ساعات سَليـــمه
الكاتبة رَيِحانــة الشيخ
البارت السابع عشر
گلبي يريد يحچي الصار
تتصورني خليته ؟
اذا السويته بيه ماگدرت احچي
انت شلون سويته ؟
• سلمى
"وأنه أحبك
"يا غيومي ، يا نجومي ، يا سماي
من اجيلك گلبي يسبقني بمسافة
ومن أرد منك يضل گلبي وراي"
انصدمنا بخبر موت ضياع زوجة رائد
اظاهر چان طالع يجيب اغراض الها ولاولاده
وعلاجها همين رايح يجيبه
اجه رائد ويعرف اكو شي
اخذت جهالها ثنين همه تؤام ولهسه يريدوها وما شبعوا منها
شردت بيهم قبل لا يوصلون الناس
شفتها وهي طايحة بالگاع
چانت لحضة صعبة عليه
من وحدة ماشايفة ميت وهسه توالى قطار الموت علينه من ابوي لأبو ايهم لبنت ايهم وايسر وهسه ضياع
الجهال يبچون وانه وياهم
بس مسحت دموعي بالاخير لازم ما ابچي گدامهم انه مقهورة عليهم صحيح بس مايصير ابچي گدامهم
نومتهم بحضني زين شلون اسكتهم هسه لو واحد سهل
توكلت على الله وبديت بهاي المسيرة
اولاده اوس وإياس
گعدت بيهم فوگ واخذوا اسمع صوت الصريخ عالي واثر عليه كلش بحيث خليت شي على الباب حتى ما يدخل النه هالصوت
اوف يا يمه حتى محد بچى عليچ اجيتي ورحتي وما ندري شنو نهايتج ماكو واحد مصيبته مثل مصيبتي بأمي
دخلت يمنه جوهرة اخذت غراض وملابس سود الهن
جوهرة : راح تبقين مو
سلمى : اي ابقى خطيه هذول منو يضل يمهم
بچيت وهي گالت : وينه اوس وينه إياس
سلمى : إياس وجهه فرحان واوس وجهه ضايج
جوهرة : ديري بالج عليهم فدوة رائد انتهى نفس ماضل بيه يريدون يسحبونه منها ما يعوفها
بقيت ابچي وهي راحت
المَن ترد ؟
ظل غاد عايش مبتعِد
المن ترد
ديرتنَه مو ديرة گبل
ظلت حديقه بلا وُرد
ومرت ايام فاتحتها الله يرحمها
رائد ما يطلع من الغرفة وما مفارگ البچي
وحتى ما مغيّر شي بروحه
جهاله عندي ما فارگوني اصلاً مو يخافون من الناس والبچي ما يعوفوني
وانه همين اموت عليهم عمري ما تعلقت بجهال بگدهم
من الدوام ارجعلهم نايمين
وابقيهم يمي وحتى اسهر وياهم
وادرس خاف عندي امتحان لو شي
بحيث اهله مايفكرون بيهم ابد
خلصت شهرين هيج حالتي وياهم
زين همّه صغار اقل السنتين وعدهم شوي كلمات حلوه ومن احاچيهم يستجيبون ويردولي كلامي ويضحكون وياي
اوس مبين يطلع عصبي
اياس حبوب كلش وضحوكي حتى من يبچي اخوه هو يضحك عليه
سلمى : يمه حبيبتي بنيتي ايوستي
جوهرة : ولد ترى
دنيا : خطيه يضحكلج
سلمى : يمه نيتي هاي نياتيييي بنوته هاي مو ولد
جوهرة : خبالو شتريدين تسوين للولد
سلمى : فديت ضحكته
دنيا : سلمى مراسلج رقم غريب
سلمى : ويني وين الموبايل انه ملتهية
جوهرة : دجاوبي يجوز معجب
سلمى : هسه انه كلش الي خلگ معجبين
ضحكت جوهرة
دنيا گالت : قيصر ما جاب الجهال گالي راح يجيبهم
سلمى : همه زينين دنيا ؟
أنت تقرأ
ساعات سليمه
Romance"أن تأتي الليلة التي أنامُ فيها بهدوء. لا غاضبةٌ على شيء، ولا غاضبةٌ من شيء، لستُ حزينة وليسَ شرطًا أن أكونَ سعيدةً حدّ القلق. فقط هادئة مُطمئنة، نائمة ويدي بجواري ليست على صدري" القصة هذهِ قصـة مُحترمة تطلع منها بفائدة ومُتعة اتمنالكم لحضات حلوه و...
