي صديقتچ وتعالي نكمل القصة🥺🤍
لا تنسين تعلقين على الفقرات هالشي يحمسني استمر اكتب البارتات وما اطوّل عليكم
-نغوص بالاحداث ؟
-نغوص...

سلمى

لا سرّك مِثل يوسف
وأشمره بــ بير
ولا أگدر أضُم اليحترگ بِيّـــه

اندگ الباب علينه وانه توني ابعد روحي عن حضنه باوعت للباب وطگيتلي حسرة
ضحك وگال تحمّل يروح ايهم...

دنگت وهوَ راح يفتح الباب

ايناس  اعذرني اجيت اريد سليمه..

ايهم   سليمه تعبانه ماتگدر تجي

گالتله بنبرة اعلى تسمعني بيها
خل تجي محتاجتها بحچايه راس يمتى ما ارتاحت

عرفتها متعمدة تسمّعني علمود انزل
سد الباب وراها وهمّ مايتحاچون

هو فات وانه حاچيته
انه ما اريدها تحاچيني

جان ينزع العبايه ويشمرها

ما اريد منها حچي ما اريد اسمعها

خلّه الچفية عالتعلاگه مالت الغرفة...
وانه احچي ومايجاوبني

انه خايفة...

باوعلي وگال ببرود  اذا شريفة ونظيفة مثلي ليش تخافين..

اخاف لأن الظلم موجود وهواي ناس انظلمت

انه اثق بيچ وادري بيچ ماتخونيني وثقتي ماتخونيها

بس اسمعني الله يخليك
خليني اگلك عن ميسم

باوعلي وبنظرة مرهقة گال سليمه اريد انام راسي وعلي راسي دخت اليوم روحة مرتين رحت ورجعت ومية الف سالفة براسي
انتِ بس حطي ببالج النگ مالتچ سمعته اليوم اربع مرات منچ مرتين ومنهن
يمتى تفهمن انه جاي احمّل روحي اكثر من طاقتها انه تعبت انه عندي اربع بيوت والوادم هاي ملزوم بيها ملزوم بطلايبها ملزوم احل مشاكلها
خليني انام هسه ويصير خير

بقيت صافنة سكت تنهّد وشمر دشداشته وره مانزعها عالتعلاگه

تمدد ونزع الساعة گال گعديني بالاربعة

انه راح انام

باوعلي وبنظرة تعب گال وياهو يگعدني

شو تچتفت؟؟؟

بردان شلون بالله

ضحكت وگتله بتوتر افتح ايدك اريد انام

بقى يباوع بعيوني وابتسم
عبالي راح تضوجين وره الحچيته وتطگين زعله

ابتسمت وكتله
بعد ما اضوج منك حبيبي شتگول اسوي 

دتعاي خليچ يم گليبي وخليني ارتاح...