Unicode~
အချိန်ဟူသည်မှာ ကြိုတင်တွက်ဆထားလေသမျှ သီသီကလေး လွဲချော်တတ်သော သဘောသဘာဝရှိသည်။
ညဧည့်ခံပွဲက ပြဿနာကို စာရေးသူ ဂဃနဏမသိသေး။ သို့သော် အချိန်အားဖြင့် လွဲချော်ခြင်းသည် ထိုပြဿနာမှာ ပါဝင်ပတ်သက်နေသည်ဟု ယူဆရသည်။
တဖြေးဖြေးဇာတ်ကောင်အရေအတွက်များလာသည့် အချစ်ဇာတ်လမ်းတစ်ပုဒ်မှာ ဇာတ်ဆောင်နှစ်ယောက်ပေါင်းဖက်ဖို့ရာ ခက်လာသည်။
ဤနည်းဖြင့် သူတို့တစ်စထက်တစ်စ ဝေးကွာလာကြတော့သည်။
-Lady Phoebe
____
"Cambridgeက မိုးသိပ်ကောင်းတာပဲလား George. လန်ဒန်မှာတော့ ဒီလိုအချိန်မှာ ပူစပ်စပ်ဖြစ်တုန်း"
"မိုးရွာရင်ဆက်တိုက်ရွာတာကို ပြောတာပါကွာ။ ပူတဲ့နေကျပူတာပါပဲ"
မိုးတဖွဲဖွဲကို လက်ဖြင့်ခံကြည့်သည်။ မိုးစက်တွေက သေးရာကနေ တဖြေးဖြေးအလုံအဖန်ကြီးလာပြီး အရှိန်ပြင်းလာသည်ကို ခံစားလို့ရနေ၏။
ဧည့်ခံပွဲကျင်းပရာ အိမ်တော်က Hamiltonမျိုးနှင့် ဆွေးမျိုးနီးစပ်တော်သူများဟုသိရသည်။ သို့ဖြစ်၍ Georgeမှာ သည်အိမ်တော်ကြီးကို ရင်းနှီးနေသည်ဖြစ်ရာ Taehyungလည်း သူခေါ်ရာ လိုက်လာမိတော့သည်။
ကွင်းပြင်ကျယ်ကြီးမှာ အပန်းဖြေလက်ဖက်ရည်ဝိုင်းအတွက် အမိုးသေးသေးလေးမိုးထားသည်။ ယခု ထိုနေရာကို သူတို့ရောက်လာရင်းပင် မိုးတဖွဲဖွဲကျစပြုလို့နေချေပြီ။
"မိုးသည်းမလာခင် ပြန်တော့မှပဲ။ မိုးတော့ မမိချင်ဘူး"
"ရထားလုံးနဲ့ လာတာမလား ဘယ်လိုမိုးမိမှာတုန်း"
"ဟင့်အင်း။ ကျွန်တော်က ကိုယ့်ဘာသာမြင်းနဲ့လာခဲ့တာ။ သူကတော့ ပြောပါတယ် မိုးရွာလိမ့်မယ်တဲ့"
"သူက Cambridgeလား"
Taehyung အသာအယာခေါင်းညိတ်ပြ၏။ သူ့အကြောင်းကို မေ့ထားရင်းဖြင့်ပင် သူဟာ အတွေးထဲဝင်လာပါသည်။
အခုချိန် သူဟာ ဧည့်ခန်းမဆောင်မှာ Elizaနှင့် Waltzတစ်ချီလောက်ကနေမလား။ မိုးရွာနေတာကို သတိပြုမိပြီး ကိုယ့်အကြောင်းတွေးနေလိမ့်မလား။ ကိုယ့်ကို ရှာနေလိမ့်မလား။ သူ့စိတ်ထဲ ကိုယ်ရှိနေမလားဆိုသည့် အတွေးရေးရေးလေးဖြင့်ပင် ကိုယ့်နှုတ်ခမ်းမှာ အပြုံးသဲ့သဲ့ ဖြစ်ပေါ်လာရသည်။
YOU ARE READING
𝙏𝙝𝙚 𝘿𝙪𝙠𝙚, 𝙏𝙝𝙚 𝙍𝙖𝙠𝙚
Fanfiction"You're the most rakish person I've ever seen" "That's why you're here with me..now" "That's right.I hate you about that but 'm attracted to you at the same time" "All good boys go to heaven but here's a rake who brings heaven to you" Kookv JJK x KT...
