ساعات سَليـــمه
الكاتبة رَيــحَانةِ الشـــِيخ
"كطفلٍ هرول إلى أمه باكيًا لتحتضنه ، فتلقى صفعة ليكُف عن البكاء ، هكذا الخذلان "
تعليقك على البارت يشجعني استمر بيّه🧡
سلمى
من أفز من نومي ما اتحمل احد
هاي اذا عندك علم
بس اذا نحجي قبل مانام
"اگعد مبتسم"
گعدت ولگيت ايهم ماموجود يمي
وما بيه اگوم وامشي
شوي وسمعت صوته
ايهم : گعدت شوفيها
بس گال هيچ طبت إيناس عليه
ايناس : گعدتي حبيّبه
ابتسمت وگتلها : اي انوسه حبيبتي
ايناس : نوم العوافي ارتاحيتي ان شاء الله ؟
سلمى : اي الحمدلله والشكر شلونج انتِ البارحة حتى ما اگدر احاچيچ
ابتسمت هي وگالت : انتِ وين اكو منچ ؟!
الحمدلله انه زينة بس ضايجة على ميسم كلش متعبتني
سلمى : شبيها
ايناس : ماتريد ابن عمها وجاي تسويلي مشاكل وي ابوها
بقيت ساكته ما جاوبتها ما اريد اتذكر سوالف حسام وي بنتها ولا اريد المح الها اصلاً
هو عافها وراح وما رادها انه شكو اصلح موقفه
بقت يمي هي وراحت وره ما اكلت بالكوه وكلتني چنت اريد اطلع اشوفه اخباره
الدنيا برد صارت كلش ومطر ورعد والجو يطير الواحد من البرد والهوى
من راحت هوَ دخل من الديوان للبيت
چانت الساعة 1 الظهر من راحت ايناس
ايهم : اكلتي
سلمى : اي
ايهم : زين تريدين شي ؟
سلمى : لا
ايهم : امشي خليني اخذج تچيكين السكر ويعلموچ عليه
سلمى : اعرفله ما اطلع منا
ايهم : سليمه...
سلمى : گتلك ما اطلع وروحي امي ما اطلع لا تخبلني لا تسودني ما اريد طبني مرض ما اريد اطلع ما اريد اتعلم
عبالي راح يسكت تنهد وعاط بيّه بصوت اعلى
الى متى تضليييييين بهذا عنادج
ولچ والله اندمچ على كل حچايه ترى
دكافي مسويلج قيمة وانتِ الحچي ماتسمعيه على شنو بالله مكبر راسج ما ادري
فوگ ما اريد تصيرين زينة شنو الزايد بيچ وهيج انغريتي!!!!
بقيت مدمعة گدامه وهو مكمل يحچي انتبهلي وسكت
گال وهو يزفر : سليمه گومي
سلمى : حلفت بروح امي خليها هالمرة
تحسرت وگمت من يمه للغرفة وحدي
دخل وره شوي يمي
ايهم : عصبتيني...
بعنادچ بعصبيتچ فجأة سليمه انه ما فارغ بس الچ مية الف شغلة براسي بس انه اريدلچ الزينة اريدلچ ترتاحين اريدلچ تدارين روحج
ليش بعدچ ماشميتي هوى العشرين تمرضتي ولفيتي علة تضل وياج طول العمر
غير من وره لسانج وعصبيتج بويه انه الرجال الچبير وما احرگ بروحي هلگد
هاي امانة سليمه امانة وشما جاي تأذين نفسج الله يحاسبچ عليها وبكيفچ بعد..
هاي حياة اقصاها اربعين خمسين سنة تنتهي هناك الحياة الطويلة
ليش تخسرين الحياة الطويلة علمود عناد
ايهم يحترگ ايهم هو وبيته واهله وناسه خواتچ بجهنم
اهمشي انتِ اهمشي روحچ انه اعلمج شنو انتِ القوية الي من بين كل البنات شليتيني شلّ
توصلين لهنا...
أنت تقرأ
ساعات سليمه
Romance"أن تأتي الليلة التي أنامُ فيها بهدوء. لا غاضبةٌ على شيء، ولا غاضبةٌ من شيء، لستُ حزينة وليسَ شرطًا أن أكونَ سعيدةً حدّ القلق. فقط هادئة مُطمئنة، نائمة ويدي بجواري ليست على صدري" القصة هذهِ قصـة مُحترمة تطلع منها بفائدة ومُتعة اتمنالكم لحضات حلوه و...
