ساعات سَليـــمه
الجُزء التاسع
رَيــحَانةِ الشـــِيخ
تمشي عني وأرجع بلياك اتاني
والسما تغيم وداع وتمطر بحضني الثواني
وابرد واسئل صفنتي يمتى اشوفك؟!
يمتى اخلي الساعة تفتر من جديد ؟!
شلون اخلص ليلي وحدي ؟!
واني احس انتَ بعيد
سلمى
شلونَك ؟
يَبعد المو إلي ..
يالـ تَعبتني أنتَ وهَلي
حچيتها وانه ارجف والحرف يطلع مگطع من الخوف : اريد امي وخواتي أريد امي
ام ايهم : انه امج يا بنيتي انه امج
سلمى : ضربني خاله ضربني عورني والله لوه ايدي وضربني
ام ايهم : سكتي.... ما يدري بروحه
سلمى : انه صحيح رفعت صوتي بس انه احبه يعني هو راح يضل هيج وياي
ام ايهم : كافي يمه نامي
سلمى : راح يكتلني....
بچيت اكثر وبقيت اردد راح يكتلني....
هيه مافاهمه بس تبوسني وتهديني💔
گعدت من النوم وانه مترددة بالطلعة من الغرفة
بقيت بمكاني شوي لحد ما گمت اسمع الصوت
اذا موجود ما اطلع واذا ماموجود اطلع
هوَ صوته دوم ناصي هادئ من يحچي ما يصيح لا حچيه طبيعي...
طلعت اتسحب من الغرفة
دخلت غرفتي خنگه وماجاي اتحملها احس شي يخليني ما اطيقها
اخذت ملابس وسبحت وگبل نزلت ما تأخرت غرفتي تخنگني!!!
ام ايهم : تعالي يمي يمه
ابتسمت ورحت يمها هي بالمطبخ چانت
فاتت صفيه هزت ايدها وضحكت
ام ايهم : بناتج ضعفانات التهي بيهن
صفيه : اي عمه راح اجيب بيا ساعة وسهيت عنهن
ام ايهم : عوفيهن عدنه اذا رحتي لأهلچ انوار تداريهن مو يجني مزلغات وطايحات
مايرضى على بِناته ترى
صفيه : ما اعوفهن عمه عذريني بناتي وياي ما اكدر اهلي يداروهن هنا مو آمان
گالت مو آمان وهيّ تباوعلي
سلمى : اذا عبالچ انه اخاف منچ وساكته فأنتِ كلش غلطانه
انه ما اخاف من واحد انه بس ساكته لأن ما يرضى احچي
صفيه : عمه انه يمها ؟؟ حاچيتها تشوفين شلون تتهجم عليه
بقت تبچي وگالت دوم تأذيني وتضرب جهالي بس انه ما احجي اكول عيب احجي كدام ابو مصطفى لا يكول تسوي مشاكل
عمه كدامه تسوي روحها تريد تموت ووراه لسانها شطوله وتتعارك
سلمى : انه يمتى ضربت جهالج
صفيه : تريدين تصيرين الزينة بعيونهم طبعا قابل تكولين ضربتهم
عمه انه اخاف على جهالي اكول كدامي يم اهلي ولا هنا
تدرين غيرة النسوان كلشي تسوي وسليمه عاگر وبأي ساعة تكتل واحد منهم تسويها
جاوبتها ام ايهم بصوت عالي وهيّ تحاول تسكتها وره الفلم هذا : صفيه كافي!!!
كافي عندج شي گولي لرجلج
دخلت حوراء تريد ترضع ابنها
حوراء : استغفر الله...
ام ايهم : شماله هذا
حوراء : ما ادري عمه ما ادري متسودن عليه وانه حامل مالي خلگه
گالت حامل وهي تباوعلي ومبتسمة
انه دنگت وگلبي يرگع من الحرگة
ام ايهم : شني حامل ما صبرتي ولزمتي روحج شوي عدجن سباق شنو
صفيه : يااا ترى امل صار عمرها 4 سنوات يالله حبلت بس حاجي هاي الغيرة ماتبطل منها
حوراء : بالغلط ما غيرانه من احد نعمة عندي 3 شريد من الله
أنت تقرأ
ساعات سليمه
Romance"أن تأتي الليلة التي أنامُ فيها بهدوء. لا غاضبةٌ على شيء، ولا غاضبةٌ من شيء، لستُ حزينة وليسَ شرطًا أن أكونَ سعيدةً حدّ القلق. فقط هادئة مُطمئنة، نائمة ويدي بجواري ليست على صدري" القصة هذهِ قصـة مُحترمة تطلع منها بفائدة ومُتعة اتمنالكم لحضات حلوه و...
