Unicode~
ဆန်းကြယ်လိုက်လေခြင်း။
ဒီနှစ်အတွက် အထင်ကရလူပျိုတော်သား The Duke of Cambridgeရဲ့ ရွေးချယ်မှုက Eliza Kim တဲ့လား။
ဒီတစ်ခါတော့ စာရေးသူ၏ ထင်မြင်ယူဆချက်တွေက တပ်တပ်စင်အောင်လွဲလို့နေပါပြီရော။
Cambridgeနယ်စားကြီးဟာ ဒီနှစ်မှာ အမျိုးသမီးတစ်ယောက်ကို သေချာပေါက်ရွေးချယ်လိမ့်မည်ဆိုသည်ကို အတပ်သိနေလျက် Viscount Kim အိမ်တော်က အမျိုးသမီးငယ်လေး ဖြစ်လိမ့်မည်ဟု မထင်ထားသည်မှာတော့ ဧကန်ပင်။
တစ်လောကလုံးက အမျိုးသမီးတွေကို ရွေးချယ်ခွင့်ရှိနေသော်လည်း ထိုအမျိုးသမီးတွေထဲ Eliza Kimဆိုသော အမျိုးသမီးပါနေသည်က စာရေးသူကို အကြီးအကျယ် လှည့်စားလိုက်ခြင်းပါပင်။
မည်သို့ပင်ဆိုစေကာမူ Cambridgeနဲ့ Elizaက သူတို့ချည်း သီးသန့်သာဆို လိုက်ဖက်နေလျက်ရှိသည်။
-Lady Phoebe
____
"ဟင်း.. သောက်အခြေအမြစ်မရှိတဲ့ Lady Phoebe. ဘာကိုလိုက်ဖက်ရမှာလဲ အားကြီးလိုက်ဖက်နေရဦးမယ်"
အဖျားပျောက်ပျောက်ချင်း Lady Phoebe၏ စာစောင်ကို ယူဖတ်မိသည်မှာ သူ့အတွက် မဟာအမှား။
Lady Phoebeကို အမြင်ကျယ်လှပြီထင်တာ နောက်ဆုံးတော့လည်း ဒီပုတ်ထဲကဒီပဲပါပဲ။
တစ်ခါမှ မမြင်ဖူးမတွေ့ဖူးသော နာမည်ဝှက်နှင့် အမျိုးသမီးတစ်ယောက်ကို အဘိစ္ဆာပွားနေရသည်မှာ လူကြီးလူကောင်းဆန်သော အကျင့်မဟုတ်။
သို့သော် သူကိုယ်တိုင်ကလည်း သူဟာ လူကြီးလူကောင်းလို့ မထင်နေပါ၊ ဖြစ်လည်း မဖြစ်ချင်ပါ။
"Taehyung.. နေကောင်းပြီဆို ညစာစားပွဲအတွက် အဆင်သင့်ပြင်ထားတော့နော်။ ဧည့်သည်က ရောက်လာတော့မယ်"
သောက်ရေးမပါလိုက်တဲ့ ညစာစားပွဲ။ အတွန့်အခေါက်အပြည့်လည်စည်းကို တပ်ဆင်ပြီး ၀တ်စုံပြည့် ငုတ်တုတ်ထိုင်နေရမည့် ညစာစားပွဲ။
ထိုင်ရမည့်နေရာကလည်း Jeonနဲ့ မျက်နှာချင်းဆိုင်။
ထုံးစံတွေအရ Jeonဘေးမှာ Elizaက ထိုင်လိမ့်မည်။
ဒီမြင်ကွင်းက ကိုယ့်ကို စားပွဲတလျှောက်မီးမြှိုက်နေမှာ.. သေမင်းခံတွင်းဝဆင်းနေရသလို အခြေအနေမှာလေ.. ဘယ်သူက ဘယ်ထမင်း ဘယ်ဟင်းကို မြည်းစမ်းချင်ပါ့မလဲ။
YOU ARE READING
𝙏𝙝𝙚 𝘿𝙪𝙠𝙚, 𝙏𝙝𝙚 𝙍𝙖𝙠𝙚
Fanfiction"You're the most rakish person I've ever seen" "That's why you're here with me..now" "That's right.I hate you about that but 'm attracted to you at the same time" "All good boys go to heaven but here's a rake who brings heaven to you" Kookv JJK x KT...
