ساعات سَــــليـمـه
رِيحانــه الشيــخ
والشوارع طافية وحزنانه حيل
وانه ذاك المنتظر ريحة هله
بدا البارت ريحاناتي 🌱
___________________________
دُنيــا
يخيتي اليوجعّنچ يوجعّني !
ثاني يوم من فاتحة ايـهم
اجو اخواني لسلمى اجو يردون شوي من وحشتها ولگيتها انسان ما يريد اي احد
اجو خوالي وعمامي وحبوبتي ام ابوي وام امي كلهم لخاطر عمام ايهم واخوانه
واجه اخوه چان مسافر ازهر
ازهر بطبته زاد البچي والصريخ مالت خواته
چان يبچي يمهن بچي النسوان على اخوه
نظراته والحدة بصوته تگول دخل البلاد شرٌ عظيم
حلف ياخذ بثار ايهم لو على موته
انه ضليت عدهم يم اختي عفت كلشي على محمد ابني من محمد وجهالي من قيصر كلهم يم محمد
هيچ اول اربع ايام احترگت منطقتهم رمي
والبيت والديوان مايفرغ نسوان...
سلمى بعد روحي ما چانت عايشة
بغرفتها وتبچي وحدها
تحتار شتسوي بروحها وتطيح ينغمي عليها
صوتها راح من الصريخ ماتگدر تحچي بالاشارات ويانه
الوجه منفوخ وملون شي ازرگ شي احمر شي اخضر من اللطم
لون المنطقة بوجهها حسب كل مرة يمتى ضربت روحها
لابسه چفيته بغرفتها يمي
تحرگ گلبي ابچي عليها گلبي مكسور
نسوانه كلهن عدهن اهل وهسه يروحن
صبا اهلها ماخذينها تجي شوي العصر وتروح
حوراء اهلها منتظريها بس ترجعلهم
صفيه كل اهلها يمها ويساندوها
بس هيّ انه يمها وبس اخواني رجعوا
وخواتي مايگدرن يجن حتى ياقوت لأن ياقوت سامر مايرضى يگلها تلزمين بيتچ انه وراي دم ايهم مايروح هدر
تركتها ورحت گلبي يمها
خطيه محمود يگول ايهم باللحضات الاخيرة بالسيارة چان يوصيني بأطفالي وصفيه وحوراء وصبا ومرتين كرر الوصية على زوجته الصغيرة وماگال سليمه گال ديروا بالكم على سلمى لحد يأذيها
وصيت خواته عليها ونسوانه وهن گالن بعيونّا
هيّ وصفيه العدة خلصنها ببيته ببيت اهله ما طلعن منا لهنا
حوراء وصبا عد اهلهن راحن
كل اطفاله مختلفة العيشة عليهم
ايهم چان حنين عالكل مو انوب على اهله واطفاله امل واميرة ومصطفى يم صفيه وسليمه البقية يم اهلهم
ازهر وزوجته وياهم بالبيت گعدوا
وعامر هم رجع لبيت اهله علما يحلون المشكلة
سمعت من محمد عامر صاير مكان اخوه وگال الكل ماراضي حتى عمه لأن عمه ابو هشام يكرهه من وره سالفته وي بنته صبا
هاي الاحداث من شهر اربعة لشهر ثمانية
علما خلصت العدة مالتهن...
اجه عامر بسالفة جديدة يريد بيها صبا
گال هي صغيرة وهيچ فـ خل تاخذ ازهر اخوه لان يدري زوجة ازهر ماترضى لو مو ارملة اخوه لو مو عدها اطفال اخوه
أنت تقرأ
ساعات سليمه
Romantizm"أن تأتي الليلة التي أنامُ فيها بهدوء. لا غاضبةٌ على شيء، ولا غاضبةٌ من شيء، لستُ حزينة وليسَ شرطًا أن أكونَ سعيدةً حدّ القلق. فقط هادئة مُطمئنة، نائمة ويدي بجواري ليست على صدري" القصة هذهِ قصـة مُحترمة تطلع منها بفائدة ومُتعة اتمنالكم لحضات حلوه و...
