Unicode~
တစ်နေရာစီက ကောင်လေးနှစ်ယောက်။
မြို့တစ်မြို့မှာ ဆုံတယ်.. မိတ်ဆွေ သို့မဟုတ် ထို့ထက် ပိုကောင်းပိုနိုင်သည်။
ထုတ်မပြဖြစ်ကြတဲ့ ခံစားချက်တွေ၊ ဖွင့်ပြောခွင့်မရှိတဲ့ စကားလုံးတွေက ရင်ဘတ်ထဲတစ်ဆို့လို့။
သူတို့.. သူတို့တွေ၏ ဝေဖန်မှုဒဏ်၊ အကဲဖြတ်မှုဒဏ်များကို စောင့်ကြည့်ငဲ့ကွက်နေရင်းက ကောင်လေးနှစ်ယောက်ရဲ့ ဇာတ်လမ်းဟာလည်း တစ်ဝက်မြှုပ်နေခဲ့တော့သည်။
သိပ်လှသလို သိပ်ကြေကွဲရတဲ့ ဇာတ်လမ်းလေး မဟုတ်လား။
ယောကျ်ား၊ မိန်းမ နှစ်ယောက်ရဲ့ ဇာတ်လမ်းသာဆို လိုက်ပြီး ကြေကွဲနေသူတွေ မနည်းရှိပါလိမ့်မည်။
သို့သော် ဒီဇာတ်လမ်းလေးမှာ အဓိကဇာတ်ဆောင်က ယောကျ်ားသားနှစ်ယောက်သာ..။
-Lady Phoebe
____
"ဟင်.. ဒီနေ့ သတင်းကြီးကလည်း ဘာကြီးလဲ"
Ellenတစ်ယောက် မိခင်မသိအောင် Lady Phoebeရဲ့ စာစောင်ကို ချောင်တစ်ချောင်မှာ ခိုးဖတ်နေသည်။
သို့သော် စိတ်ဝင်တစား စပ်စုချင်စရာ သတင်းတစ်ပုဒ်မဟုတ်ဘဲ ဇာတ်လမ်းလိုလို ဝတ္ထုလိုလို စာသားတွေကြောင့် Ellen နှာခေါင်းရှုံ့မိသွားသည်။
ဒီစာစောင်ကို ညနေခင်းက အမေမသိအောင် သက်စွန့်ဆံဖျားသွားယူခဲ့ရတာ မတန်လိုက်လေခြင်း။
လအလင်းရောင်က တိမ်တွေမလှုံ့တလှုံဖုံးနေသည့်ကြားက ဖြာကျလို့နေသည်။
အိမ်နောက်ဖေးမြက်ခင်းပြင်ကျယ်ကြီးပေါ်က ဒန်းလေးမှာ ထိုင်ရင်း ဆေးလိပ်တဖွာကို ရှိုက်သည်။
အမေသာမြင်ရင် မိန်းကလေးငယ်လေးက မအပ်မစပ်တွေ လုပ်ပါတယ်ဆိုပြီး ကြိမ်တုတ်နှင့် ရိုက်လိမ့်မည်။
"ဆေးလိပ်တွေ ခိုးသောက်နေတာ အမေသိရင် ဆူခံရမယ်နော်"
အသံကြောင့် Ellen တောင့်ခနဲဖြစ်သွားသည်။
သူ့အနောက်မှာ ရပ်နေတဲ့ အစ်ကိုငယ်က တင်းမာနေပုံမပေါက်တာကြောင့်သာ သက်ပြင်းချလိုက်ရသည်။
အစ်ကိုကြီးသာဆို အမေ့ကို ပြန်တိုင်မှာ အသေအချာ။
YOU ARE READING
𝙏𝙝𝙚 𝘿𝙪𝙠𝙚, 𝙏𝙝𝙚 𝙍𝙖𝙠𝙚
Fanfiction"You're the most rakish person I've ever seen" "That's why you're here with me..now" "That's right.I hate you about that but 'm attracted to you at the same time" "All good boys go to heaven but here's a rake who brings heaven to you" Kookv JJK x KT...
