Unicode~
ဒီနေ့သို့ ရောက်လာခဲ့ပြီ။
စေ့စပ်ပွဲကို မနက်တစ်ပွဲ ညတစ်ပွဲလုပ်လိမ့်မယ်လို့ အားလုံးက ထင်ထားကြသော်လည်း တကယ်တမ်း စေ့စပ်ပွဲက ညခင်းအစီအစဥ်သာရှိသည်။
တရားဝင်လက်ထပ်ပွဲမဟုတ်ဘဲ ကတိက၀တ်ပြုပွဲလောက်ပင်ဖြစ်တာကြောင့် အကျဥ်းလောက်သာ ကျင်းပသည်လား မဆိုတတ်။
သို့သော် ဒီအကျဥ်းရုံးစေ့စပ်ပွဲဟာ တခြားသော အခြေခံလူတန်းစားများအတွက် တစ်သက်နှင့်တစ်ကိုယ် ကြုံတောင့်ကြုံခဲအနေအထားပင်။
ဒီအခမ်းအနားအတွက် လူတိုင်းပျော်ရွှင်ကျေနပ်နေကြသည်ဟူ၍တော့ စာရေးသူ အာမ,မခံနိုင်သေးပါ။
-Lady Phoebe
____
"အနီရောင်၊ ပန်းရောင်၊ ခရမ်းဖျော့ရောင်... မမလေး ဘယ်ဟာ သဘောကျလဲ"
"အို... Missy အဆင်ပြေတာနဲ့သာ ပြင်ပေးပါ"
Eliza တစ်သက် ဒီနေ့လောက် ဆွတ်ပျံ့ကြည်နူးစရာရက် မကြုံဖူးပါ။ သူ့ရဲ့မိန်းမဖော်လေး Missyက ဆံထုံးထုံးနည်းအသစ်ဖြင့် သူ့ဆံပင်ကို ထုံးဖွဲ့ပေးထားသည်။ ဆံပင်ခွေလေးများကို စိတ်ရှည်ရှည်ရစ်ခွေကာ ထုံးရသည့်ဆံထုံးမျိုးက သူ့ခေါင်းပေါ်မှာ တင့်တယ်နေမှာပေါ့။ နှင်းဆီပွင့်သဏ္ဌာန်ရွှေရောင်ဆံထိုးက အရှင်Cambridgeဆီက လက်ဆောင်ဖြစ်၏။
Missyက နှုတ်ခမ်းသားပေါ်တင်ဖို့ဆိုးဆေးကို အရောင်ရွေးခိုင်းသည်တွင် Elizaတစ်ယောက် မဝေခွဲနိုင်အောင် အရောင်တစ်ခုချင်းကို မျက်စိကျလျက်ရှိသည်။
အလှအပပြုပြင်ရေးကို စိတ်ဝင်စားသော Missyက ဒီလိုကုန်ပစ္စည်းများကို ကိုယ်တိုင်ဖန်တီးလေ့ရှိသူဖြစ်သည်။
"မမလေးနဲ့ ပန်းနုရောင်က အလိုက်ဆုံးပဲ။ ဒါပေမဲ့ ခရမ်းဖျော့လေးကလည်း ဒီမနက်ကမှရထားတဲ့ အရောင်ဆန်းလေး.."
"Missyကို ယုံတာမို့ လှတယ်ထင်တာနဲ့သာ ပြင်ပေးပါကွယ်"
Missy ခရမ်းဖျော့ရောင်လေးကို ရွေးချယ်လိုက်သည်။ ငွေမှင်ရောင်တလက်လပ်မျက်နှာချေအမှုန့်ကို ပါးနှစ်ဖက်မှာ အနည်းငယ်ဆီ ခြယ်လိမ်းပေးလိုက်၏။ မမလေးက နဂိုအသားဖြူသူမို့ အရောင်အဆင်း သိပ်မရွေးဘဲ အားလုံးနှင့်လိုက်ဖက်သည်။
ဒီညရဲ့ ဇာတ်လိုက်မိန်းမပျိုလေး သိပ်လှနေမှာတော့ အသေအချာပင်။
YOU ARE READING
𝙏𝙝𝙚 𝘿𝙪𝙠𝙚, 𝙏𝙝𝙚 𝙍𝙖𝙠𝙚
Fanfiction"You're the most rakish person I've ever seen" "That's why you're here with me..now" "That's right.I hate you about that but 'm attracted to you at the same time" "All good boys go to heaven but here's a rake who brings heaven to you" Kookv JJK x KT...
