Unicode~
လန်ဒန်မြို့တော်မှ ပြန်လည်ကြိုဆိုလိုက်ပါတယ်..။
အိုး... ဒီစကားက စာဖတ်သူတိုင်းအတွက် မဟုတ်နိုင်ပါဘူးလေ။
မကြာသေးခင်က.. အတိအကျပြောရလျှင် မနေ့က ပူပူနွေးနွေး လန်ဒန်မြို့တော်ဆီ ပြန်ရောက်လာသော The Duke of Cambridgeလေးအတွက်သာ..။
Cambridgeနယ်စားလေး Jeon JungKookတစ်ယောက်၏ သတင်းများဟာလည်း ဗြိတိန်တစ်ခွင် ကျော်စောလှပါရဲ့။
ဖခင်ဆီက အမွေ၊ အရိုက်အရာများ ဆက်ခံပြီးပြီးချင်း နယ်စားအသစ်သစ်စက်စက်လေး ကြုံကြိုက်ရမည့် လန်ဒန်မြို့တော်၏ လက်ထပ်ထိန်းမြားရေးရာသီက စိတ်ဝင်စားစရာ။
ထို့အပြင် နယ်စားလေးဟာ မနေ့က ညခင်းမှာ ကပွဲအစား တစ်နေရာကို အရေးတကြီး သွားခဲ့သေးသည်။
ဒီနေ့အတွက် စာရေးသူ၏ စိတ်အာရုံအစုံကို ဆွဲဆောင်ဖမ်းစားနေသည်မှာ The Duke of Cambridge ဧကန်မုချပင်။
-Lady Phoebe
____
"မှတ်မိရဲ့လား"
"မတွေ့တာကြာပြီ။ Welcome back Jeon.. အာ.. Cambridgeလို့ ခေါ်ရတော့မှာပဲ"
"အာ.. Cambridgeလို့ ခေါ်တာကို အသားကျမနေသေးဘူးပဲ"
"အထဲဝင်လေ"
Owenက သူ့အဆောက်အအုံထဲ ဖိတ်ခေါ်သည်။
Owenမိသားစုရဲ့ ဒုတိယသား ဆိုသည်မှာ အသက် ၃၀အရွယ် မျက်ခုံးထူထူ၊ နှာတံထင်းထင်းဖြင့် ကြည့်ကောင်းသူတစ်ဦးပင်။
ဤမျှ ကြည့်ကောင်းနေသည့်တိုင် ထိုသူဟာ ခပ်ရမ်းရမ်းနဲ့ ခပ်ပွေပွေပုံစံပေါက်နေဆဲ။
"လူတွေများလာတာပဲ"
"များတာပေါ့.. ဒီလိုနေရာမျိုး လန်ဒန်မြို့မှာ ဒီတစ်နေရာပဲရှိတယ်လေ။
Cambridgeမှာတောင် ဒီလိုနေရာ ရှိလို့လား"
ခေါင်းအသာခါပြရင်း Owenလှမ်းပေးတဲ့ ဝိုင်ခွက်ကို ယူလိုက်သည်။
Owenအနုပညာခန်းက လန်ဒန်မြို့တော်၏ တစ်ခုတည်းသော ကျားမ တန်းတူညီမျှ အခွင့်အရေးရှိသော နေရာ။
ထိုအခန်းကြီးထဲဝင်လိုက်သည်နှင့် အနုပညာသည်တွေက သူတို့လက်ရာကို စိတ်ကြိုက်ပုံဖော်နေသည်ကို တွေ့ရပေမည်။
ပန်းချီဆွဲသူကဆွဲ၊ ကိုယ်ဟန်ပြသူကပြ၊ ပန်းပုထုသူကထု။
YOU ARE READING
𝙏𝙝𝙚 𝘿𝙪𝙠𝙚, 𝙏𝙝𝙚 𝙍𝙖𝙠𝙚
Fanfiction"You're the most rakish person I've ever seen" "That's why you're here with me..now" "That's right.I hate you about that but 'm attracted to you at the same time" "All good boys go to heaven but here's a rake who brings heaven to you" Kookv JJK x KT...
